Ayat-ayat Alkitab Ternama dari Apocalipsis 14

Bagikan

Ndá kui̱ha̱n ijnko itan kui̱xi̱n nka̱jní ndáchro: ―Ikjian tíhi: “Náxrjón chéhe̱ ti nkexro itsꞌen tinkáchónki Ìnchéni ndesi ijie.” Jeén xi̱kaha, ichro Ncha̱kuén Díos. Jehe sin mé tso̱kꞌéhe sin kixin ó kjuíchꞌe sin ixra̱ la Díos tsje̱nke̱he ti jehe sin kaín ti ixra̱ jína kjuíchꞌe sin.

Méxra̱ ti nkexro tinkáchónki Díos la ko nchexiteyá ti nkehe tꞌe̱to̱an chꞌan la ko ti̱toéhya sin chréhe̱ sin chꞌin Jesús, la tsꞌo̱xrjéhya sin.

Ndá ti ángel mé itsen ndáchro: ―Tjíkosayehéra Díos la ko chje̱héra kjuasáya kixin ó kjuixraká ti ña̱o sinchekito̱exín chꞌan iji̱é kaín chojni. Tjikosayehéra ti nkexro kjuíchꞌéna nka̱jní la ko chjasintajni, nda̱ñao la ko ti sítꞌaxrje ìnta̱.

Ndá chrꞌéxi̱n chréhe̱ ti níxin ángel la itsen, ndáchro: ―Ti nkojín nkexro tsjikosáyehe ti iko ijié la ko ti nkehe tsíkjano̱ña kuènté o̱ tsochónta xro̱ye ti totjín o̱ ti itja chjina, *la Díos imá tso̱nínkaon landá sinchekjasótexín chꞌan kaín sin ti xrohi la ko azufre, mé ti sin ángel la ko ti Kolélo la tsꞌikon nkexrín tsjasóte sin. *Ti ihnchi kuènté ti xrohi tjasótexín sin mé tsochrìin nkochríxín la xrokjuahya tso̱kꞌéhe sin ncha̱kotjin la ko tie kixin kuinkáchónki sin ti iko ijié la ko ti nkehe tsíkjano̱ña kuènté la ko chónta sin ti xro̱ye kuènté ti ihni̱é.

*Ndá tsjáha̱ la kꞌuíkua̱n kixin ti Kolélo la tjexín to̱té chritaón ti ijna̱ Jerusalén. Jehe chꞌan la ko ciento cuarenta y cuatro mil chojni tjejóko chꞌan chónta ihni̱é chꞌan la ko ihni̱é ti Itꞌé chꞌan ti totjín sin.

A̱ndá kꞌuíkua̱n íjnko ángel tjetjaká nko̱siñe nka̱jní chronka ti itan tsaáxini nkochríxín kixin tsihin ti chojni siín chjasintajni la ko kaín nación, chojni kaín nkexrín tsjehe, kaín ngiva la ko kaín chjasin.

*Ndá chréhe̱ ti yaáxin ángel, ndáchro: ―Ó kjuixin kꞌuitjáña, ó kjuixin kꞌuitjáña ti chjasin ijié, ti chjasin Babilonia. Ti chjasin kjua̱ko̱he̱ kaín ti iso chjasin tsjasin ijie̱ la ko tsinkáchónki ti nkehe tsíkjano̱ña.