Lacid Bible © Bible Society of Myanmar, 2009. Recording of Lacid New Testament ℗ 2017 Hosanna

Lacid - BSM Version (NT) Non Drama

Lacid - BSM Version (NT) Drama

<div class="version vid390 iso6393lsi" data-vid="390" data-iso6393="lsi">
 <div class="book bkLUK">
 <div class="chapter ch4" data-usfm="LUK.4">
 <div class="label">4</div><div class="s">Yesu Jhu Phyo, Shau" Da" Khyoo:</div><div class="r">(Mat 4:1-11; Mar 1:12-13)</div><div class="p"> 1 Aseing Yesu gi gyeungshang: Venyi: yo" byeung" lho: Yodan gyidlang mo doem lo da" uri gyeungshang: Venyi: gi Yesu ri dain" pyoid yoo khyoo khe: shu" vang lo" byug. Hau: joyoo moo bidnyid myidxi: nyid yu satan jhu phyo' zi shau" nyid. 2Hau: da" bidnyid ayo, moo Ceja: zoo: noem we' ashug" zoo:- hau: bidnyid thang lo" da" uri Yesu gi zooyoid nyid.</div><div class="p"> 3Houg: lang" yu satan gi Yesu ri Nang Mangso da" nya: zoo: nghoid rigi he: luggo, ri zooyho' bui" we' ein: tid we' ga: tid.</div><div class="p"> 4 Aseing Yesu gi Byu gi zoo: yho yo" za: kangso' yo" dei nyid zi anghoid ga: wigi jhoem: dang: moo bo ga: doem phoug tu.</div><div class="p"> 5Hau: uri yu satan gi Yesu ri boem tho' khyoo doem shu" do, lo" lho: Mougmyid Mungdain: jo, moo jo, ri dalheing: dam toin" shid lho: wigi 6He: da" myonhoo:- amyeing" akhang"- ziyoo jo, moo jo, dangain" ri ngoo nang ri byid: pyam wa. He: ziyoo dangain" nga" lo, moo ab to" zi nghoid yoomo ngoo hang" ri byid: nau ri yo" byid. 7Houg: yoomo Aseing: gi ngoori vhu" pid' pid: nghoid rigi He: da" myonhoo: ngilang: amyeing" akhang" bain" sho' nang ri byid: wa ga: tid.</div><div class="p"> 8 Aseing Yesu gi nang loem: re" Mangsoo ri za: no" ca" ga: Jhoem: dang: moo bo ga: doem tid.</div><div class="p"> 9Yu satan gi Yesu ri Yerusalem voo khyoo khe: shu" lo" lho: No' ku" yhoem: moo" tho' mo akhyoug moo nyid nhang: wigi nang Mangso da" nya: zoo: nghoid rigi hid: mo mhoo: khyoo: byam gyoo" lo" yu" we'. 10Jhoem: mungdang: moo nang ri zung" lhug wa shid' re" Mangsoo gi Mouglagyoo: yi ri nhang: kaid wam bye: ga: tid. 11&#8249;Re" khyid: gi lug moo alo" zang" wa shid' re" Moug: lagyoo: yi gi nang ri lo, wigi lhoem: vu, yu goo" wam: bye: ga:&#187; ga: tid.</div><div class="p"> 12 Aseing Yesu gi &#171;Re" da" Mangsoo ri nang yo" ca: yu" wa zi anghoid ga: jhoem: mungdang: moo bo&#187; ga: doem phoid: kyo.</div><div class="p"> 13Yu satan gi hid: su" Yesu ri aja: ja: khyo" bain jhu' phyo' yu" thang: ri Yesu jang" mo phang: thu' lo" thang: ri we' ge da" agoo ri lo" doem yu" nyid shi.