Ayat-ayat Alkitab Ternama dari Jọn 3

Bagikan

“Mije Awaji îmun̄ ebi linyọn̄ me chieen̄ enenen, mè inyi ọkpọkpọ Gwun̄ ge kan̄, inyi ene geelek òchechieek me lek Gwun̄ ya ikachep, ire, ikaan̄ ugwem ikakaan̄ge itata.

Awaji ìkaria Gwun̄ kan̄ ìnu me linyọn̄ ibe initip ebi linyọn̄ oyerebet. Ire, ìria inu, inyi ọmọ inan̄a me lek Gwun̄ ya inyan̄a ebi linyọn̄.

Jisọs onenifọọk ọmọ ibe, “Ǹkitumu atikọ inyi owu, kpunu ene geege òbokọt imun̄ mkpulu eyi Awaji îtata mè ekpọkpọk ene ya iman.”

Ene geelek òchechieek me lek Gwun̄ ya, kpetip ene ya oyerebet. Ire, ene geelek ikachieekge me lek Gwun̄ ya, mîwuuk lek itip ene ya oyerebet isan̄a, mije îjitbe ichechieek me lek ọkpọkpọ Gwun̄ ge Awaji oriabe inu.

Inu esabe ifieek oyerebet ya ìre, ke Utoon̄ înu me linyọn̄, ire, ebilene ema udun igak utoon̄, mije, otutuuk irọrọ kiban̄ ìre ijo ijo.

Eya orọ, ogwu enerieen̄ ya môkpọkpọ ikimin, mè ikitaan̄ etip, ire, emi m̀bakigegele isiki.

Ene geelek òkirọ ijo inu ìkichacha utoon̄ ya. Ìkakichieek inunu me lek utoon̄ ya, mije, ìkitet ukpook ibe ke utoon̄ ya mônikpọk mbum ijo irọrọ kan̄.

Ene geelek òchechieek me lek Gwun̄ ya îkaan̄ ugwem ikakaan̄ge itata, ire, ene geelek òjijit Gwun̄ ya ìkpokaan̄ ugwem ya, mije, unaan̄-ejit Awaji òwa me ibot ene ya.”

Ike Mosis obenebe ijijinu, esabe ekwe irom, me otu ọfọkọ ifo inyọn̄ me emen èwê, ikeya si ke mêbene emi Gwun̄ Ebilene, ifo inyọn̄

Awaji Ute îmun̄ ogwu Gwun̄ me chieen̄ enenen, mè ikana otutuuk inu geelek itap ogwu Gwun̄ ya me ubọk isan̄a.