Ayat-ayat Alkitab Ternama dari Jaku-dalam 17

Bagikan

Pangan endang seruran ngayanka pengerindu sida. Nama guna bisi kaban belayan enti sida enda enggau natka penusah?

Ati ti selalu lantang ngasuh nuan bepengerai. Ati ti selalu tusah deka ngasuh nuan mupuk mati.

Enti nuan deka ngasuh orang rinduka nuan, ampun sida lebuh sida ngereja utai ti salah ngagai nuan. Enti nuan seruran ingatka penyalah sida, kaul entara kita deka rusak.

Orang ke mereti, enda seruran kutap-kutap. Orang ke enda bemunyi nya orang ke bepenemu-dalam.

Indah orang ke beli deh kadang-kadang dikumbai bepenemu-dalam sereta nemu berunding, enti sida enda bejaku.

Manah agi makai kerak roti tang bisi pemaik dalam ati, ari ke rami makai besai dalam rumah ti penuh laban pengachau.

Pun kelikuh nya baka tekat ai ti baru deka runtuh. Padamka kelikuh nya enggau jampat.

Ngukum orang ke nadai penyalah, tauka ngelepaska orang ke jai, nya pengawa ti sama dipegedika TUHAN.