Ayat-ayat Alkitab Ternama dari Mathayo 7

Bagikan

“Kwauru, eka nomiu, kendo dwaruru, eka unuyudi, bende dwong’uru eka noyawnu

nikech ng’at mokwayo ema yudo, kendo ng’at modwaro ema nwang’o, bende ng’at modwong’o ema iyawone.

“Mano emomiyo ng’at mowinjo wechenagi, mi orito, chalo gi ng’at mariek mane ogero ode ewi lwanda.

“Pile timuru ni jowadu mana kaka duher mondo gin bende gitimnu. Mano e tiend Chik Musa gi tiend puonj Jonabi.

To yo madhi e ngima diny, bende rangach midonjogo tin, kendo joma nwang’e nok.

“Donjuru e rangach madiny, nikech yo madhi e tho lach, bende rangach midonjogo kuno duong’ kendo joma luwe ng’eny.

Koro, ka un joma richo kama ema ung’eyo miyo nyithindu gik mabeyo, to Wuonu mae polo donge dibed mamor kuom chiwo gik moko mabeyo ni joma okwaye?

“Kik ung’ad ni ji bura, mondo un bende kik ng’adnu bura, nikech yo ma ung’adoe ni ji bura, e yo ma un bende nong’adnue bura, kendo rapim ma upimoe ema un bende nopimnue.

To ng’at ma winjo wechegi, to ok omako, chalo gi ng’at mofuwo mane ogero ode ewi kuoyo.

Marang’o ineno mana pilni yath manie wang wadu, to yath maduong’ manie wang’i iwuon to otami neno? Ere kaka diwach ni wadu ni, ‘We agolni pilni yath manie wang’i,’ ka into yath maduong’ ngolni e wang’i?

“Beduru motang’ ni jonabi mag miriambo, mabiro iru korwakore gi lep rombe, to chutho gin mana ondiegi mangemo! Unung’e joma kamago mana gi olemo ma ginyago. Bende ji nyalo pono olemb mzabibu kuom kudho? Koso digipon ng’owo kuom oriang’, ka ok mana kuom yiend olemo?

Yien mabeyo nyago olemo mabeyo, to yien maricho nyago olemo maricho.

Yath maber ok nyal nyago olemo maricho, kendo yath marach ok nyal nyago olemo mabeyo.

To yath ka yath ma ok nyag olemo mabeyo iting’o mi wit e mach.