Ayat-ayat Alkitab Ternama dari غُرْتَاکِ 16

Bagikan

ࢡٜمبِعِ ࢡٜ‏: «ندِکَّ تٛ جَوْمِرَاوٛ مبَرِ مِنْ ندٜرْ لٜسْدِ مِصْرَ‏! تٛنْ مِنْ طٛنّٛ نجٛوطِ کٛمْبِ ݠَيَنْطٜ کٜىٰوْطٜ کُسٜلْ، مِنْ ࢩَامِ حَا مِنْ شَڢْتِ‏! عَمَّا عٛنْ نغُرْتِنِ مِنْ، عٛنْ نغَدِّ مِنْ ندٜرْ لَدّٜ ندٜعٜ نغَمْ حَا جَمَعَارٜ ندٜعٜ ڢُو مَايْرَ وٜىٰلٛ‏!» جَوْمِرَاوٛ وِعِ مُوسَى‏: «مِتٛࢡْنَنَنْ عٛنْ ࢩَامْدُ دِغَ عَسَمَ؞ ندٜ وٜىٰتِ ڢُو يِمْࢡٜ نجَحَنْ ࢡٛڢْتَ ࢩَامْدُ دٜيْدٜيْ ࢩَلَادٜ مَنْ؞ بَنَ نٛنْ ݠٛونْدِرَنْمِ عٛنْ، حَا مِلَارَ تٛ عٛنْ طٛوْتَنْتٛ عُمْرٛورٜ عَمْ مَلَّ عٛنْ طٛوْتَنْتَاکٛ ندٜ؞

حَا لَدّٜ تٛنْ، ࢡٜ ڢُو ࢡٜنغُرْنغُرْتِ دٛوْ مُوسَى عٜ هَـٰرُونَ؞

مُوسَى وِعِ‏: «ندَا نِي عَنْدِرْتٛنْ طُمْ‏: کِيکِيطٜ جَوْمِرَاوٛ ࢩَامْنَنْ عٛنْ کُسٜلْ، ڢَجِرِ بٛو عِرِنْ تَمْسٜىٰجٜ، حَا عٛنْ کَارَ؞ نغَمْ جَوْمِرَاوٛ نَنِ نٛ عٛنْ نغُرْنغُرْتِرِ دٛوْ مَاکٛ؞ نغَمْ مِنِنْ، مِنْ ࢡٜيٜ؟ نغُرْنغُرْتٛلْ مٛنْ لَاتَاکِ دٛوْ عَمِنْ، عَمَّا دٛوْ جَوْمِرَاوٛ؞»

«مِنَنِ نغُرْنغُرْتٛلْ إِسْرَاءِيلَعٜنْ؞ يٜشُّ ࢡٜندَا نِي مبِعْمِ‏: مَنغَرِبَ ࢩَلَادٜ مَنْ، عٛنْ ࢩَامَنْ کُسٜلْ، جَنغٛ ڢَجِرِ بٛو عٛنْ کَارَنْ تَمْسٜىٰجٜ؞ بَنَ نِي عٛنْ عَنْدَنْ مِنْ وٛنِ جَوْمِرَاوٛ، اَللَّه مٛوطٛنْ؞»