<div class="version vid3576 iso6393gvs" data-vid="3576" data-iso6393="gvs">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Keni be Ebeli tetelidi</div><div class="p"> 1E kina go Adama monena Ivi taiyao simasisi, ik&#233;uwama go, niga iven&#225;tuna, natuna koroto. Tuwo idigo kana,</div><div class="pm">&#8216; ina vaita goi natugu bogina ababane.&#8217;</div><div class="m">Tauna natunayana ivayou Keni.#4:1 Keni: Ame youyana Isileli tubunao niyadi goi ana taiyakeka nakae mad&#225;gina. 2Niga aiyuwoina iven&#225;tuna, natuna koroto moe Keni siyana yoina Ebeli.#4:2 Ebeli: Ame youyana ana yagoina moe tupwana nakae nuwatue o y&#225;wana. Sikaiyaka, gog&#243;mana sib&#237;bina gagaidi. E kina go Ebeliyana yoguyogu sipi ana tomatakavata go, kina Keniyana tob&#225;gula.</div><div class="p"> 3E niga go dibayoya ana tuta goi Keni ina dibayoya keuwoina maniyedi ikabidi ina vininabeso go, imedi Yauwe yaina ikasaledi. 4E kina go Ebeliyana nakae ina vininabeso moe sipi bonatudiyao botomoya be saabalidi, e ikaumatedi. Ikavava, imedi Yauwe yaina ikasaledi. Yauwe igitedi, e Ebeli be ina vininabesoyadi iuyaonedi 5go, Keniyana be ina vininabesoyadi geya iuyaonedita. Tuwo Keni gamona igoyo toina, e kubuna ipulu.#Ibe 11:4. 6E Yauwe idigo kana,</div><div class="pm">&#8216;Keni, kaga unana gamom igoyo? Kaga unana kubum ipulu? 7Neta im guinuwa dedevina, bei mam uy&#225;wana ae? Go neta im guinuwa geya idedevineta, e b&#225;gala yoguyogu sasasaina nakae totom goi iyokab&#250;buna; latuwona kom ilovinaem go, ina togaga kulovin&#257;e.&#8217;</div><div class="p"> 8E tuta tayamo Keni siyana Ebeli ilatuwoko idigo kana,</div><div class="pm">&#8216;T&#257;na yoyowo.&#8217;</div><div class="m">Tuwo moitamo sina yoyowo goi go, tutayana amoko goi sikaaiyaka, e Keniyana itaoya, siyana Ebeli ikaumate.#Mad 23:35; Luk 11:51; 1Iy 3:12.</div><div class="p"> 9E Yauwe Keni ilatuwoko idigo kana,</div><div class="pm">&#8216;Siyam Ebeli nako?&#8217;</div><div class="pm">&#8216;Seki, geya ayagoiyeta. Manakae? Yau siyagu ana tomatakavata?&#8217; Keniyana kaena.</div><div class="m"> 10Go kina Yauwe idigo kana,</div><div class="pm">&#8216;Moe kaga kuguinuwe! Kun&#333;ve! Siyam ikaikaina tomota nakae poyapoya goi itaiyaduduwo yau yaigu. Latuwona im kaumata pasina yau akatumapum.#Ibe 12:24. 11E tauna ame tuta im guinuwa pasina akatubolatem. Poyapoya goi avalilivem, tauna geya tuwaina bei itoboinem poyapoya goi kub&#225;gula. Ame poyapoyayana siyam ikaikaina inim tutayana kwaumate. 12Bego poyapoyayana goi kub&#225;gula go, kom manum poyapoya ilogoyo. Tauna poyapoya ame goi kom bei kuketoiya beso; geya im kasamo.&#8217;</div><div class="m"> 13Go kina Keniyana idigo kana,</div><div class="pm">&#8216;Iyaa! Guna liuna moumou ivakaigaga yaigu! Geya itoboineguta atogaga. 14Kun&#333;ve! Ame bei poyapoya ame goi kuvatapiyegu, tauna matam goi geya itoboineguta akaaiyaka. Tuwo bei poyapoya ame goi avabebeo beso unana geya guna kasamo. Tauna avatau neta ibabanegu, bei ikaumategu.&#8217;</div><div class="m"> 15Tuwo kina Yauwe idigo kana,</div><div class="pm">&#8216;Moe nakae geya. Ame nakae bei aguinuwe: Avatau neta ikaumatem, tauyana ana katumapu moe aliune gagaina toina.&#8217;#4:15 Aliune gagaina toina: Isileli tubunao niyadi goi ame geya imavadeta. Enao aiyuwo sikaiyaka. Tayamo mae nakae go, tayamo itoboineda kada, &#8216;Avatau neta ikaumatem, am katumapu tomota ana badabada adi tainima adi taiyuwo bei sik&#225;masa.&#8217;</div><div class="p">E tuwo tayamo aba kinana Keni goi iyato, govila bei avatauwa neta tauyana sibabane sikaumate. 16E Keni itaoya Yauwe matana goi isow&#243;duwo ina asa yoina Nodi;#4:16 Nodi: Ame youyana ana yagoina moe vabebeo beso. moe Ideni bomatu dadavina.</div><div class="s1">Keni ana liliu</div><div class="p"> 17E Keni monena taiyao simasisi, e ik&#233;uwama. Niga iven&#225;tuna, natuna Enoki.#4:17 Enoki: Koroto adi taivasi Buki Kimaasabaina goi yoidi Enoki. (1) Keni natuna. (2) Yeredi natuna (Abv 5:18-24). (3) Midiyani natuna (Abv 25:4). (4) Rubeni natuna (Abv 46:9). Ego amo tutayana Keni ilokasa, tauna asayana ivayou Enoki, nakae natuna yoina.</div><div class="p"> 18Ago Enokiyana natuna koroto Iradi. Iradi natuna koroto Mekuyaeli. Mekuyaeli natuna Metusaeli go, Metusaeli natuna Lemeki.</div><div class="p"> 19Kina Lemekiyana vevina adi taiyuwo inaidi, tayamo yoina Eda, tayamo yoina Sila. 20Edayana iven&#225;tuna, natuna koroto yoina Yabali. Tauyana yoyou parai goi igimimasisi go, yoguyogu sipi be bulumakau imatakaavatedi. Ago tubunao giyaidi nakae siguinuwe, situliya asa tamo tamo. 21Yabaliyana siyana yoina Yubali. Tauyana ana l&#225;uwo be kokopi ana uwa unadi. 22E kina Silayana nakae iven&#225;tuna, natuna koroto yoina Tubali Keni, tauyana kainum goi turu iwod&#250;guna. Tauyana niuna yoina Nama.</div><div class="s1">Lemeki ina g&#225;gasa tetelina</div><div class="p"> 23E tuta tayamo Lemeki mana g&#225;gasa monenao adi taiyuwo ilatuwokoidi idigo kana,</div><div class="b"></div><div class="qc">&#8216;Eda be Sila, guna livala konovedok&#333;idi.</div><div class="qc">Tubuwau ilauigu nakae ipwaikigu go,</div><div class="qc">tauyana akaumate.</div><div class="qc"> 24Neta Keni ana k&#225;masa ana katumapu</div><div class="qc">moe Yaubada bei tokaumata iliune gagaina toina,#4:24 Iliune gagaina toina: Aba Vatowo 4:15 ana tal&#237;gava kug&#299;te. Ameko enao aiyuwoina moe kada, &#8216;Yaubada bei tomota ana badabada ainima aiyuwo ikaumatedi.&#8217;</div><div class="qc">e neta yau silauigu,</div><div class="qc">guna l&#225;uwo ana katumapu moe bei gagaina toina</div><div class="qc">namlieta Keni ina k&#225;masa ana katumapu.&#8217;#4:24 Isileli tubunao niyadi goi ame tomwanayana geya imavadeta. Enao tayamo moe mae nakae. Go enao aiyuwoina itoboineda kada, &#8216;Guna l&#225;uwo ana katumapu moe tomota ana badabada seventiseven (77) bei sik&#225;masa.&#8217;</div><div class="s1">Seti ina b&#237;bina tetelina</div><div class="p"> 25E Adama monena taiyao aiyuwoina simasisimna, e ik&#233;uwama, iven&#225;tuna natuna koroto. Monenayana idigo kana,</div><div class="pm">&#8216;Yaubada natugu ivinigu Ebeli ana katumapu unana Keni ikaumate.&#8217;</div><div class="m">Tauna natuna ivayou Seti.#4:25 Seti: Ame youyana ana yagoina moe ivinigu o atumapu. 26Niga Seti ib&#237;bina gagaina iven&#225;tuna, natuna koroto yoina Enosi. E amo tutayana goi tomota sivatowo Yauwe yaina sisakululu.</div>
 </div>
 </div>
</div>

