Ayat-ayat Alkitab Ternama dari Y-Yôhan 13

Bagikan

Kâo brei klei mtă mrâo kơ diih: brei diih bi khăp hdơ̆ng diih pô; msĕ si Kâo khăp leh kơ diih, brei diih bi khăp hdơ̆ng diih pô msĕ mơh. Hŏng klei anei jih jang mnuih srăng thâo kơ diih jing phung ƀĭng kna Kâo, tơdah diih bi khăp hdơ̆ng diih pô.”

Tơdah Kâo, Khua Yang leh anăn Nai diih, rao leh jơ̆ng diih, snăn msĕ mơh brei diih bi rao jơ̆ng hdơ̆ng diih. Kyuadah Kâo ngă leh sa klei bi hmô kơ diih, čiăng kơ diih msĕ mơh ngă msĕ si Kâo ngă leh kơ diih.

Yêsu lŏ wĭt lač kơ gơ̆, “Ya Kâo ngă ih amâo thâo săng ôh ară anei, ƀiădah êdei ih srăng thâo săng.”

Kâo lač kơ diih klei sĭt nik, sa čô dĭng buăl amâo jing prŏng hĭn kơ khua ñu ôh; leh anăn pô arăng tiŏ nao amâo jing prŏng hĭn kơ pô tiŏ nao ñu ôh.

Tơdah diih thâo leh anăn ngă klei anăn, jăk mơak yơh kơ diih.

snăn Ñu kgŭ mơ̆ng jhưng huă, toh hĕ ao jhung Ñu, mă čhiăm sut leh anăn hyuă ti kơiêng Ñu. Ñu tuh êa hlăm sa boh hmăm, dơ̆ng rao jơ̆ng phung ƀĭng kna, leh anăn sut jơ̆ng digơ̆ hŏng čhiăm Ñu hyuă ti kơiêng.