Ayat-ayat Alkitab Ternama dari Lin 17

Bagikan

Krismas tan Abram kah onsungoh-pe-ndrosih pe Lapan ihir ngon iy pe ipe ihpa, “Yu ti Lapan Petngendrei, petngendriyen sane ndre sulo-on. Ohrung nolou Todo. Opo sane kihrut kolwii.

Rangam Abram ti kah we kinum mahkele pe Yu we kurson rangam kile Abraham. Kuti odosa, Yu undrepandranan ou we ala tama’ sa lau odo kantri sulo-on.

Poromis Todo ile tadam pe papum su ti we kindrito pe kindrito. Poromis Todo ti ihpa ndre Yu ti Lapan tadam, pe Lapan ta su papum yi.

“Ohrung poromis Todo ile tadam ti ihpa ndre kurti: Ou ti we ala taman kantri sulo-on.

Odoke Lapan ipe ile tadan ihpa, “Pwi. Mbrulum Sarah ti we kiduwe nedum homou kamal, pe ou we eyuwen rangan Aisak. Yu we kupu poromis ndrodan iy, pe poromis kuti we ta su yayan, pe we kindre-en.

Poi Kenan ou ka emin eriy kurti poye’ su lau se yi. Odoke Yu we kuduwe kile poyim, pe su papum we hemin eriy, kenon ndre lokpoi kinum. Pe Yu we Lapan ta su.”

Abraham ihrungi Lapan ipe nolou kuti pe iy pandrulku-un ile poi, pe iduwe mbrulin iltu-uw ndre poi. Odoke iy ideherunge pe irkei. Iy idawene ihpa, “Sa kamal krismas ta sa kah sangat ti hanon hopo kom yi? Krismas ta Sarah ti kah onsungoh, pe iy kenon kipu kom yi?”

Inum pe Lapan ipe ile tan Abraham yi ihpa, “Ou ka oyuu mbrulum ti kile Sarai kahriy. Kidu mahkele pe kile, eri ou kah oyuu iy Sarah.

Idu mahkele pe kile eri oduu we etnemendrele keltun merse-e’ sa kom mone iy ndre hentawe su tapa eriy kinto lon rang ndroruu ti, ndrodan kom mone nedu’ su ndramat lewen marai honto lenga’ oduu pe lewen marai oduu etsihnen su odo mahun ti yi. Iy kurti we kimpaniniyan kihpa ndre poromis kurti imin lenga’ toru kudu eri we kindrito pe kindrito.

Odoke poromis ndre idu kolu, eri Yu we kuhnan ndrodan Aisak. Sarah we kiduwe Aisak ti kidu mundrun kati, odo krismas imin.”

Idu mahkele pe kile eri oduu we etnemendrele keltun merse-e’ sa kom mone iy ndre hentawe su tapa eriy kinto lon rang ndroruu ti, ndrodan kom mone nedu’ su ndramat lewen marai honto lenga’ oduu pe lewen marai oduu etsihnen su odo mahun ti yi. Iy kurti we kimpaniniyan kihpa ndre poromis kurti imin lenga’ toru kudu eri we kindrito pe kindrito.