Sea Island Creole English: De Nyew Testament

De Nyew Testament

<div class="version vid585 iso6393gul" data-vid="585" data-iso6393="gul">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="m"> 1Jedus tell e ciple dem one paable fa laan um dat dey mus pray all de time ta God an mus bleebe dat God gwine ansa um. 2Jedus say, &#8220;Dey been a jedge een one town. Dat jedge ain been scaid ob God, an e ain pay people no mind. 3One wida ooman been dey een dat same town. Dis ooman beena go ta de jedge all de time an tell um say, &#8216;Mus please gii me wa right. Mus hep me ginst de one wa done me wrong.&#8217; 4Fa a long time, de ooman come ta de jedge, bot de jedge ain done nottin. Bot atta wile e say ta esef, &#8216;Fa true, A ain scaid ob God, an A ain pay people no mind. 5Bot cause dis ooman da bodda me all de time, A gwine gim wa right. Ef A ain do dat, e gwine keep on da come ta me til e weah me out!&#8217; &#8221;</div><div class="p"> 6An de Lawd say, &#8220;Oona yeh wa de jedge wa ain scraight say. 7Now den, fa true, God gwine do wa right fa e people, dem dat e done pick an wa da aks um een de day time an een de night time fa hep um, ainty? De Lawd ain gwine be slow fa ansa um, ainty? 8A da tell oona, God gwine mek hace fa do wa right fa um! Stillyet, wen de Man wa Come fom God come back gin, A wonda ef e gwine meet anybody een de wol wa bleebe een um!&#8221;</div><div class="s">Who dat Stan Right wid God?</div><div class="p"> 9Jedus tell one paable ta de people dem wa tink dat dey beena do right an hole all de oda people cheap. 10E say, &#8220;One time two man gone op ta God House fa pray. One dem been a Pharisee. De oda been a man wa geda tax.</div><div class="p"> 11&#8220;De Pharisee stanop an pray bout esef say, &#8216;A tank ya, God, cause A ain like all dem oda people. A ain tief fom nobody. A beena waak scraight an do wa de Law say. An A ain sleep wid oda man wife. An A tank ya dat A ain eben like dat man oba yonda wa da geda tax. 12Two day ebry week A da fast so A kin woshup ya betta. A tek a tent ob all wa A git an gim ta ya.&#8217; 13Bot de man wa da geda tax stan way off. E ain eben lif e eye ta heaben, cause e know e done sin. E beena beat e chest cause e too saary fa e sin. An e pray ta God say, &#8216;God, hab mussy pon me, cause A a sinna!&#8217; &#8221;</div><div class="p"> 14Jedus tell de people say, &#8220;Wen dat man gone back home, God done fagib um fa de ebil e done, an e stan right wid God. Bot God ain paadon de Pharisee. Cause dem wa pit deysef op, God gwine bring um down. Bot dem wa tek low, God gwine raise um op mo den all.&#8221;</div><div class="s">Jedus Bless Leetle Chullun</div><div class="r"> Matthew 19:13-15; Mark 10:13-16</div><div class="p"> 15Some people beena bring dey baby ta Jedus fa hab um pit e han pon dey head an bless um. Wen Jedus ciple dem shim, dey buke dem people fa do dat. 16Bot Jedus call de chullun. E tell e ciple dem say, &#8220;Oona mus dohn stop de chullun. Leh um come ta me. Cause de people wa like dese chullun yah gwine hab God rule oba um. 17A da tell oona fa true, de poson wa ain gree like a leeleetle chile fa leh God rule oba um, dat poson ain neba gwine hab God fa e King.&#8221;</div><div class="s">De Rich Leada</div><div class="r"> Matthew 19:16-30; Mark 10:17-31</div><div class="p"> 18One Jew leada come aks Jedus say, &#8220;Good Teacha, wa A mus do fa git ebalastin life?&#8221;</div><div class="p"> 19Jedus ansa um say, &#8220;Hoccome ya da say A good? Ain nobody good cep fa God. 20Ya know wa God Law chaage we fa do. &#8216;Mus dohn sleep wid oda man wife. Mus dohn kill nobody. Mus dohn tief. Mus dohn tell lie pon nobody. Mus pay mind ta ya fada an ya modda.