Ayat-ayat Alkitab Ternama dari Apocalipsis 6

Bagikan

*Ndá tsjaha̱ la kꞌuíkua̱n ijnko koka̱te̱ siñe. A̱ndá ti nkexro tekjen mé itꞌin Kjuachꞌén. Landá nóton tíhi mé chréhe̱ ti nkexro tꞌayakohen ti tjejó ti sin tsíkꞌen. Ndá yóí sin kꞌuáyéhe̱ sin kjuachaxin kixin ti noóxin parte ti chojni siín chjasintajni la espada tsꞌóñáxin sin, la ko tsꞌóñáxin sin kjinta la ko ichin la ko kaín ti iko jie̱he siín.

*A̱ndá tsjaha̱ la kꞌuíkua̱n ijnko koka̱te̱ tjóá, a̱ndá ti nkexro tekjen ti koka̱te̱ mé chónta ijnko arco la kꞌuáyéhe̱ ijnko corona la jehe chꞌan kjuacha chꞌan la na̱xa̱ xíkjacha chꞌan ínaá.

A̱ndá ti ó xitje̱he̱ ti nꞌóxin sello mé kꞌuíkua̱n kixin chrínkí ti altar mé tjejó a̱sén ti sin tsíkꞌen kixin kꞌuéchronka sin itén Díos la kuito̱ehya sin kuinkáchónki sin chꞌan.

Mé itsen ndáchro sin: ―Jaha Díos chonta kaín kjuachaxin, jaha ti nkexro tjóá la ko chro̱nka kaín nkehe chaxín. ¿Xá hasta nkesá si̱nchekito̱exián iji̱é ti sin siín chjasintajni, ti sin kꞌóñá ti jeheni? ¿Xá hasta nkesá tsje̱nka̱ sin ti nkehe nduáhya kjuíchꞌe sin? Ndá kꞌuáyéhe̱ sin ika tjóá la kꞌuítuehen sin kixin na̱xa̱ tso̱kꞌéhe sin íso ña̱o, hasta tsoxítjajia ti sin tsitekaon Díos na̱xa̱ tꞌitjáña tsꞌenxín sin éxi kꞌuénxin ti sin a.

*A̱ndá kꞌuaxrje íjnko koka̱te̱ kjátse. A̱ndá ti nkexro tekjen ti koka̱te̱ mé kꞌuáyéhe̱ ijnko espada ijié la kꞌuáyéhe̱ kjuachaxin kixin tsjatsìin ti kjuaxróxin siín chjasintajni, ndá ti chojni siín ntiha la jehí tsꞌóñá kícho.

*kixin ó ikui ti ña̱o sinchekjasóte ti Kolélo la ko Díos ti jeheni la, ¿xá nkexro chrókjuacha tíha? ―ichro sin.

*A̱ndá tsjaha̱ ti ó xitje̱he̱ ti njonxi̱n sello, ndá imá kꞌuínki nonte. Ndá ti ña̱o la kótié éxi ti ika tꞌinkáya sin ti itꞌen chojni. La ti nitjó la kókjátse éxi ijni̱ tsjehe. *A̱ndá ti konotsé la xèjixín nka̱jní síti chjasintajni éxi ti inta tꞌóna to higo xènjin ti ito yoa ti imá chjéhe xri̱nto̱.

*Ndá ti xitje̱he̱ ti níxin sello la kui̱ha̱n itsen nixja ti níxin nkexro tjechón ndáchro: ―¡Xrákia! Ndá tsjaha̱ la kꞌuíkua̱n ijnko koka̱te̱ tié. A̱ndá ti nkexro tekjen ti koka̱te̱ mé tjexri̱a ijnko báscula. Landá kui̱ha̱n nixja ijnko ti nkexro itjen nko̱siñe ti tjejó ti noó ti sin tjejóchón, mé ndáchro: ―Ijnko kilo noa trigo o̱ iní kilo cebada tsꞌite kaín ti chichaon tsjacha chojni ti ixra̱ sichꞌe nkojnko ña̱o. Kjánchó ti aceite la ko ti vino la chrókjuinchekꞌitjáñahña.

*Ndá ti nka̱jní la kꞌuitjáña éxi tóhen ijnko xroon xrèya̱ xi̱kaha. La kaín ti ijna̱ la ko ti nonte ntsíntsí siín nko̱siñe nda̱ñao la sákjuí ókjé. *A̱ndá kaín ti sin rey siín chjasintajni la ko ti sin tꞌe̱to̱an, la ti chojni rico, ti chojni chónta kjuachaxin la ko kaín ti chojni chꞌexón ixra̱ la ko ti chojni ichꞌe ti ixra̱ kuènté mé kꞌuejómá sin nkaxehen itjo̱ la ko chrínkí ti ixro̱ yehye siín nte̱je̱.