Boga: Boga New Testament Portion (New Testament)

Boga New Testament Portion

<div class="version vid4364 iso6393bvw" data-vid="4364" data-iso6393="bvw">
 <div class="book bkMRK">
 <div class="chapter ch7" data-usfm="MRK.7">
 <div class="label">7</div><div class="ms">Sakanda&#599;a&#599;i k&#477; &#394;ar Chi&#599;chi&#599;chita</div><div class="r">(Mt 15:1-9)</div><div class="p"> 1Farisawecha t&#477; mal&#599;&#477;mcha fichile la sakang kussa &#599;i &#595;aka Urshelima, ngomk&#477;nda thl&#477;mat Y&#477;so. 2A mb&#477;ssangnd&#477; t&#477; ndatwa kimshechi'en kanda s&#477;m&#599;&#477;s&#477;mt&#477; t&#477; t&#477;k&#477;mharcha sapawund&#477;wa. 3(K&#477;thl&#477;m Farisawecha t&#477; tah&#477;t Yahudawecha s&#477;mund&#477; &#599;&#477;s&#477;mt&#477; kichu sapund&#477; harwa, k&#477;thl&#477;m tor murta p&#477;ktechengnanda nak&#477;n kichu. 4Ma &#595;ennda &#599;a lumo, manga t&#477; fannd&#477; nda i mbut&#477; tor murtengnand&#477;wa ngunda s&#477;m&#599;&#477;s&#477;mt&#477;wa. Tor murtengnand&#477;si pa&#599; lela kuwur t&#477;nda, nda sap t&#477;psat 'amcha, t&#477; &#595;icha, t&#477; kuppecha t&#477; k&#477;t&#477;n s&#477;m'&#477;na.) 5K&#477;thl&#477;m nd&#477;k&#477;n sahang Farisawecha t&#477; p&#477;ktat mal&#599;&#477;mcha fasakand&#477; shuwun kussa Musa&#599;i: "K&#477;thl&#477;m mi kimsecheku yahund&#477; kuwur tor murcha p&#477;ktechengnaniwa, mashi&#599; k&#477;nnanda s&#477;m&#599;&#477;s&#477;mta t&#477; t&#477;k&#477;mharcha?" 6A ng&#477;mang Y&#477;so t&#477; ndatwa: "Kohat nofcha keekesi f&#477;rt&#477; Ishaya sak&#477;tk&#477;n k&#477; &#599;arnuni, nda i yarand&#477; ficha.</div><div class="q1">Nofchiya a mi &#599;eng nannda mwanita,</div><div class="q2">pa&#599; han&#599;&#477;kikechengnanda nak&#477;n langnga t&#477; nji.</div><div class="q1"> 7Poff&#477;n l&#477;nannda mwanand&#477; thl&#477;mna,</div><div class="q2">kussi ti la natnda sakanda&#599;i, i nofch&#477; &#599;eng,</div><div class="q2">&#599;ar ndatwa shunda Fara.</div><div class="m"> 8Lamallanguni i ndat Faruwa k&#477; suni, nakuni kuwur tor murta nofcha." 9Ndangnakand&#477;wa: "Awi nuni mb&#477;llamaland&#477; kussi Fara k&#477;thl&#477;m k&#477; kuruni tor murchengnuni! 10K&#477;thl&#477;m ndak Musa wa, 'f&#477;ran mwanda suka t&#477; yatu pa&#599; le erk&#477; shink&#477;n t&#477; mank&#477;n keekesi k&#477; &#595;&#477;llang ficha.' 11Pa&#599; landakuniwa: ''Nat i nat shinchinuni t&#477; manchinuni &#595;&#477;sta mb&#477;&#599;a nif&#477; soh sokk&#477;n nda korban" (sak&#477;tk&#477;nwa f&#477;rra&#599;i Fara). 12k&#477;thl&#477;m nd&#477;k&#477;n mwawuni malland&#477; k&#477; k&#477;ssa&#477;n tora shink&#477;nsi t&#477; mank&#477;n wa. 13T&#477;kichu la natuni, cher&#477; pathla Fara, t&#477; pathl&#477; kuwur tormurchengnuni, pa&#599; la nakuni &#599;ahhanda wit&#477; ichiniyu in.</div><div class="ms">Ichi la T&#477;kmang Nif&#477;hi</div><div class="r">(Mt 15:10-20)</div><div class="m"> 14Ng&#477;rk&#477; Y&#477;so at nofcha mb&#477;&#599;'en, ndangnakand&#477;wa kami thl&#477;mmat uffuni, pa&#599; k&#477;sununisi ndiichin. 15Nga i las&#477;mt&#477; nifa hur na t&#477;kmand&#477;hiwa, i la cheka hur hand&#477;kiket&#477; la t&#477;kmang nif&#477;hi. 16[Uf le nat thl&#477;mmats&#477;kt&#477;'ensi k&#477; s&#477;kk&#477;n.] 17K&#477; sakt&#477;nhi t&#477; nofchi oiyu yimk&#477;nna huri, sahang kimsechi'en sak&#477;t i'sakand&#477;na&#599;iyu. 18Ndangnakand&#477;wa: "Awi kunang pa&#599; s&#477;nwuni sak&#477;tk&#477;n t&#477; ndatwa i s&#477;mt&#477; nifa hur, &#595;ahwa t&#477;kmand&#477;hiwa. 19K&#477;thl&#477;m nga la yimk&#477;nna hur han&#599;&#477;kiket&#477;wa la yimk&#477;nna hur k&#477;hapangka&#599;i. A hurra shuniya che&#599;k&#477; Y&#477;so wa i s&#477;ka &#599;&#477;s&#477;mta t&#477;k&#477;mt&#477;sa fi'enwa. 20Ng&#477;r k&#477;nna ndatwa i lachekakissha hur han&#599;&#477;kiketa nifa nd&#477;k&#477;n na t&#477;kmanghi. 