&#8217; &#8221;</div><div class="p"> 21De leada tell Jedus say, &#8220;A done keep all dem law fom wen A been a boy.&#8221;</div><div class="p"> 22Wen Jedus yeh wa de leada say, e tell um, &#8220;Stillyet ya mus do one mo ting. Mus go sell ebryting ya got an gii de money ta de people wa ain got nottin. Ef ya do dat, ya gwine hab tredja een heaben. Atta ya done gii way ya money, come folla me.&#8221; 23Wen dat leada yeh wa Jedus say, e been sad, cause e been too rich.</div><div class="p"> 24Jedus see de man been too sad an e say, &#8220;Fa true e ain easy eben a leetle bit fa rich people fa leh God rule oba um. 25E mo easy fa mek de camel go shru a needle eye den fa a rich man fa come onda God rule.&#8221;</div><div class="p"> 26De people wa yeh wa Jedus say, aks um, &#8220;Den who dat kin git sabe?&#8221;</div><div class="p"> 27Jedus ansa say, &#8220;God able fa do wa people ain able fa do.&#8221;</div><div class="p"> 28Den Peter say, &#8220;Look yah! We done lef ebryting fa folla ya.&#8221;</div><div class="p"> 29Jedus say, &#8220;A da tell oona fa true, ebrybody wa lef e house, or e wife, or e broda dem, or e modda or e fada, or e chullun so dat e kin leh God rule oba um, dat one gwine git plenty mo fom God. 30Een dis time yah, God gwine gim plenty mo den wa e done lef fa folla God. An God gwine gim ebalastin life een de wol dat gwine come.&#8221;</div><div class="s">Jedus Tell Um Gin E Gwine Dead an Den Lib Gin</div><div class="r"> Matthew 20:17-19; Mark 10:32-34</div><div class="p"> 31Jedus tek de tweb ciple dem ta one side an tell um say, &#8220;Listen, we da gwine op ta Jerusalem. All de ting dem de prophet dem done write bout de Man wa Come fom God gwine happen fa true. 32Dey gwine han um oba ta de people wa ain bleebe pon God. Dem people gwine shrow slam at um. Dey gwine hole um cheap an spit pon um. 33Dey gwine whip um an den dey gwine kill um. Bot atta shree day, de Man wa Come fom God gwine git op fom mongst de dead an lib gin.&#8221;</div><div class="p"> 34Bot de ciple dem ain ondastan none ob dese ting. Dey ain know wa e mean. Dey ain know wa e beena taak bout.</div><div class="s">Jedus Mek de Bline Man See</div><div class="r"> Matthew 20:29-34; Mark 10:46-52</div><div class="p"> 35Wen Jedus git close ta Jericho, a bline eye man been dey, da seddown side de road, an e beena beg. 36Wen de bline man yeh de crowd da pass, e aks de people say, &#8220;Wa gwine on?&#8221;</div><div class="p"> 37Dey tell um, &#8220;Jedus fom Nazareth da pass long dis way.&#8221;</div><div class="p"> 38Wen de bline man yeh dat, e holla say, &#8220;Jedus, Son ob David, hab mussy pon me!&#8221;</div><div class="p"> 39De people wa beena lead de crowd buke de man, tell um e mus hush op e mout. Bot de man holla mo louda say, &#8220;Son ob David, hab mussy pon me!&#8221;</div><div class="p"> 40Jedus stop dey, an e chaage de people fa bring de bline man ta um. Wen e git close ta Jedus, Jedus aks um say, 41&#8220;Wa ya wahn me fa do fa ya?&#8221;</div><div class="p">De bline man ansa say, &#8220;Lawd, A wahn fa see gin.&#8221;</div><div class="p"> 42Jedus tell de man say, &#8220;A da mek ya see. Cause ya bleebe een me, ya done git well!&#8221;</div><div class="p"> 43Dat same time de man been able fa see. E folla longside Jedus, da praise God. Wen de crowd shim, dey all praise God too.</div><div class="s">Jedus an Zacchaeus, de Man wa da Geda Tax</div>
 </div>
 </div>
</div>

