Ayat-ayat Alkitab Ternama dari Башталыш 17

Bagikan

Ыбрам токсон тогуз жашка чыкканда, Жараткан Эге ага көрүнүп: – Мен кудурети күчтүү Кудаймын. Менин жолум менен жүр, ак жаша.

Эми сенин ысмың Ыбрам эмес, Ыбрайым болот, анткени Мен сени көп элдердин бабасы кылдым.

Мен сени менен жана сенден кийинки урпагың менен – келечек муундар менен түбөлүк келишим түзөм: Мен сенин жана сенден кийинки урпагыңдын Кудайы болом.

– Мына, Менин сени менен түзгөн келишимим бул: сен көп элдердин атасы болосуң.

Ошондо Кудай мындай деди: – Аялың Сарый сага уул төрөп берет. Анын ысмын Ыскак деп коёсуң. Мен Өз келишимимди аны менен, анын урпактары менен түбөлүктүү келишим кылып түзөм.

Азыр өзүң келгин болуп жашап жаткан жерди – бүткүл Канаан жерин сага жана сенин урпактарыңа түбөлүккө энчи кылып берем жана Мен алардын Кудайы болом.

Ыбрайым чөк түшүп, чекеси жерге тийгенче таазим кылып, бирок ичинен: «Жүздөгү киши да балалуу болмок беле? Токсондогу Сарый эми төрөмөк беле?» – деп, күлдү.

Кудай Ыбрайымга дагы мындай деди: – Мындан ары аялыңды Сара эмес, Сарый деп чакыр.

Сүннөткө отургула, бул – Менин силер менен түзгөн келишимдин белгиси.

Бирок Мен келишимимди эмки жылы ушул маалда Сарыйдан төрөлө турган Ыскак менен түзөмүн.

Жаңы төрөлгөн ар бир эркек бала сегизинчи күнү сүннөттөлсүн. Бул муундан муунга сакталсын. Үйүңдө төрөлгөнү да, сенин тукумуңдан эмес, бирок жат элдиктен күмүшкө сатып алынганы да – тигиниси да, мунусу да сүннөткө отургузулушу шарт. Денеңердеги бул эн белги Менин түбөлүктүү келишимимдин белгиси болот.