Ayat-ayat Alkitab Ternama dari Ding Dapat 9

Bagikan

Oneng ngana ning Ginu, Sulung munta ka, uling pinili keng sumuyu kanaku ba neng ipabalu ing lagyu ku karing paganu ampon karing ari at karing memalen na ning Israel.

Miragsa ya king gabun at dimdam ne ing metung a siwala a mamaus keya. Ngana, Saulo, baket liligaligan mu ku? Nganang kinutang, Ninu ika, Ginu? Aku i Jesus a kekang liligaligan, ngana ning siwala.

Inya meko ya i Ananias at melaus ya ketang bale at timpak na la ding gamat na king buntuk nang Saulo. Nganang migsalita, Kapatad a Saulo, ing Ginu ya ing mitubud kanaku, i Jesus a mismung pepakit keka king dalan kabang papunta ka keti. Tinubud na ku ban manakit na kang pasibayu at mikatmuan ka king Banal a Espiritu. Kanita mu rin menabu la ding balamu kaliskis asan karing mata nang Saulo, at menakit yang pasibayu. Tinalakad ya at pepabinyag ya.