E kina go Adama monena Ivi taiyao simasisi, ikéuwama go, niga ivenátuna, natuna koroto. Tuwo idigo kana,
‘ ina vaita goi natugu bogina ababane.’
Tauna natunayana ivayou Keni. Niga aiyuwoina ivenátuna, natuna koroto moe Keni siyana yoina Ebeli. Sikaiyaka, gogómana sibíbina gagaidi. E kina go Ebeliyana yoguyogu sipi ana tomatakavata go, kina Keniyana tobágula.
E niga go dibayoya ana tuta goi Keni ina dibayoya keuwoina maniyedi ikabidi ina vininabeso go, imedi Yauwe yaina ikasaledi. E kina go Ebeliyana nakae ina vininabeso moe sipi bonatudiyao botomoya be saabalidi, e ikaumatedi. Ikavava, imedi Yauwe yaina ikasaledi. Yauwe igitedi, e Ebeli be ina vininabesoyadi iuyaonedi go, Keniyana be ina vininabesoyadi geya iuyaonedita. Tuwo Keni gamona igoyo toina, e kubuna ipulu. E Yauwe idigo kana,
‘Keni, kaga unana gamom igoyo? Kaga unana kubum ipulu? Neta im guinuwa dedevina, bei mam uyáwana ae? Go neta im guinuwa geya idedevineta, e bágala yoguyogu sasasaina nakae totom goi iyokabúbuna; latuwona kom ilovinaem go, ina togaga kulovināe.’
E tuta tayamo Keni siyana Ebeli ilatuwoko idigo kana,
‘Tāna yoyowo.’
Tuwo moitamo sina yoyowo goi go, tutayana amoko goi sikaaiyaka, e Keniyana itaoya, siyana Ebeli ikaumate.
E Yauwe Keni ilatuwoko idigo kana,
‘Siyam Ebeli nako?’
‘Seki, geya ayagoiyeta. Manakae? Yau siyagu ana tomatakavata?’ Keniyana kaena.
Go kina Yauwe idigo kana,
‘Moe kaga kuguinuwe! Kunōve! Siyam ikaikaina tomota nakae poyapoya goi itaiyaduduwo yau yaigu. Latuwona im kaumata pasina yau akatumapum. E tauna ame tuta im guinuwa pasina akatubolatem. Poyapoya goi avalilivem, tauna geya tuwaina bei itoboinem poyapoya goi kubágula. Ame poyapoyayana siyam ikaikaina inim tutayana kwaumate. Bego poyapoyayana goi kubágula go, kom manum poyapoya ilogoyo. Tauna poyapoya ame goi kom bei kuketoiya beso; geya im kasamo.’
Go kina Keniyana idigo kana,
‘Iyaa! Guna liuna moumou ivakaigaga yaigu! Geya itoboineguta atogaga. Kunōve! Ame bei poyapoya ame goi kuvatapiyegu, tauna matam goi geya itoboineguta akaaiyaka. Tuwo bei poyapoya ame goi avabebeo beso unana geya guna kasamo. Tauna avatau neta ibabanegu, bei ikaumategu.’
Tuwo kina Yauwe idigo kana,
‘Moe nakae geya. Ame nakae bei aguinuwe: Avatau neta ikaumatem, tauyana ana katumapu moe aliune gagaina toina.’
E tuwo tayamo aba kinana Keni goi iyato, govila bei avatauwa neta tauyana sibabane sikaumate. E Keni itaoya Yauwe matana goi isowóduwo ina asa yoina Nodi; moe Ideni bomatu dadavina.