Jedus tell e ciple dem one paable fa laan um dat dey mus pray all de time ta God an mus bleebe dat God gwine ansa um. Jedus say, “Dey been a jedge een one town. Dat jedge ain been scaid ob God, an e ain pay people no mind. One wida ooman been dey een dat same town. Dis ooman beena go ta de jedge all de time an tell um say, ‘Mus please gii me wa right. Mus hep me ginst de one wa done me wrong.’ Fa a long time, de ooman come ta de jedge, bot de jedge ain done nottin. Bot atta wile e say ta esef, ‘Fa true, A ain scaid ob God, an A ain pay people no mind. Bot cause dis ooman da bodda me all de time, A gwine gim wa right. Ef A ain do dat, e gwine keep on da come ta me til e weah me out!’ ”
An de Lawd say, “Oona yeh wa de jedge wa ain scraight say. Now den, fa true, God gwine do wa right fa e people, dem dat e done pick an wa da aks um een de day time an een de night time fa hep um, ainty? De Lawd ain gwine be slow fa ansa um, ainty? A da tell oona, God gwine mek hace fa do wa right fa um! Stillyet, wen de Man wa Come fom God come back gin, A wonda ef e gwine meet anybody een de wol wa bleebe een um!”

Jedus tell one paable ta de people dem wa tink dat dey beena do right an hole all de oda people cheap. E say, “One time two man gone op ta God House fa pray. One dem been a Pharisee. De oda been a man wa geda tax.
“De Pharisee stanop an pray bout esef say, ‘A tank ya, God, cause A ain like all dem oda people. A ain tief fom nobody. A beena waak scraight an do wa de Law say. An A ain sleep wid oda man wife. An A tank ya dat A ain eben like dat man oba yonda wa da geda tax. Two day ebry week A da fast so A kin woshup ya betta. A tek a tent ob all wa A git an gim ta ya.’ Bot de man wa da geda tax stan way off. E ain eben lif e eye ta heaben, cause e know e done sin. E beena beat e chest cause e too saary fa e sin. An e pray ta God say, ‘God, hab mussy pon me, cause A a sinna!’ ”
Jedus tell de people say, “Wen dat man gone back home, God done fagib um fa de ebil e done, an e stan right wid God. Bot God ain paadon de Pharisee. Cause dem wa pit deysef op, God gwine bring um down. Bot dem wa tek low, God gwine raise um op mo den all.”


Some people beena bring dey baby ta Jedus fa hab um pit e han pon dey head an bless um. Wen Jedus ciple dem shim, dey buke dem people fa do dat. Bot Jedus call de chullun. E tell e ciple dem say, “Oona mus dohn stop de chullun. Leh um come ta me. Cause de people wa like dese chullun yah gwine hab God rule oba um. A da tell oona fa true, de poson wa ain gree like a leeleetle chile fa leh God rule oba um, dat poson ain neba gwine hab God fa e King.”


One Jew leada come aks Jedus say, “Good Teacha, wa A mus do fa git ebalastin life?”
Jedus ansa um say, “Hoccome ya da say A good? Ain nobody good cep fa God. Ya know wa God Law chaage we fa do. ‘Mus dohn sleep wid oda man wife. Mus dohn kill nobody. Mus dohn tief. Mus dohn tell lie pon nobody. Mus pay mind ta ya fada an ya modda.’ ”
De leada tell Jedus say, “A done keep all dem law fom wen A been a boy.”
Wen Jedus yeh wa de leada say, e tell um, “Stillyet ya mus do one mo ting. Mus go sell ebryting ya got an gii de money ta de people wa ain got nottin. Ef ya do dat, ya gwine hab tredja een heaben. Atta ya done gii way ya money, come folla me.” Wen dat leada yeh wa Jedus say, e been sad, cause e been too rich.
Jedus see de man been too sad an e say, “Fa true e ain easy eben a leetle bit fa rich people fa leh God rule oba um. E mo easy fa mek de camel go shru a needle eye den fa a rich man fa come onda God rule.”
De people wa yeh wa Jedus say, aks um, “Den who dat kin git sabe?”
Jedus ansa say, “God able fa do wa people ain able fa do.”
Den Peter say, “Look yah! We done lef ebryting fa folla ya.”
Jedus say, “A da tell oona fa true, ebrybody wa lef e house, or e wife, or e broda dem, or e modda or e fada, or e chullun so dat e kin leh God rule oba um, dat one gwine git plenty mo fom God. Een dis time yah, God gwine gim plenty mo den wa e done lef fa folla God. An God gwine gim ebalastin life een de wol dat gwine come.”


Jedus tek de tweb ciple dem ta one side an tell um say, “Listen, we da gwine op ta Jerusalem. All de ting dem de prophet dem done write bout de Man wa Come fom God gwine happen fa true. Dey gwine han um oba ta de people wa ain bleebe pon God. Dem people gwine shrow slam at um. Dey gwine hole um cheap an spit pon um. Dey gwine whip um an den dey gwine kill um. Bot atta shree day, de Man wa Come fom God gwine git op fom mongst de dead an lib gin.”
Bot de ciple dem ain ondastan none ob dese ting. Dey ain know wa e mean. Dey ain know wa e beena taak bout.


Wen Jedus git close ta Jericho, a bline eye man been dey, da seddown side de road, an e beena beg. Wen de bline man yeh de crowd da pass, e aks de people say, “Wa gwine on?”
Dey tell um, “Jedus fom Nazareth da pass long dis way.”
Wen de bline man yeh dat, e holla say, “Jedus, Son ob David, hab mussy pon me!”
De people wa beena lead de crowd buke de man, tell um e mus hush op e mout. Bot de man holla mo louda say, “Son ob David, hab mussy pon me!”
Jedus stop dey, an e chaage de people fa bring de bline man ta um. Wen e git close ta Jedus, Jedus aks um say, “Wa ya wahn me fa do fa ya?”
De bline man ansa say, “Lawd, A wahn fa see gin.”
Jedus tell de man say, “A da mek ya see. Cause ya bleebe een me, ya done git well!”
Dat same time de man been able fa see. E folla longside Jedus, da praise God. Wen de crowd shim, dey all praise God too.

Dengarkan Luke 18