Ayat-ayat Alkitab Ternama dari ROMANOS 8

Niźaśa ućhumnakki śiśa Yöśki thappacha ni pekñinakźkiś nïź ćhhultaqinaka thäñićha, xalla ninakaki Yöś quś pektakama qhawźtaćha.

Niźaśa werhki quś źethchinpanćha anaź ćhhulumi ni Yöś ućhumnak pekñikiśtan t'aqasaćha: Ana ni tikhśmi, ana źetimi, ana ni anjilanakami, ana ni chawkh aśinakami, ana ni animuź aśinakami, ana ni anś khiñinakami niźaśa ana ni uśhka thonñinakami, ana ni muspa tsewk khiñimi, ana ni muspa qos khiñimi, niźaśa ana xaqhsilta Yöś päta ćhhultaqkiśtanmi. ¡Ni Yöś ućhumnak pekñikiśtanaki anaź ćhhulumi t'aqasaćha, niźaśa Jesucriśtu Tataki ućhumnakakiś thëśipanćha!

Xalla niźtaśaqaś ni Espirituki ućhumnaka upa quśśiś khen yanapćha. Niźaśa ućhumnakki anaź Yöśkin xaqhnuź mayiśiślaxa ni śiśśa, ans ni Espiritupachaź ućhumnakkiśtan Yöśkin mayt'iźinćha, xalla nïkiź rokt'iźinćha, niźaśa anaź chï atasaćha.

¿Xaśiki ućhumnakki qhaźpanź khixo? ¡Niźaśa Yöśki ućhumnaka tukatuźlax nïki, anaź jëkhmi ućhumnakatan moq'u khesaćha!

Niźaśa ni Jesucriśtuźtan chika źelhñinaka niźaśa ana ni xañchiźkama oqhñinakźtaki, ninakźkiśiki ni uj anaź thxotunta khesaćha, ans Espirituźxaruź qamakićha.

Niźaśa ni xañchiźkama oqhśki tikhśpanqaśśa, ans ni Espirituźkama oqhśki wiñay źetićha niźaśa śuma qamañaćha.

Niźaśa ućhumnakki thapa tinakźkiśtan atipñi ulantaćha, ni ućhumnak pekñiź aśtan.

Niźaśa ti pachkiś t'aqhiśiśnakaki anaćha ćhhulumi, ni uśhka thonñi Yöś aśtan tupasaź nïki, neqhśtan ućhumnakki wiruñ nïź cherakićha.

¿niźaśa jëkit ni Criśtuź ućhumnak oqśñikiśtan t'aqasaxo? ¿Ni t'aqhiśiśqaya, uśh ni ch'amanakaxa, uśh ni tanśxapa qhurñinakaź khesaxa, uśh ni ćhher mach'aź khesaxa, uśh ana śkiti źelan khesaxa, uśh ni anawal llakinakaź khesaxa, uśh ni ana pinsita tikhś khesaya?

Niźaśa Yöśśa śapamayniź quś phalñiki, niźaśa nïki ni Espíritu ćhhulut chïś pekćhaxa xalla nïź śiśa, xalla ni Espirituki Yöś pektakamaź rokt'iźinćha ni Yöś kirïchi źkayi quśśiś jilanakźtaxapa.

Niźaśa thappacha ni Yöś Espirituź irpitanakaki, cheqpacha Yöś matinakaćha.

Niźaśa ni xañchikiśtanźlax nïki, ni xañchiź ćhhultaqinakapanź pinsićha; ans ni Espirituźkiśtan khiñinakaki Espirituźkiśtanśaqaś pinsićha.

Niźaśa Yöśki ućhunnakiź anapan anaź khichićha niźaśa ana nïź perśun Machhkiśimi, ans thappacha ućhumnaka layku tikhśkiś thächićha, ¿qhaź nïź ćhhultaqinaka ana nïź Machhśtan chika ućhumnakakiś thäsaxo?

Xalla ti Espiritupachaź ućhum animuźkiś qhanakhićha, ućhumnakki Yöś matipanćha khikan. Niźaśa ućhumnakki Yöś matićhumćha, niźtaśaqaś ućhumnakki ni Yöś ućhumnakakiś taqu onźta tanźnakićha, xalla nuź ućhumnakki ni Criśtuźtanź qamakićha, niźaśa ućhumnakki nïźtan chika t'aqhiśitaćha nïźtan chika nïź aśkiś qamśxapa.

Xalla ni xañchiź pinsitanakaki Yöśxapa moq'ućha; xalla ninakaki anaź ni Yöś lïxaru qamćha niźaśa anapanź atćha.

Niźaśa thappacha ti yoqkiś qamñi źoñinakaki, thappacha ućhumnak Yöś matiź khikan ana awanta theśñiź pekćha.

Niźaśa ućhumnakki töx thuñikama śiśśa thappacha ti yoqkiś qamñi źoñinakaki añchaź t'aqhiśi niźaśa qhawćha tsha mati läkhichiñ mätaq źoñiźtaqaś.