21K&#477;thl&#477;m a hur han&#599;&#477;kiketa nifa la chet&#595;&#477;&#595;i'ichakish, ndanda &#595;&#477;&#595;iyara, f&#477;llawichita, herketa, t&#477; &#595;&#477;lfata, 22Katnishcha nofcha, s&#477;&#595;fata, lekta, s&#477;r&#477;hta, mwa'inda, &#595;okta, t&#477; &#595;omchita. 23Uf &#595;&#477;&#595;i'ichiniyu l&#477; chekna han&#599;&#477;kiketa, nd&#477;k&#477;n la t&#477;kmang nif&#477;hi.</div><div class="s">Nuhnif&#477; l&#477; Helinawata F&#477;rk&#477; Kit k&#477; Mb&#477;&#599;a Y&#477;so</div><div class="r">(Mt 15:21-28)</div><div class="p"> 24Mb&#477;nniyu malk&#477; Y&#477;so Galilihi p&#477;&#599;akna thlet h&#477;mm&#477;t Taya t&#477; Sidon. yimk&#477;nna hura'a yuna, a yahu k&#477; s&#477;nfichiwa. Nat t&#477; kichu &#595;u&#595;we'iuwa. 25Chatkichuyu nuhnif&#477;si, t&#477; hwe'ensi k&#477; nuhhweya nakt&#477; &#595;&#477;bi sheme&#599;afa, k&#477; s&#477;kt&#477;n kusheng Y&#477;so, &#595;akna h&#477;mt&#477;hi mbanit&#477;k&#477;n. 26Nuhhiyu wit&#477; Helinawech&#477; nak&#477;n, a thlet h&#477;m&#477;t Finikiya ng&#477;tt&#477;fich&#477;ndi, a hachahai Suriya. A hwana&#477;n Y&#477;so wa k&#477; k&#477;ta&#477;n &#595;&#477;&#595;i luwurcha&#599;a fa hwe'en. 27Ndang Y&#477;so wa: "Suku k&#477; ngal hwech&#477; kwa&#599;&#477;n, k&#477;thl&#477;m kamusi k&#477; t&#477;r fich&#477; &#599;&#477;s&#477;mta hwecha k&#477; f&#477;rang ficha h&#477;&#599;echuwa." 28A ng&#477;mang nuhiyu t&#477; ndatwa: "&#399;, kichuyu mal&#599;&#477;m, chikat&#477; kichu h&#477;&#599;echa la s&#477;mk&#477;nnd&#477; fishirchik&#477;nti ka teb&#477;r lela h&#477;hatka haya miya hwecha. 29Nd&#477;k&#477;n ndand&#477; Y&#477;so wa: "K&#477;thl&#477;m shundeku, &#599;u&#599;a&#599;i, &#595;&#477;&#595;ilura shekhi t&#477; 'hwe'eku." 30Ng&#477;rang nuhnif&#477;k&#477;n inna &#599;i &#599;&#477;kna mb&#477;ssand&#477; hwe'en &#599;uk a mb&#477;thunata &#595;&#477;&#595;i luriyu tepa kelt&#477;nd&#477;hi.</div><div class="s">K&#477;nna Y&#477;so &#385;omma&#599;i</div><div class="m"> 31Malk&#477; Y&#477;so thlet h&#477;m&#477;t Tayahi, kuwurk&#477;n t&#477; Sidon &#599;&#477;kna hawur Galili. A mbanda kwirt&#477; thlet H&#477;mch&#477; shee Kum. 32A mb&#477;nniyu &#595;ang nd&#477; &#595;omma, le lakweek&#477; shunda, a hwanangnda k&#477;thl&#477;m k&#477; &#599;&#477;fa&#477;n hara in. 33Ka&#595;k&#477; Y&#477;so &#595;ommiyu k&#477;k&#477;llar, mbahk&#477;nnda&#599;a thl&#477;mat nofchiyu k&#477; mb&#477;&#599;i nguchit nif&#477;si. Pak&#477;n hanharchi'enna hur thl&#477;mmecha nifiyu, chahk&#477;n yahta hanhar'en, t&#477;ka'&#477;n hara hanshunda nif&#477;k&#477;n fa. 34K&#477;lak na afshi kahk&#477;n yipt&#477; langnga, ndak&#477;nwa: "Iffata!" sak&#477;tk&#477;nwa: "Innuhi!" 35K&#477; mbut&#477;n kichu ink&#477; thl&#477;mmecha nif&#477;k&#477;nhi, i k&#477;nnang hanshund&#477;'en pa&#599; kwask&#477;nhi, t&#477;r kaak&#477;n shund&#477; ndiichin. 36&#385;okang Y&#477;so kand&#477;wa m&#477; mbwa'anda chika wunwa, natt&#477; &#595;oki &#595;okand&#477;nnakanda nak mbuk&#477;nna chekta. 37Shek&#599;ang i'nd&#477; kand&#477; ka'&#477;n, ndaknd&#477;wa shiit&#477; ichindiichin oi! Sokk&#477;n &#595;omchas&#477;kmb&#477;ta, tippengcha kanda shunda".</div>
 </div>
 </div>
</div>

