Ayat-ayat Alkitab Ternama dari Aroma 3

Bagikan

boti bapangite sambi no pu'ngu'ki'lwa na utukupu wa Nnu'ngu'. Lakini kwa ngu'ngu' ya Nnu'ngu', boti babalangilwa aki wabule kwa ndi'la ya Kilisitu Yesu ywakosopolya.

Aki yi' yaibu'ka kwa Nnu'ngu', ipatikana kwa imani kwa ndi'la ya Yesu Kilisitu. Nnu'ngu' apanga nyo kwa boti babau'bi'lya, kwa mwanjaa apo bandu boti sawasawa

Nnu'ngu' aampiyite Yesu abe salaka ya kwaawaniya kwa ndi'la ya imani mumyai yake. Aapangite nya li'nga alaye aki yake, kwa mwanjaa kwo komeya kwake, ailekekiye yi'lu' sambi yailongoli pangilwa. Aapangite nyo pala alaye aki yake nsimu wu'no, li'nga ywembe abe mwene aki na ammalangilya aki yu'lu' ywamwu'bi'lya Yesu.

Kwa nyo, ntu'pu' ata mundu yumo ywaalu'a balangilwa aki kwa Nnu'ngu' kwa kuikota salya, kwa mwanjaa salya innyangatia mundu aitange sambi bai.

Kati mwaiandikilwe mu Maandiko Mapeleteu panga, “Ntu'pu' mwene aki ata yumo. Ntu'pu' mundu ywatangite makowe ga Nnu'ngu', wala ywaauka na Nnu'ngu'. Boti baponangine, boti baboi, Ntu'pu' ywapanga manogau, ntu'pu' ata yumo.

Kwa mwanjaa tuibona panga, mundu abalangilwa aki kwa ndi'la ya imani, kwenda kwa iyendo ya salya lili.

Ata pasene! Nnu'ngu' atanganikwe panga ywa kakape saa yoti, pamope no panga kila mundu mmu'su'. Kati mwagabaya Maandiko Mapeleteu, “Kila paulongela malongelo gako ga kakape, na wenga waasinda pawasitakilwa na bandu.”