Ayat-ayat Alkitab Ternama dari Matius 9

Bagikan

Bo nanguli i Yesus ka anaguruNa, “Nadeamo tona nasadia mantarima Kareba Belo. Ira nasimbayu eva pae natasamo, nasadiamo rakato. Nadea mpuu pae nasadiamo rakato, tapi topokato ledo nadea. Jadi perapimo nte Alatala tupu ntalua, ala ratuduNa tona hau mokato ri taluaNa.”

Koi pegurumo batuana tesa nu Alatala anu nanguli ivei: ‘NipokonoKupa maasi matamiu manggita roamiu pade manggeni binata-binata rapesomba ka Yaku.’ Hosea 6:6 Yaku nakava ri dunia ledo mompokio tona anu nanguli karora nanoa, tapi mompokio tona nadosa majea lako ri dosara.”

Nanggita todea, naasi mpuumo mataNa, sabana nasesamo ira bo ledo ria tona nantulungi ira, nasimbayu eva bimba ledo ria topoevuna.

Niepe i Yesus tesara haitu. Jadi niulikaNa, “Tona ledo nadua ledo nomparaluu pakuli nu dokutoro. Aga tona nadua paraluu rapakulisi.

I Yesus hau nompesayoki ngata dea. Ia nompatuduki ri banua-banua petupu bo nompatolele kareba Poparenta nu Alatala. Bo nipakabeloNa tona nadua mpengaya-ngaya.