Ayat-ayat Alkitab Ternama dari Epesus 1

Bagikan

Jo asolom ta iy kameh katehei sun kanya kudu ta budon taha. Eme ma, aha kameh winiyan atanan ta ndramak ta seben nane, iy aloh aha katehei budon kihis ki-in tan, ma aha kasekesek le ta atondrok iy. Ya, ma aha kameh winiyan atanan iri lakou, Kindrei ndraleheyani ta amekes ewek taha, idoh mwasin labai. Ma aha kameh winiyan atanan buku, boto-on tan ibo gok ta aseben taha lau atehei budon handru in tan. Idoh badeh, tinan labai, taha winiyan batomondrohei bwe. Nadah, boto-on tinan doh, ibo gok ta koha taha, i buku iy le mene ibo gok ta koha Krais. Iy ndramak, ma na boto-on tan doh Kindrei mete-ei iy, ma atehei iy ili ere loken labai mirihik ta boto-on tan udu kandrah. Nadah, Krais ndra tinan, ma iy ere bwele-en labai tiri kabin marakon badu kandrah, ma iy atondrok iri lau marakon ta bwena, iri kabin ta kon, iri lau boto-on, ma hawe iri tinan. Iy udu bwele-en labai ja tiri lau, nyara iri i tinan na bolo len dah, ma ta len hamon ale.

Kindrei bamekes kon munyak bwe le badeh, iy ndratehei taha ndrahis hawe Krais. Eme ma, taha kameh winiyan ado mwasin, ma ndrabun, ma ari ndra-in winiyan bado madan bwe. Kindrei aso-ok taha tinan labai, eme ma ndra bwena handru, iy abudon ta atehei taha a buku nadun amwenen, na gok Jises Krais kameh amekes hamon. Ya, Kindrei abudon i buku aliy, eme ma, iy amekes eme tataha.

Ya, Krais bwidi kandriyen mwasin labai ndrame tataha. Iy imek ta konohei taha ame hamon, ma ndrayen amou ta sikine kandriyen ndra-in tataha marakon.

Taha badeh, katudun nyara Kindrei, iy tama Laban tataha Jises Krais. Na Krais le badeh, iy ndratehei tataha lakou marakon mwasin badu kandrah ta aseben malawi taha.