Maya, Yucatan - 1992 Edition (NT)

<div class="version vid324 iso6393yua" data-vid="324" data-iso6393="yua">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Jes&#250;s y&#233;etel jun t&#250;ul co'olel Samariail</div><div class="p"> 1Le fariseobo' kuch u yoj&#233;elto'ob mas ya'ab u aj tzaypacho'ob Jes&#250;s cu dza'abal ocja' ti'obe' que u aj tzaypacho'ob Juan. 2Quex tu jaajile' Jesuse' ma' tu dz&#225;ic ocja', ch&#233;en u aj canbalo'ob. 3Le ca tu yoj&#233;eltaj Jes&#250;s lela', j&#243;ok Judeae' u ti'al u binbal Galilea.</div><div class="p"> 4U ti'al u binbale' yanchaj u m&#225;an tu lu'umil Samaria. 5J kuch t&#250;un ti' jun p'&#233;el u caajil Samaria u kaaba'e' Sicar, naadz ti' le lu'um tu dzaj Jacob ti' Jos&#233; u paal. 6Ti' yaan le ch'e'en cu ya'ala'al u ch'e'en Jacob. Jesuse' j culaj tu chi' le ch'e'eno' tumen ca'ana'an ti' u x&#237;imbal m&#237;in ch&#250;umuc kiin. 7J kuch t&#250;un ti' le ch'e'eno' jun t&#250;ul co'olel u ti'al u j&#243;oksic ja'. Jesuse' tu ya'alaj: S&#237;iten ja' in wukej. 8Le aj canbalo'obo' j bino'ob te j caajo' u ti'al u mano'ob janal.</div><div class="p"> 9Le co'olel samariailo' tu ya'alaj t&#250;un ti' Jes&#250;s: &#191;Bix anil teech jud&#237;oeche' ca k&#225;atic ja' ti' teen samariailen? (Tumen le jud&#237;obo' ma'atech u biscuba'ob y&#233;etel le samariailo'obo') 10Jesuse' tu n&#250;ucaj t&#250;un ti': Wa ca woj&#233;elt ba'ax cu dz&#225;ic Kue', y&#233;etel m&#225;ax le cu k&#225;atic teech ja'e', jach tu jaajile' je'el a k&#225;atic ja' ti' tene', teen t&#250;une' je'el in dz&#225;ic teech cuxa'an ja'e'.</div><div class="p"> 11Le co'olelo' tu ya'alaj ti': Yuumtzil taam le ch'e'ena' mina'an teech ba'ax y&#233;etel a j&#243;oksic le ja'a'. &#191;Tu'ux can a j&#243;okes le cuxa'an ja' u ti'al a dz&#225;ic teno'? 12C &#250;uchben l&#225;ak Jocobe' tu p'ataj to'on le ch'e'ena', tu'ux tu yukaj ja' leti', u paalal y&#233;etel u yalak ba'alche'ob. &#191;mas nojochech wa ti' leti'?</div><div class="p"> 13Jesuse' tu n&#250;ucaj ti': Tul&#225;acal le m&#225;axo'ob cu yukico'ob le ja'a', yaan u ca'a ukajchajlo'ob. 14Ba'ale' le m&#225;ax cu yukic le ja' quin dz&#225;ic ti'o', yaan u tuul bey jun p'&#233;el sayab ichil leti'e', u ti'al u dz&#225;ic cuxtal mina'an u xuul ti'.</div><div class="p"> 15Le co'olelo' tu ya'alaj t&#250;un ti': Yuumtzil, dz&#225;a teen le ja'o', u ti'al ma' in ca'a ukajchajal, mix u yantal in suut way ti' le ch'e'ena' u ti'al in j&#243;oksic ja'.</div><div class="p"> 16Jesuse' tu ya'alaj ti': Xeen a t'aan a w&#237;ichame', cu dzo'ocole' ca taaquech waye'.</div><div class="p"> 17Le co'olelo' tu n&#250;ucaj ti': Mina'an in w&#237;icham. Jesuse' tu ya'alaj t&#250;un ti': Jaj a t'aan. Mina'an a w&#237;icham, 18tumen cinco a w&#237;ichamo'ob dzo'oc u yantal, ba'ale' le m&#225;ax y&#233;etel yanech bejela'e' ma' a w&#237;ichami'. Jaaj ba'ax ta wa'alaj.</div><div class="p"> 19Le co'olelo' le ca tu yu'ubaj lela', tu ya'alaj ti': Yuumtzil t&#225;an in wilique' teche' aj b&#243;obatech. 20C &#250;uchben l&#225;ako'obe' tu kultajo'ob Ku way y&#243;okol le pu'uca', ba'ale' te'exe' ca wa'alique'exe' Jerusal&#233;n u c&#250;uchil tu'ux unaj u kulta'al.