Ayat-ayat Alkitab Ternama dari Baroma 8

Bagikan

Khwamanya khuri mu biindu byoosi, Wele akholela buulayi abo babamukana; abo beesi niye alaanga khulondekhana ni shitsiililwa sheewe.

Lwekhuba ise ishiŋaŋasa ndi mbaawo shishiindu shishinyala shakhwawukhanisa ifwe khu khukana khwa Yezu ta. Abe ikhaba khuufwa, namwe bulamu, namwe bamalayika, namwe be buwuli, namwe bibiindu byoosi bibiliwo ari, namwe bibiindu bibiliitsa mu moni, namwe bayiinga, sibilikhwawukhanisa ta. Namwe oba tsingoongo, namwe kamatila, namwe shishiindu shoosi mu byabuumbibwa, mbaawo na shitweela shishinyalisa khukhwawukhanisa ifwe khu khukana khweesi Wele akhukanamo ifwe khubirira mu Mukasya weefwe Kristu Yezu ta.

Ni musaambo niyo indweela, Umwoyo akhuyeeta ifwe mu butoro bweefwe. Khubweefwe fwenyene, sikhwamanya nga ni khwakha khwaloomba ta. Ne Umwoyo umweene ekontselela ni khutsiinikha khukhukhalomekha ta, mu lisiina lyeefwe.

Mu khulolelela bino byoosi, kane khulome khuri shiina? Noola Wele ali khu lubeka lweefwe, ne ndi naanu unakhusoolanisa ifwe?

Ari abo babaali atweela ni Kristu Yezu, mbaawo khukhwikiitsibwa ta.

Khumalila kamakyesi koosi khu biindu bye kumubili khureera khufwa. Ne khuura bibyambaaso khu biindu by'Omwoyo, khureera bulamu ni lukoosi.

Mu biindu bino byoosi ifwe khwamala khaale khuwula, khulwa Yezu uyo uwakhukana ifwe!

Ise nambaasa ndi khutaambisibwa khukhuuliwo ari, sikhunyala khwalekhaanisibwa na khafwiiti khu shiriifwa shishiitsa khukhwokesebwa ifwe ta.

Ari naanu ndi unyala wakhwawukhanisa ifwe khu khukana khweesi Kristu akhukanamo ifwe? Bukosi, namwe bihangafu, namwe khukubyeengewa, namwe intsala, namwe butaambi, namwe bukosi bwe khuufwa, namwe khuufwa?

Ni Wele, uwofwasa kimyoyo kye babaandu, wamanya sheesi Umwoyo aba alikho ambaasa. Khulwekhuba Umwoyo aba alikho ekontselela nga Wele n'akana, nga aloombela bakhosefu.

Abo boosi beesi Umwoyo wa Wele araangilila bali babaana ba Wele.

Khulwekhuba abo babamenya nga kumubili ni kukana bara bibyambaaso byaabwe khu biindu byeesi kumubili kukana. Ne abo babamenya nga Umwoyo n'akana, bara bibyambaaso byabwe khu biindu byeesi Umwoyo akana.

Wele s'aloba khuwaanayo Umwaana weewe umweene ta, ne amuwanayo khulweefwe fweesi. N'endi Wele anyala aryeena waloba khukhuwa ifwe bibiindu byoosi atweela n'Umwaana weewe?

Umwoyo uwa Wele umweene etubaasa ni kimyoyo kyeefwe, waboola ari khuli babaana ba Wele. Ni khuba nga khuli babaana, khuba khuli basikha; basikha ba Wele, nalundi khuba khuli be busikha atweela ni Kristu, khukhwamila khu khutaambisibwa atweela ni naye, nio nafwe khufune shiriifwa atweela ni naye.

Bibyambaaso bibiiba khu biindu bye kumubili biba bikhaandisana ni Wele; sibiwulila kamakaambila ka Wele ta. Ilala sibinyala na khafwiiti byawulila Wele ta.

Khulwekhuba bibuumbe byoosi byaloleelela, nalundi byalindiilila lukali khubona nga Wele ni okesa lubuula babaana beewe.

Khulwekhuba khwamanya khuri khukhwolisa ari, bibuumbe byoosi bikholatsaka shiisa, nga bitsiinikhanila atweela khukhwolisa ana ari.