Farisawecha tǝ malɗǝmcha fichile la sakang kussa ɗi ɓaka Urshelima, ngomkǝnda thlǝmat Yǝso. A mbǝssangndǝ tǝ ndatwa kimshechi'en kanda sǝmɗǝsǝmtǝ tǝ tǝkǝmharcha sapawundǝwa. (Kǝthlǝm Farisawecha tǝ tahǝt Yahudawecha sǝmundǝ ɗǝsǝmtǝ kichu sapundǝ harwa, kǝthlǝm tor murta pǝktechengnanda nakǝn kichu. Ma ɓennda ɗa lumo, manga tǝ fanndǝ nda i mbutǝ tor murtengnandǝwa ngunda sǝmɗǝsǝmtǝwa. Tor murtengnandǝsi paɗ lela kuwur tǝnda, nda sap tǝpsat 'amcha, tǝ ɓicha, tǝ kuppecha tǝ kǝtǝn sǝm'ǝna.) Kǝthlǝm ndǝkǝn sahang Farisawecha tǝ pǝktat malɗǝmcha fasakandǝ shuwun kussa Musaɗi: "Kǝthlǝm mi kimsecheku yahundǝ kuwur tor murcha pǝktechengnaniwa, mashiɗ kǝnnanda sǝmɗǝsǝmta tǝ tǝkǝmharcha?" A ngǝmang Yǝso tǝ ndatwa: "Kohat nofcha keekesi fǝrtǝ Ishaya sakǝtkǝn kǝ ɗarnuni, nda i yarandǝ ficha.
Nofchiya a mi ɗeng nannda mwanita,
paɗ hanɗǝkikechengnanda nakǝn langnga tǝ nji.
Poffǝn lǝnannda mwanandǝ thlǝmna,
kussi ti la natnda sakandaɗi, i nofchǝ ɗeng,
ɗar ndatwa shunda Fara.
Lamallanguni i ndat Faruwa kǝ suni, nakuni kuwur tor murta nofcha." Ndangnakandǝwa: "Awi nuni mbǝllamalandǝ kussi Fara kǝthlǝm kǝ kuruni tor murchengnuni! Kǝthlǝm ndak Musa wa, 'fǝran mwanda suka tǝ yatu paɗ le erkǝ shinkǝn tǝ mankǝn keekesi kǝ ɓǝllang ficha.' Paɗ landakuniwa: ''Nat i nat shinchinuni tǝ manchinuni ɓǝsta mbǝɗa nifǝ soh sokkǝn nda korban" (sakǝtkǝnwa fǝrraɗi Fara). kǝthlǝm ndǝkǝn mwawuni mallandǝ kǝ kǝssaǝn tora shinkǝnsi tǝ mankǝn wa. Tǝkichu la natuni, cherǝ pathla Fara, tǝ pathlǝ kuwur tormurchengnuni, paɗ la nakuni ɗahhanda witǝ ichiniyu in.


