Ayat-ayat Alkitab Ternama dari رٛمَعٜنْ 6

Bagikan

نغَمْ نغٜىٰنَارِ حَکّٜ، طُمْ مَايْدٜ؞ عَمَّا دٛکَّلْ اَللَّه کَمْ، طُمْ نغٜىٰندَمْ ندُومِيطَمْ ندٜرْ کَوْتَلْ بٜى عِيسَى اَلْمَسِيحُ، جَوْمِرَاوٛ مٜىٰطٜنْ؞

حَکّٜ لَامَتَا دٛوْ مٛوطٛنْ، نغَمْ جٛنْتَ لٜسْ مٛعّٜرٜ نغٛنْطٛنْ، نَا لٜسْ تَوْرٜىٰتَ؞

ندٜرْ بَݠْتِسْمَ عٜنْ عُوْدَامَ بٜى مَاکٛ؞ ندٜنْ بَنَ کَنغْکٛ عٛعُمِّتِ دِغَ مَايْدٜ بٜى بَاوْطٜ اَللَّه تٜدُّطٜ، بَنَ نٛنْ عٜنٜنْ بٛو نغٜىٰطِرْتٜنْ نغٜىٰندَمْ کٜسَمْ؞

تَا لِيعَنٜ حَکّٜ تٜرْطٜ مٛنْ نغَمْ حَا طٜ لَاتٛ کُووْتِنِرْطٜ حَلّٜىٰندٜ؞ عَمَّا لِيعَنٜ اَللَّه کٛعٜ مٛوطٛنْ نغَمْ حَا عٛحُووْتِنِرَ تٜرْطٜ مٛنْ وَطُغٛ کُوطٜ عَدِلَاکُ نغَمْ عٛنْ نغُرْتَکٜ مَايْدٜ، عٛنْ نَسْتِ نغٜىٰندَمْ؞

عٜنْ عَنْدِ ڢَکَتْ، کٛ لَاتِيطٜنْ ࢡٛويْمَ طُمْ مَايْدِ بٜى اَلْمَسِيحُ دٛوْ لٜغَّلْ غَاڢَانغَلْ نغَمْ حَا ࢡَنْدُ حَکّٜىٰرُ نَتَّ، نغَمْ تَا عٜنْ لَاتٛ مَشُّࢡٜ حَکّٜ ڢَحِنْ؞

بَنَ نٛنْ عٛنٛنْ بٛو ندَارٜ کٛعٜ مٛنْ عٛنْ مَايْࢡٜ حٜىٰدِ حَکّٜ، عَمَّا ندٜرْ کَوْتَلْ بٜى اَلْمَسِيحُ عٛنْ يٜىٰطْࢡٜ نغَمْ اَللَّه؞

کٛ مبِعٜتٜنْ جٛنْتَ؟ عٜنْ تٛکّٛ جٛوطَاغٛ ندٜرْ حَکّٜ نغَمْ حَا مٛعّٜرٜ اَللَّه ࢡٜسْدٛ نَ؟ کَيَّ، نَا نٛنْ سَمْ‏! حٜىٰدِ حَکّٜ کَمْ، عٜنْ مَايْࢡٜ؞ کَدِ نٛيْ تٛکّٛرْتٛوطٜنْ يٜىٰطُغٛ ندٜرْ حَکّٜ؟

عٛنْ عَنْدَا نَ؟ ندٜ عٛنْ لِيعَنِ غٛطّٛ کٛعٜ مٛنْ حَا عٛنْ طٛوْتَنٛ مٛ، عٛنْ لَاتِ مَشُّࢡٜ مَاکٛ؞ تٛ عٛنْ طٛنْ طٛوْتَنٛ حَکّٜ، ندٜنْ کَمْ عٛنْ مَايَنْ، عَمَّا تٛ عٛنْ طٛنْ طٛوْتَنٛ اَللَّه، عٛعَدِلِنَنْ عٛنْ؞

يٜتّٛورٜ لَاتَنٛ اَللَّه‏! نَانٜ عٛنْ مَشُّࢡٜ حَکّٜ، عَمَّا جٛنْتَ عٛنْ طٛوْتَنِ غٛونغَ عٜکِّتِنٛلْ نغٛلْ عٛنْ نَنِ بٜى ࢡٜرْندٜ وٛورٜ؞ عٛنْ رِمْطِنَاࢡٜ دِغَ نجٜيَانغُ حَکّٜ، عٛنْ لَاتِ مَشُّࢡٜ عَدِلَاکُ؞