</div><div class="s">Yesu Galile Mung" Moo Moo" Zei: Shed" Khyoo:</div><div class="r">(Mat 4:12-17; Mar 1:14-15)</div><div class="p"> 14Yesu gi gyeungshang: da Venyi: yoem: vhoo" yo" byeung" lho: Galile mung" moo doem ju" lo. Yesu da" lu dang: gi hau: mung" goin" jang" moo fu" lo" boem bye. 15Yesu gi Tarha" jung yi moo kho" kyo" lo" ri Byu dangain" mo, gi nyang: ri coung" byid: boem ago".</div><div class="s">Yesu Ri: Nazared Voo Bang: Avho: Da" Khyoo:</div><div class="r">(Mat 13:53-58; Mar 6:1-6)</div><div class="p"> 16Yesu gi Nazared voo moo doem ju" yhe:- Nazared voo gi Yesu nyid gyi: lo da" voo nghoid. Dougn: Bidnyid ri Yesu gi lhoung: yhe: main: ziyo' dakhyoo" ti"- tarha" jung moo vang lo. Jhoem: mougsoug" nghab wa ga: to' yab lang" 17Tarha" jung vhoeb su: gi Lapi: Esaia da" Jhoem: dang: Yesu ri yoin" byid: Yesu gi Jhoem: mougsoug" deing: pei: lho:</div><div class="q1"> 18Mangso da" Venyi: gi nya: tho' moo ju" ri" bye.</div><div class="q2">Sho" jhen: mo, ri lu dang: gi kho" kyoo" wa shid' re" ngoori khyen: yu bye.</div><div class="q1">Thung loung" jo, mo, ri pyoin kaid wa ziyo'-</div><div class="q2">myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'</div><div class="q2"> 19Aseing: gi nya: da" byu phung: ri khyoid yu wa da" ayo, ju" loo bye: da: khyoo: ri we' tid fu" kyoo" wa shid' re"</div><div class="q2">ngoori nhang: kaid bye ga: da" jhoem: du ri phang nghab.</div><div class="p"> 20Hau: thang: ri Jhoem: mougsoug" ri doem deing: lho: Tarha" jung vhoeb phoo ri byid: wigi doem zhoung. Tarha" jung khoug: moo nyid da" byu dangain" mo, gi Yesu ri soo" soo" yu" zhoug: to" ago". 21Yesu gi He: jhoem: dang: moo bo da" akhyoo" again joem gi akhid" nyid" nanu" shau" gyo: ziyo' dakhyoo" ti"- bue" nyid bye ga: tid.</div><div class="p"> 22Byu dangain" mo, gi Yesu ri coung" byid: dang: tid go" nyid boem. Yesu da" nhoid mo thu' da" dang: yi ri gyo: mau" boem lho: He: yug gi Yoseb da nya: zoo: anghoid la"&#187; ga: myid: go" nyid boem.</div><div class="p"> 23Yesu gi-nanu" gi Doug Tha nang we' na nya: noo shi" bain sho' ze: ge pyam we' ga: da" dang: ri ci: lho: ngoori tid boem wa. Kaperna-um voo moo Yesu koid: shug ga: zi:- ngoonu" shaug" gyoo: da" khyoo: joem ri Na nya: moug: moo we' koid: shug we' ga: deung" deung tid boem wa. 24Deung" deung ngoo nanu" ri tid zigi kha: Lapi: nghoid loug we' nyang: nya: moug: moo myonhoo: abo. 25Elia da" pyaid moo Israela mung" goin" jang" moo- soem" zain lham" moo" khyug khyab nyang:- moug: phang" lho: zooyoid phang" khoug ju. 26Israela byumyu" moo cougmoo" myoo" sho' nyid nghoid loug we' hang" jang" moo we' Mangsoo gi lapi: Elia ri anhang: kaid. Sidun mung" Zaredtha voo mo cougmoo" myhi, jang" moo za: date: nang: kaid. 27Lapi: Elisha da" pyaid moo we' Israela byumyu" moo Manggam: yo" ga: dab mo myoo" sho' nyid nghoid loug we' hang" ri we' ayo" ge loo" nhang. Suri mung" byu Naman dayug ri za: ge loo" nhang: ga: tid.