Ngǝrkǝ Yǝso at nofcha mbǝɗ'en, ndangnakandǝwa kami thlǝmmat uffuni, paɗ kǝsununisi ndiichin. Nga i lasǝmtǝ nifa hur na tǝkmandǝhiwa, i la cheka hur handǝkiketǝ la tǝkmang nifǝhi. [Uf le nat thlǝmmatsǝktǝ'ensi kǝ sǝkkǝn.] Kǝ saktǝnhi tǝ nofchi oiyu yimkǝnna huri, sahang kimsechi'en sakǝt i'sakandǝnaɗiyu. Ndangnakandǝwa: "Awi kunang paɗ sǝnwuni sakǝtkǝn tǝ ndatwa i sǝmtǝ nifa hur, ɓahwa tǝkmandǝhiwa. Kǝthlǝm nga la yimkǝnna hur hanɗǝkiketǝwa la yimkǝnna hur kǝhapangkaɗi. A hurra shuniya cheɗkǝ Yǝso wa i sǝka ɗǝsǝmta tǝkǝmtǝsa fi'enwa. Ngǝr kǝnna ndatwa i lachekakissha hur hanɗǝkiketa nifa ndǝkǝn na tǝkmanghi. Kǝthlǝm a hur hanɗǝkiketa nifa la chetɓǝɓi'ichakish, ndanda ɓǝɓiyara, fǝllawichita, herketa, tǝ ɓǝlfata, Katnishcha nofcha, sǝɓfata, lekta, sǝrǝhta, mwa'inda, ɓokta, tǝ ɓomchita. Uf ɓǝɓi'ichiniyu lǝ chekna hanɗǝkiketa, ndǝkǝn la tǝkmang nifǝhi.


Mbǝnniyu malkǝ Yǝso Galilihi pǝɗakna thlet hǝmmǝt Taya tǝ Sidon. yimkǝnna hura'a yuna, a yahu kǝ sǝnfichiwa. Nat tǝ kichu ɓuɓwe'iuwa. Chatkichuyu nuhnifǝsi, tǝ hwe'ensi kǝ nuhhweya naktǝ ɓǝbi shemeɗafa, kǝ sǝktǝn kusheng Yǝso, ɓakna hǝmtǝhi mbanitǝkǝn. Nuhhiyu witǝ Helinawechǝ nakǝn, a thlet hǝmǝt Finikiya ngǝttǝfichǝndi, a hachahai Suriya. A hwanaǝn Yǝso wa kǝ kǝtaǝn ɓǝɓi luwurchaɗa fa hwe'en. Ndang Yǝso wa: "Suku kǝ ngal hwechǝ kwaɗǝn, kǝthlǝm kamusi kǝ tǝr fichǝ ɗǝsǝmta hwecha kǝ fǝrang ficha hǝɗechuwa." A ngǝmang nuhiyu tǝ ndatwa: "Ə, kichuyu malɗǝm, chikatǝ kichu hǝɗecha la sǝmkǝnndǝ fishirchikǝnti ka tebǝr lela hǝhatka haya miya hwecha. Ndǝkǝn ndandǝ Yǝso wa: "Kǝthlǝm shundeku, ɗuɗaɗi, ɓǝɓilura shekhi tǝ 'hwe'eku." Ngǝrang nuhnifǝkǝn inna ɗi ɗǝkna mbǝssandǝ hwe'en ɗuk a mbǝthunata ɓǝɓi luriyu tepa keltǝndǝhi.

Malkǝ Yǝso thlet hǝmǝt Tayahi, kuwurkǝn tǝ Sidon ɗǝkna hawur Galili. A mbanda kwirtǝ thlet Hǝmchǝ shee Kum. A mbǝnniyu ɓang ndǝ ɓomma, le lakweekǝ shunda, a hwanangnda kǝthlǝm kǝ ɗǝfaǝn hara in. Kaɓkǝ Yǝso ɓommiyu kǝkǝllar, mbahkǝnndaɗa thlǝmat nofchiyu kǝ mbǝɗi nguchit nifǝsi. Pakǝn hanharchi'enna hur thlǝmmecha nifiyu, chahkǝn yahta hanhar'en, tǝka'ǝn hara hanshunda nifǝkǝn fa. Kǝlak na afshi kahkǝn yiptǝ langnga, ndakǝnwa: "Iffata!" sakǝtkǝnwa: "Innuhi!" Kǝ mbutǝn kichu inkǝ thlǝmmecha nifǝkǝnhi, i kǝnnang hanshundǝ'en paɗ kwaskǝnhi, tǝr kaakǝn shundǝ ndiichin. Ɓokang Yǝso kandǝwa mǝ mbwa'anda chika wunwa, nattǝ ɓoki ɓokandǝnnakanda nak mbukǝnna chekta. Shekɗang i'ndǝ kandǝ ka'ǝn, ndakndǝwa shiitǝ ichindiichin oi! Sokkǝn ɓomchasǝkmbǝta, tippengcha kanda shunda".

Dengarkan Markus 7