Ayat-ayat Alkitab Ternama dari ಲೂಕ 10

Bagikan

ಇದಾ, ನಿಂಗ ಪಾಂಬ್ ಪಿಂಞ ಚೇಳ್‌ರ ಮೇಲೆ ಚೌಟ್‍ವಕು, ವಿರೋದಿಯಾನ ಸೈತಾನಂಡ ಎಲ್ಲಾ ಶಕ್ತಿನ ಚೋಪ್‌ಚಿಡ್‌ವಕು ನಾನ್ ನಿಂಗಕ್ ಅದಿಕಾರ ತಪ್ಪಿ; ಏದು ನಿಂಗಳ ಒಂದು ಮಾಡುಲೆ.

ಅದ್ಂಗ್ ಯೇಸು: ಮಾರ್ಥ, ಮಾರ್ಥ, ನೀನ್ ದುಂಬ ವಿಷಯತ್‍ನ ಗೇನ ಮಾಡಿಯಂಡ್ ಬೇಜಾರ್ ಮಾಡಿಯಂಡ್ ಉಳ್ಳಿಯ. ಆಚೇಂಗಿ, ಒಂದ್ ಮಾತ್ರ ಬೋಂಡಿಯೆ. ಮರಿಯ ಅವಡ ಹೃದಯತ್ಂಜ ಎಡ್‌ಪಕಯ್ಯತ ನಲ್ಲ ಬಾಗತ್‍ನ ಗೊತ್ತ್ ಮಾಡಿತುಂಡ್‍ೕಂದ್ ಎಣ್ಣ್‌ಚಿ.

ಅದ್ಂಗ್ ಆ ಉಪಾದ್ಯ: ನೀಡ ದೇವನಾನ ಒಡೆಯನ ಪೂರ್ತಿ ಹೃದಯತ್‍ಲ್, ಪೂರ್ತಿ ಆತ್ಮತ್‍ಲ್, ಪೂರ್ತಿ ಮನಸ್ಸ್‌ಲ್, ಪೂರ್ತಿ ಶಕ್ತಿಲ್ ಪ್ರೀತಿ ಮಾಡಂಡು. ಅದಲ್ಲತೆ ನೀನ್ ನಿನ್ನ ಎನ್ನನೆ ಪ್ರೀತಿಮಾಡ್‍ವಿಯ ಅನ್ನನೆ ನೀಡ ನೆರಮನೆಕಾರಳ ಸಹ ಪ್ರೀತಿ ಮಾಡಂಡೂಂದ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.

ಅಯಿಂಗಳ ನೋಟಿತ್: ಬೇಲ್‌ಲ್ ಬೊಳೆ ದುಂಬ ಉಂಡ್, ಆಚೇಂಗಿ ಕೊಯಿಪಣಿಕ್ ಆಳ್‍ಕಾರ ದುಂಬ ಕಮ್ಮಿ; ಆನಗುಂಡ್, ಬೊಳೆಕ್ ಕಾರಣವಾಯಿತುಳ್ಳ ಎಜಮಾನಂಡ ಪಕ್ಕ, ಆಳ್‍ವಳ ಅಯಿಪಕ್ ಅಂವೊನ ಬೋಡ್‍ವಿರ.

ಇನ್ನನೆ ಇಪ್ಪಕ, ಕಳ್ಳಂಗಡ ಕೈಕ್ ಕ್‍ಟ್ಟ್‌ನ ಅಂವೊಂಗ್, ಈ ಮೂಂದಾಳ್‌ರ ಕೂಟ್‌ಲ್ ದಾರ್ ನೆರಮನೆಕಾರಾಂದ್ ನಿಂಗ ಗೇನ ಮಾಡ್‌ವಿರಾಂದ್ ಕ್‍ೕಟತ್. ಅದ್ಂಗ್ ನ್ಯಾಯಪ್ರಮಾಣತ್‍ರ ಶಾಸ್ತ್ರಿ: ದಾರ್ ಅಂವೊಂಗ್ ಕನಿಕರ ಕಾಟ್‍ಚಿ ಅಂವೊನೇಂದ್ ಯೇಸುಕ್ ಎಣ್ಣ್‌ಚಿ. ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನದ್ ಸರಿ, ನೀನ್ ಸಹ ಪೋಯಿತ್ ಅನ್ನನೆ ಮಾಡ್‍ೕಂದ್ ಎಣ್ಣ್‌ಚಿ.

ಪೊರಟಿತ್ ಪೋಯಿ; ನಿಂಗಳ ತೋಳಯಡ ಮದ್ಯತ್ ಕೊರಿಯಳ ಅಯಿಪನೆಕೆ ನಾನ್ ನಿಂಗಳ ಅಯಿಚಂಡ್ ಉಳ್ಳದ್‍ನ ಗೇನ ಬೆಚ್ಚೊಳಿ.