</div><div class="p"> 28Tarha" jung moo nyid da" byu dangain" mo, gi hau: da" dang: ri shaug" gyoo: lang" nheig gye" gyo: yo: nyid boem. 29Hau: thang: rigi Yesu ri myid byo, khyam" mo, doin: hpyid khyo pyam wa ga: voo tho' mo boem phyoo" khyoo: khe: shu" do, lo" boem. 30Nghoidloug we' Yesu gi Byu phung: gyoo: mo goo" khyoo: thu' lo.</div><div class="s">Yu Vang Ci: Da" Byu Dayug</div><div class="r">(Mar 1:21-28)</div><div class="p"> 31 Aseing Yesu gi Galile mung" Kaperna-um voo khyoo doem ju" lo. Dougno: Bidnyid ri tarha" jung moo kho" kyo" nyid. 32Aseing: da" jhoug" myeing" moo gi yoem: so' bang yoeb boo yoomo byu yi gi gye" gyo: mau" boem ago". 33Tarha" jung khoug: moo agyeing" ashang: da" yu vang ci: da" byu dayug we' re" nyid. 34Agyeungshang: da" yu gi &#171;Nazared phoo Yesu we"- Aseing: gi ngoo yo" cisen: lha". Ngoo shid: joem: byo yoin" loo" wa shid' re ju" re" la". Aseing: gi hang" nghoid zi ngoo se'- Aseing: gi Mangso jang" mo ju" re" da:- gyeungshang: myhang: thang su: nghoid ga: wigi thui: moo" yo nyho: tid.</div><div class="p"> 35 Aseing Yesu gi sam" zoo: nyid we' Nya: ung: khoug: mo: thu' loo" re" ga: tid. Agyeing" ashang: da" yu gi hau: yug ri sube" mo, phung: gung moo theing lheing: kaid. Hau: thang: ri ce: jamjau abyid: loo:- nya: da" ung: khoug: mo thu' loo" bye.</div><div class="p"> 36Byu dangain" mo, gi yu" mau" wigi He: youg da" amyeing" a: na: thui: gi ce: noem nghoid nyid lha". Nyang: gi agyeing" ashang: da" yu ri lang" thu' loo" wa shid' re" yoem: zeing so' moo" yo"- amyeing" khyo, lho: yu joem gi thu' loo" goo" nhung: lha!- ga: nyang: cang" nyang: tid go" nyid boem. 37Aseing Yesu da" lu dang: gi-ayam aqei: mung" moo fu" nhoin: ju" lo" boem bye.</div><div class="s">Byu Myoo" Sho' Ri Noophyoo" Ge Loo" Nhang: Khyoo:</div><div class="r">(Mat 8:14-17; Mar 1:29-34)</div><div class="p"> 38 Aseing Yesu gi tarha" jung mo thu' lho: Simun da" yhoem: moo vang lo. Simun da" yug myhi' gi gye" no nyid lang". 39Houg: yoomo cangzoo: yi gi hau: khyoo: Yesu ri tid kyo" boem. Yesu gi hau: myiyi: myhi, da" ayam moo yab jo, lho: he: noophyoo" ge loo" re'- ga: amyeing" byid: kaid. Hau: myiyi: myhi, gi noo ge lo" lho: houg: jang: to wigi Yesu yo" cangzoo: yi ri zoo: noem dei zho.</div><div class="p"> 40Bidvang zoo" ri noophyoo" aja: ja: shau" mo, gi Yesu jang" moo khe: shu" re" boem. Yesu gi hau: noophyoo" shau" mo yug khang" mo" da" tho' moo lo, ki" byid: lho: nyangnu" da" noophyoo" joem ri ge loo" nhang: kaid. 41Yu joem gi Yesu ri &#8249;&#8249;Mangso nya: zoo: nghoid&#8250;&#8250; ga: nyho: lho: nyangnu" nyang: vang jo, mo, jang" mo phang: thu' lo" boem.