Ayat-ayat Alkitab Ternama dari Cakirok 6

Bagikan

Aka Rwoth owinjo gi rem ni oyido ocweyo ji to ketho jo i piny, aka oramo cunye.

Rwoth oneno ni kidakana pa ji oyido dwoŋ i piny, aka kiri paro ma cuny jo je omedere bedo marac.

To Rwoth oyido winjo maber gi Nowa.

Me kigana ma mako kwoŋ Nowa. Nowa oyido obedo jacwo m'otire, ongoye gi komo aka owotho iy'acel gi Were.

Ameno Rwoth owaco ni, “Abino reyo woko ji m'acweyo wok i piny, kodi ogwaŋe gi winyin, rupiri arem ni acweyo jo.”

Munyo ji oyido jomore i piny, jonywolo nyir aka cwec moro ma polo joneno ni nyir pa ji oyido joŋon, ameno jonywomo paka joyero. Kenyo Rwoth owaco ni, “Akibino yeyo ji kwo cil gi cil, rupiri jobedo del, to wok pama jokilakwo ma kalo oro miya acel gi piero ario.” I ndir no, kodi kiri rumacen, oyido nitie ji m'ogaŋere i piny m'oyido jobedo nyithindho ma cwec ma i polo jonywolo gi nyir pa ji. Oyido jomeni, aka joŋeyere.

Nowa otimo paka Were omiyo go or.

Aka Were owaco ri Nowa ni, “Atieko miyere reyo woko gima kwo je. Abino reyo woko jo kicutho rupiri piny opoŋ tim pajo mar'akaka.

Geti ye perin wok kwoŋ mbawo maber; keth'iye kisikin to ifuy'iye gi woko gi odok.

Were oneno piny, aka neni, oyido opoŋ reco rupiri ji je oyido jonigi kwo mareco.

Rwaki kisi gima kwo jario i ye ŋey jowokwo; jowobedi ma jacwo gi madhako.