Ayat-ayat Alkitab Ternama dari AMIKHEAKAKHIUKKHI 8

Bagikan

Küyimki Namfimihnununü mütsanyüm thünepü khimshuhkhea, kimkhü thripkhüh bande yinmi ching zhikde alakheah.

Akhuhbe yunirünü api hulipungpung müt, tüsho aru le mo thiyih lung düsahbah alomi kheak keamkhi; alomi shihcham mahsam ching khülang, tüsho sangdungbo shihcham mahsam ching khülang, tüsho sangrung phüyak alala aniuabah.

Judüki inü kheah, tüsho müleangnü thüning phulung phinde achangnü akhungkhi inü so, “Yunirü püpü mahsamnü hulipungpung mütpü lakhi dünkheak alomi ching larübo Are! Are! Are!”

Mahnepü yunirünü api hulipungpung müt, tüsho awung ato nangde, mo trude keto ching jipyuk

Asampü yunirünü api hulipungpung müt, tüsho thüning kheaknü chining ato, tsünduphung nangde trude keamkhi, tüsho ju ayungbo shihcham mahsam ching khülang tüsho kenübo kheak keam. Chining mung ju Akhüh. Ke shihcham mahsam ching khülang akhüh kam, tüsho ke khühkhinü mihtsürü ahihdo sheabah.

Aphüyipü yunirünü api hulipungpung müt, tüsho ani shihcham mahsam ching khülang, khinu shihcham mahsam ching khülang, tüsho chiningbo shihcham mahsam ching khülang kheak lak, junangde arü ayin shihcham mahsam ching khülang mitingde kam; nimung shihcham mahsam ching khülang, tüsho azhing she shihcham mahsam ching khülang jude alakheah.