</div><div class="p">Yesu gi yu joem houg: su" nyho: yoid da" ziri toem pyam lho: nyangnu" ri dang: tid wa akhang" byid. Khasu" wim gari Yesu gi Meshia nghoid ziri si' yoomo nghoid.</div><div class="s">Tarha" Jung joem Moo Kho" Kyo" Da" Khyoo:</div><div class="r">(Mar 1:35-39)</div><div class="p"> 42Myo, myang loo lang" Kaperna-um voo mo thu' lo" lho:-ci: sam: aso" da" joyoo daloem: moo ju" lo. Byu yi gi Yesu ri cang sho: yen" boem. 43Nghoidloug we' Yesu gi ngoo gi gootu: voo moo we' Mangso da" Mungdain: khyoo: ri kho" kyoo" ca. Houg: su" kho" kyo" fu" loo" wa shid' re" ngoori Mangsoo nhang: kaid da" zi nghoid ga tid.</div><div class="p"> 44Houg: yoomo Yesu gi Yuda mung" moo tarha" ri cang kho" kyo" yen.</div>
 </div>
 </div>
</div>

ASEING Yesu gi gyeungshang: Venyi: yo" byeung" lho: Yodan gyidlang mo doem lo da" uri gyeungshang: Venyi: gi Yesu ri dain" pyoid yoo khyoo khe: shu" vang lo" byug. Hau: joyoo moo bidnyid myidxi: nyid yu satan jhu phyo' zi shau" nyid. Hau: da" bidnyid ayo, moo Ceja: zoo: noem we' ashug" zoo:- hau: bidnyid thang lo" da" uri Yesu gi zooyoid nyid.
Houg: lang" yu satan gi Yesu ri Nang Mangso da" nya: zoo: nghoid rigi he: luggo, ri zooyho' bui" we' ein: tid we' ga: tid.
ASEING Yesu gi Byu gi zoo: yho yo" za: kangso' yo" dei nyid zi anghoid ga: wigi jhoem: dang: moo bo ga: doem phoug tu.
Hau: uri yu satan gi Yesu ri boem tho' khyoo doem shu" do, lo" lho: Mougmyid Mungdain: jo, moo jo, ri dalheing: dam toin" shid lho: wigi He: da" myonhoo:- amyeing" akhang"- ziyoo jo, moo jo, dangain" ri ngoo nang ri byid: pyam wa. He: ziyoo dangain" nga" lo, moo ab to" zi nghoid yoomo ngoo hang" ri byid: nau ri yo" byid. Houg: yoomo Aseing: gi ngoori vhu" pid' pid: nghoid rigi He: da" myonhoo: ngilang: amyeing" akhang" bain" sho' nang ri byid: wa ga: tid.
ASEING Yesu gi nang loem: re" Mangsoo ri za: no" ca" ga: Jhoem: dang: moo bo ga: doem tid.
Yu satan gi Yesu ri Yerusalem voo khyoo khe: shu" lo" lho: No' ku" yhoem: moo" tho' mo akhyoug moo nyid nhang: wigi nang Mangso da" nya: zoo: nghoid rigi hid: mo mhoo: khyoo: byam gyoo" lo" yu" we'. Jhoem: mungdang: moo nang ri zung" lhug wa shid' re" Mangsoo gi Mouglagyoo: yi ri nhang: kaid wam bye: ga: tid. ‹Re" khyid: gi lug moo alo" zang" wa shid' re" Moug: lagyoo: yi gi nang ri lo, wigi lhoem: vu, yu goo" wam: bye: ga:» ga: tid.
ASEING Yesu gi «Re" da" Mangsoo ri nang yo" ca: yu" wa zi anghoid ga: jhoem: mungdang: moo bo» ga: doem phoid: kyo.
Yu satan gi hid: su" Yesu ri aja: ja: khyo" bain jhu' phyo' yu" thang: ri Yesu jang" mo phang: thu' lo" thang: ri we' ge da" agoo ri lo" doem yu" nyid shi.


