Ayat-ayat Alkitab Ternama dari Baroma 10

Bagikan

Khulwekhuba iwe n'ufukiilisa ni kumunwa kwoowo uri Yezu niye Umukasya, nalundi wafukiilila mu mwoyo kwoowo uri Wele amulamusa khukhwaama mu bafu, uliwonesebwa.

N'ufukiilila ni kumwoyo kwoowo, wikyela umukwalaafu; ne n'ubuula ni kumunwa kwoowo, uwonesebwa.

Nashiryo, khufukiilila khwama mu khurekeeresa burume, nalundi burume bwiitsa khukhwaama mu khulaangila khweesi Kristu akhola.

Nga bibyaronebwa bikhosefu ni biloma biri, “Mbaawo umuundu namutweela ufukiilila mu Yezu, uliwambisibwa kamaŋaanyu ta.” Khulwekhuba mbaawo khuromboosa akari w'Omuyudaaya n'Umunaambo ta. Umukasya mutweela uyo, niye Umukasya uwa boosi. Nalundi niye ukabila boosi babamwiitsayo buyiindifu bweewe. Nga ni sharonebwa shiri, “Buli mundu yeesi uwisaaya Umukasya, aliwonesebwa.”

Nalundi babaandu banyala baryeena bakhupa kumulaanga kwe burume, nga imbaawo ubarumanile ta? Ne nga bibyaronebwa bikhosefu ni biloma biri, “Babareera kamakhuuwa kamalayi nga bali ni bikele bilayi!”

Ne babaandu banyala baryeena besaaya Umukasya nga bashiili khumufukiililamo ta? Nalundi banyala baryeena bamufukiililamo, nga bashiili khuwulila burume bubwama isi Umukasya ta? Nalundi banyala baryeena bawulila bibiwaamba khu Mukasya, nga imbaawo ubakhupiile kumulaanga ta?

Khulwekhuba ari Kristu wakila kamakaambila kayakama khuraamba, nio buli mundu yeesi umufukiililamo abe umukwalaafu isi Wele.