E Keni monena taiyao simasisi, e ikéuwama. Niga ivenátuna, natuna Enoki. Ego amo tutayana Keni ilokasa, tauna asayana ivayou Enoki, nakae natuna yoina.
Ago Enokiyana natuna koroto Iradi. Iradi natuna koroto Mekuyaeli. Mekuyaeli natuna Metusaeli go, Metusaeli natuna Lemeki.
Kina Lemekiyana vevina adi taiyuwo inaidi, tayamo yoina Eda, tayamo yoina Sila. Edayana ivenátuna, natuna koroto yoina Yabali. Tauyana yoyou parai goi igimimasisi go, yoguyogu sipi be bulumakau imatakaavatedi. Ago tubunao giyaidi nakae siguinuwe, situliya asa tamo tamo. Yabaliyana siyana yoina Yubali. Tauyana ana láuwo be kokopi ana uwa unadi. E kina Silayana nakae ivenátuna, natuna koroto yoina Tubali Keni, tauyana kainum goi turu iwodúguna. Tauyana niuna yoina Nama.

E tuta tayamo Lemeki mana gágasa monenao adi taiyuwo ilatuwokoidi idigo kana,

‘Eda be Sila, guna livala konovedokōidi.
Tubuwau ilauigu nakae ipwaikigu go,
tauyana akaumate.
Neta Keni ana kámasa ana katumapu
moe Yaubada bei tokaumata iliune gagaina toina,
e neta yau silauigu,
guna láuwo ana katumapu moe bei gagaina toina
namlieta Keni ina kámasa ana katumapu.’

E Adama monena taiyao aiyuwoina simasisimna, e ikéuwama, ivenátuna natuna koroto. Monenayana idigo kana,
‘Yaubada natugu ivinigu Ebeli ana katumapu unana Keni ikaumate.’
Tauna natuna ivayou Seti. Niga Seti ibíbina gagaina ivenátuna, natuna koroto yoina Enosi. E amo tutayana goi tomota sivatowo Yauwe yaina sisakululu.

Dengarkan Aba Vatowo 4