Yesu gi gyeungshang: da Venyi: yoem: vhoo" yo" byeung" lho: Galile mung" moo doem ju" lo. Yesu da" lu dang: gi hau: mung" goin" jang" moo fu" lo" boem bye. Yesu gi Tarha" jung yi moo kho" kyo" lo" ri Byu dangain" mo, gi nyang: ri coung" byid: boem ago".


Yesu gi Nazared voo moo doem ju" yhe:- Nazared voo gi Yesu nyid gyi: lo da" voo nghoid. Dougn: Bidnyid ri Yesu gi lhoung: yhe: main: ziyo' dakhyoo" ti"- tarha" jung moo vang lo. Jhoem: mougsoug" nghab wa ga: to' yab lang" Tarha" jung vhoeb su: gi Lapi: Esaia da" Jhoem: dang: Yesu ri yoin" byid: Yesu gi Jhoem: mougsoug" deing: pei: lho:
Mangso da" Venyi: gi nya: tho' moo ju" ri" bye.
Sho" jhen: mo, ri lu dang: gi kho" kyoo" wa shid' re" ngoori khyen: yu bye.
Thung loung" jo, mo, ri pyoin kaid wa ziyo'-
myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'
Aseing: gi nya: da" byu phung: ri khyoid yu wa da" ayo, ju" loo bye: da: khyoo: ri we' tid fu" kyoo" wa shid' re"
ngoori nhang: kaid bye ga: da" jhoem: du ri phang nghab.
Hau: thang: ri Jhoem: mougsoug" ri doem deing: lho: Tarha" jung vhoeb phoo ri byid: wigi doem zhoung. Tarha" jung khoug: moo nyid da" byu dangain" mo, gi Yesu ri soo" soo" yu" zhoug: to" ago". Yesu gi He: jhoem: dang: moo bo da" akhyoo" again joem gi akhid" nyid" nanu" shau" gyo: ziyo' dakhyoo" ti"- bue" nyid bye ga: tid.
Byu dangain" mo, gi Yesu ri coung" byid: dang: tid go" nyid boem. Yesu da" nhoid mo thu' da" dang: yi ri gyo: mau" boem lho: He: yug gi Yoseb da nya: zoo: anghoid la"» ga: myid: go" nyid boem.
Yesu gi-nanu" gi Doug Tha nang we' na nya: noo shi" bain sho' ze: ge pyam we' ga: da" dang: ri ci: lho: ngoori tid boem wa. Kaperna-um voo moo Yesu koid: shug ga: zi:- ngoonu" shaug" gyoo: da" khyoo: joem ri Na nya: moug: moo we' koid: shug we' ga: deung" deung tid boem wa. Deung" deung ngoo nanu" ri tid zigi kha: Lapi: nghoid loug we' nyang: nya: moug: moo myonhoo: abo. Elia da" pyaid moo Israela mung" goin" jang" moo- soem" zain lham" moo" khyug khyab nyang:- moug: phang" lho: zooyoid phang" khoug ju. Israela byumyu" moo cougmoo" myoo" sho' nyid nghoid loug we' hang" jang" moo we' Mangsoo gi lapi: Elia ri anhang: kaid. Sidun mung" Zaredtha voo mo cougmoo" myhi, jang" moo za: date: nang: kaid. Lapi: Elisha da" pyaid moo we' Israela byumyu" moo Manggam: yo" ga: dab mo myoo" sho' nyid nghoid loug we' hang" ri we' ayo" ge loo" nhang. Suri mung" byu Naman dayug ri za: ge loo" nhang: ga: tid.
Tarha" jung moo nyid da" byu dangain" mo, gi hau: da" dang: ri shaug" gyoo: lang" nheig gye" gyo: yo: nyid boem. Hau: thang: rigi Yesu ri myid byo, khyam" mo, doin: hpyid khyo pyam wa ga: voo tho' mo boem phyoo" khyoo: khe: shu" do, lo" boem. Nghoidloug we' Yesu gi Byu phung: gyoo: mo goo" khyoo: thu' lo.


