Ayat-ayat Alkitab Ternama dari wandījo 6

Bagikan

Ū mhayo gwenūyū gūkampīnīhaja no ū SEEBA, gūminya ū mu ng'holò, kūlwa nguno ya kūmeeja na kūntūūla mu sī ū munhū.

Ū SEEBA ūbona gīkī ī nhūngwa ja ng'wa munhū jilī ja malofu no ū mu sī, na gīkī pye a maganiko ga ng'holò ya ng'wa munhū galī masoso būl'ikanza.

Alīyo walīho Noa, ū ng'wene ūbalīlwa wiza ū kū būtongi bo ng'wa SEEBA.

Īyī yene mihayo ya mu shikū ja ng'wa Noa. Ū Noa walī munhū ntūngīlīja ū mu banhū ba shibyalīlwe shakwe; walī atī na shisembo, nīyo washimīzaga mu kūng'wigwa Mulungu pye a makanza.

Hūna lūūlū ū SEEBA ūhaya gīkī, “Ū munhū ūyo nameeja nakūmpyaagūla agaye gete ū mu sī. Bakūshila pye a banhū nī shiinū, pyī nī sha kwigweesa ha sī, nī noni ja higūlya; nguno nalī na būpīna no īkī nakashibeeja!”

A banhū aho bakwīla ū mu sī, būbyala na baana bakīma bingī, a baana ba ng'wa Mulungu būbabona a bashīke ba banhū gīkī basoga; bandya kūyūbatoola gīt'umo baalī batogelilwe boi benīkīlī. Hūna ū SEEBA ūhaya gīkī, “Ū moyo gwane gūtikala gūkwilwishaga na munhū shikū jose, nguno ū wei alī mīlī gwa kūcha; ī shikū ja būlamu bokwe jikūbiza myaka igana na makūmi abīlī (120).” Ū mu shikū jenījo nī ja kū būtongi baalīho Banefili ū mu sī; a baana ba ng'wa Mulungu bajaaga kūbatoola bashīke ba banhū babyala hamò nabo. A Banefili benabo baalī banhū ba nguzu, na bakumūku kūfuma kale na kale.

Ū Noa wīta būlī mhayo gīt'umo akalagīlīlwa na Mulungu.

Hūna lūūlū ū Mulungu ūng'wīla ū Noa gīkī, “Lyashikaga ikanza lya kūbayagaja pye a banhū, nguno ī sī yokalile wiboneeji kūlwa nguno yabo. Nakūbakenaagūla a boi hamò nī sī.

Hūna lūūlū, ū bebe beejaga ngalaba ya ntī gwa gofa; ū mu gatī wītūūlīle masenge ībize na chumba, hūna wīteleleje na laami ū mu gatī nī hanze.

Ū Mulungu akabona gīkī ī sī yakenaagūkile; nguno ī nhūngwa ja banhū ba mu sī pye a bose, jikabiza ja malofu no!

Ū mu shiseeng'wa shose ī shipanga, ūkwenha ū mu ngalaba shibīlī shibīlī, ng'hosha na ng'hīma; shilang'hanwe ng'wenūmo hamò nang'ho, shiikale shipanga.