<div class="version vid3928 iso6393yom" data-vid="3928" data-iso6393="yom">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Khotolo</span></div><div class="ip"><span class="content">Buku yithete yi Bibila yibedi mu ki ngeleka ngenesisi (thonono, mbutukulu) bila yilembo tubila thonono yi nza, yi batu ayi yi bana ba Isaeli.</span></div><div class="ip"><span class="content">Kapu 1-11: Bue bu visila nza yitulembo zingila? Na niowo mutu? Fulu kiandi ve kidi mu nza? Bila mbi bithuadi bi batu bawu na bawu binkotanga thangu zizio yimbu? Bue mbuku widi mu diawu? Ndambu yithete yi buku yayi yi Wuthete wu Mose wulembo vani mvutu mu biuvu biobio: Bakala ayi nketo mu phangulu (1-2), luvambanu luawu ayi Nzambi (3), Khayini ayi Abeli (4), Nowa mu khati nguma yinene (6-9), Nzo yizangama yi Babeli (11). Mambu malembo tubulu malendi toma visakana thangu ko mu manaka ma nsamu wuvioka wu mutu.</span></div><div class="ip"><span class="content">Bi kapu 12-50 bilembo kutukambi bue Nzambi kanatina phulusu mu nza mu nzila bakulu bathete ba Isaeli: Abalahami 12.1-25.18, wuzabakana mu minu kiandi ayi bulemvo buandi kudi Nzambi, widi nate buabu kifuani. Muana andi Isaki. Ntekolo andi Yakobi 25.19-36.43, nio wutambula phe zina di Isaeli. Yosefi 37.1-50.26, wumosi mu bana ba Yakobi, nkulu makanda mole, widi va khati tsika mambu manata Yakobi ayi bana bandi bankaka ayi makanda mawu mu kuezingi ku Ngipiti.</span></div><div class="ip"><span class="content">Wuthete wu Mose widi vathete dilongi mu mavanga Nzambi. Buku beni yitonini mu kikinina ti Nzambi wuvanga nza, dimonisa nene, vayi yidi ku tsi lulendo lu Nzambi. Buku yisukidi mu tsilulu ti Nzambi maka tatamana keba batu bandi. Tona ku thonono nate ku tsuka, Nzambi niandi kaka wulembo tubulu: wulembo kimonisa, sambisa, tuadisa ayi sadisa batu bandi, wukubika mambu ma mutu.</span></div><div class="ip"><span class="content">Mu mvutu, Nzambi lombidi tunlekila minu ayi tula vuvu mu tsilulu ziandi, tumamana zithumunu ziandi ayi minsiku miandi.</span></div><div class="ip"><span class="content">Buku Yayi yikupika zikhadulu zikhulu zi Isaeli, mu zabikisa bue batu bobo bazingila mu minu kiawu ayi vana nzila mu keba minu beni kimoyo.</span></div>
      </div>
   </div>
</div>

Khotolo
Buku yithete yi Bibila yibedi mu ki ngeleka ngenesisi (thonono, mbutukulu) bila yilembo tubila thonono yi nza, yi batu ayi yi bana ba Isaeli.
Kapu 1-11: Bue bu visila nza yitulembo zingila? Na niowo mutu? Fulu kiandi ve kidi mu nza? Bila mbi bithuadi bi batu bawu na bawu binkotanga thangu zizio yimbu? Bue mbuku widi mu diawu? Ndambu yithete yi buku yayi yi Wuthete wu Mose wulembo vani mvutu mu biuvu biobio: Bakala ayi nketo mu phangulu (1-2), luvambanu luawu ayi Nzambi (3), Khayini ayi Abeli (4), Nowa mu khati nguma yinene (6-9), Nzo yizangama yi Babeli (11). Mambu malembo tubulu malendi toma visakana thangu ko mu manaka ma nsamu wuvioka wu mutu.
Bi kapu 12-50 bilembo kutukambi bue Nzambi kanatina phulusu mu nza mu nzila bakulu bathete ba Isaeli: Abalahami 12.1-25.18, wuzabakana mu minu kiandi ayi bulemvo buandi kudi Nzambi, widi nate buabu kifuani. Muana andi Isaki. Ntekolo andi Yakobi 25.19-36.43, nio wutambula phe zina di Isaeli. Yosefi 37.1-50.26, wumosi mu bana ba Yakobi, nkulu makanda mole, widi va khati tsika mambu manata Yakobi ayi bana bandi bankaka ayi makanda mawu mu kuezingi ku Ngipiti.
Wuthete wu Mose widi vathete dilongi mu mavanga Nzambi. Buku beni yitonini mu kikinina ti Nzambi wuvanga nza, dimonisa nene, vayi yidi ku tsi lulendo lu Nzambi. Buku yisukidi mu tsilulu ti Nzambi maka tatamana keba batu bandi. Tona ku thonono nate ku tsuka, Nzambi niandi kaka wulembo tubulu: wulembo kimonisa, sambisa, tuadisa ayi sadisa batu bandi, wukubika mambu ma mutu.
Mu mvutu, Nzambi lombidi tunlekila minu ayi tula vuvu mu tsilulu ziandi, tumamana zithumunu ziandi ayi minsiku miandi.
Buku Yayi yikupika zikhadulu zikhulu zi Isaeli, mu zabikisa bue batu bobo bazingila mu minu kiawu ayi vana nzila mu keba minu beni kimoyo.

Dengarkan 1 Mose Khotolo