ASEING Yesu gi Galile mung" Kaperna-um voo khyoo doem ju" lo. Dougno: Bidnyid ri tarha" jung moo kho" kyo" nyid. Aseing: da" jhoug" myeing" moo gi yoem: so' bang yoeb boo yoomo byu yi gi gye" gyo: mau" boem ago". Tarha" jung khoug: moo agyeing" ashang: da" yu vang ci: da" byu dayug we' re" nyid. Agyeungshang: da" yu gi «Nazared phoo Yesu we"- Aseing: gi ngoo yo" cisen: lha". Ngoo shid: joem: byo yoin" loo" wa shid' re ju" re" la". Aseing: gi hang" nghoid zi ngoo se'- Aseing: gi Mangso jang" mo ju" re" da:- gyeungshang: myhang: thang su: nghoid ga: wigi thui: moo" yo nyho: tid.
ASEING Yesu gi sam" zoo: nyid we' Nya: ung: khoug: mo: thu' loo" re" ga: tid. Agyeing" ashang: da" yu gi hau: yug ri sube" mo, phung: gung moo theing lheing: kaid. Hau: thang: ri ce: jamjau abyid: loo:- nya: da" ung: khoug: mo thu' loo" bye.
Byu dangain" mo, gi yu" mau" wigi He: youg da" amyeing" a: na: thui: gi ce: noem nghoid nyid lha". Nyang: gi agyeing" ashang: da" yu ri lang" thu' loo" wa shid' re" yoem: zeing so' moo" yo"- amyeing" khyo, lho: yu joem gi thu' loo" goo" nhung: lha!- ga: nyang: cang" nyang: tid go" nyid boem. ASEING Yesu da" lu dang: gi-ayam aqei: mung" moo fu" nhoin: ju" lo" boem bye.


ASEING Yesu gi tarha" jung mo thu' lho: Simun da" yhoem: moo vang lo. Simun da" yug myhi' gi gye" no nyid lang". Houg: yoomo cangzoo: yi gi hau: khyoo: Yesu ri tid kyo" boem. Yesu gi hau: myiyi: myhi, da" ayam moo yab jo, lho: he: noophyoo" ge loo" re'- ga: amyeing" byid: kaid. Hau: myiyi: myhi, gi noo ge lo" lho: houg: jang: to wigi Yesu yo" cangzoo: yi ri zoo: noem dei zho.
Bidvang zoo" ri noophyoo" aja: ja: shau" mo, gi Yesu jang" moo khe: shu" re" boem. Yesu gi hau: noophyoo" shau" mo yug khang" mo" da" tho' moo lo, ki" byid: lho: nyangnu" da" noophyoo" joem ri ge loo" nhang: kaid. Yu joem gi Yesu ri ‹‹Mangso nya: zoo: nghoid›› ga: nyho: lho: nyangnu" nyang: vang jo, mo, jang" mo phang: thu' lo" boem.
Yesu gi yu joem houg: su" nyho: yoid da" ziri toem pyam lho: nyangnu" ri dang: tid wa akhang" byid. Khasu" wim gari Yesu gi Meshia nghoid ziri si' yoomo nghoid.


Myo, myang loo lang" Kaperna-um voo mo thu' lo" lho:-ci: sam: aso" da" joyoo daloem: moo ju" lo. Byu yi gi Yesu ri cang sho: yen" boem. Nghoidloug we' Yesu gi ngoo gi gootu: voo moo we' Mangso da" Mungdain: khyoo: ri kho" kyoo" ca. Houg: su" kho" kyo" fu" loo" wa shid' re" ngoori Mangsoo nhang: kaid da" zi nghoid ga tid.
Houg: yoomo Yesu gi Yuda mung" moo tarha" ri cang kho" kyo" yen.

Dengarkan LUKA 4