</div><div class="p"> 21Jesuse' tu n&#250;ucaj ti': Co'olel ocsaj &#243;olteni', t&#225;an u taal u kiinile' mix te pu'uca' mix Jerusal&#233;n can a kulte'ex le Taatao'. 22Te'ex samariaile'exe' ma' a wojele'ex ba'ax ca kultique'exi', ba'ale' to'one' c ojel ba'ax c kultic, tumen le tocsajilo' ti' le jud&#237;ob u taalo'. 23Ba'ale' t&#225;an u taal u kiinil, lela' dzo'oc xan u kuchul, le qu&#233;en kulta'ac le Taatao' ti' Pixan y&#233;etel ti' jaaj, tumen le m&#225;axo'ob jach tu jaajil y&#243;olo'ob cu kultico'obo'. Le Taata xano' bey u k&#225;at ca u beet le m&#225;axo'ob kultico. 24Kue' Pixan, le m&#225;axo'ob kultic t&#250;uno' unaj u kultico'ob ti' pixan y&#233;etel ti' jaaj.</div><div class="p"> 25Le co'olelo' tu ya'alaj ti': Tene' in wojel yaan u taal le Mes&#237;aso', u k&#225;at ya'ale' le Cristoo'. Le qu&#233;en taalaque' yaan u ca'ansic to'on tul&#225;acal ba'al. 26Jesuse' tu ya'alaj ti': Teen, lelo' m&#225;ax t&#225;an in t'aan ta w&#233;etel.</div><div class="p"> 27Ti' le s&#250;utuca' j kucho'ob u aj canbalo'ob, ca ja'ak u y&#243;olo'ob tumen t&#225;an u t'aan y&#233;etel jun t&#250;ul co'olel. Ba'ale' mix jun t&#250;ul tu y&#243;oltaj u ya'al ti' le co'olelo': &#191;Ba'ax a k&#225;ati'? wa ti' Jes&#250;s: &#191;Ba'ax ca tzicbaltic tu y&#233;etel? 28Le co'olel t&#250;uno' tu p'ataj u p'uule' ca j bin ti' le caajo', ca tu ya'alaj ti' le m&#225;aco'obo': 29Co'otene'ex a wile'ex jun t&#250;ul m&#225;ac dzo'oc u ya'alic teen tul&#225;acal ba'ax in beetmaj. &#191;Ma' leti' wa le Cristoo'?</div><div class="p"> 30J&#243;oko'ob t&#250;un ti' le caajo' ca j bino'ob tac tu'ux yaan Jes&#250;s. 31Ca'aliquile' le aj canbalo'obo' tu k&#225;at &#243;oltajo'ob ti' Jes&#250;s, t&#225;an u ya'alico'ob: Aj ca'anbesaj, jaant wa ba'ax.</div><div class="p"> 32Ba'ale' leti'e' tu ya'alaj ti'ob: Tene' yaan ba'al in jaant ma' a wojele'exi'.</div><div class="p"> 33Le aj canbalo'obo' jo'op' u k&#225;aticuba'ob tu baatzilo'ob: &#191;Dzo'oc ta t'aan u taasa'al ba'al u jaant tumen wa m&#225;ax?</div><div class="p"> 34Ba'ale' Jesuse' tu ya'alaj ti'ob: In janale' in beetic u y&#243;olal le m&#225;ax t&#250;uxteno', y&#233;etel in dzo'ocsic u meyaj. 35Te'exe' ca wa'alique'ex: Cu bineltic can p'&#233;el winal u ti'al u y&#250;uchul jooch; ba'ale' tene' quin wa'alic te'ex: Ile'ex, pacte'ex le pakalo'obo', tumen dzo'oc u kantalo'ob u ti'al jochbil. 36Le m&#225;ax cu jocho' cu kamic u bo'ol, y&#233;etel le ba'ax cu jochico' u ti'al cuxtal mina'an u xuul, u ti'al ca m&#250;uch' qui'imacchajac u y&#243;olo'ob le m&#225;ax cu pakalo' bey xan le m&#225;ax cu joocho'. 37Tumen ba'al jaaj cu ya'alic le t'aana': yaanal m&#225;ax cu pakal, yaanal m&#225;ax cu jooch. 38Tene' dzo'oc in t&#250;uxtique'ex jooch tu'ux ma' pakalnaje'exi'; tumen yaanal le meyajnajo'obo', te'ex t&#250;une' t&#225;an a ch'a'ique'ex u yutzil u meyajo'ob.</div><div class="p"> 39Ya'ab ti' u cajn&#225;alilo'ob le caaj yaan Samariao', tu yocsaj u y&#243;olo'ob ti' Jes&#250;s, tu yo'olal le ba'ax a'ala'ab ti'ob tumen le co'olelo', le ca tu ya'alaj: Tu ya'alaj teen tul&#225;acal ba'ax in beetmaj. 40Bey t&#250;uno', le ca j taal le samariailo'obo' tu k&#225;at &#243;oltajo'ob ti' ca p'&#225;atac tu y&#233;etelo'ob, ca j p'&#225;at Jes&#250;s ca'a p'&#233;el kiin te'elo'. 41Ya'ab u l&#225;ak m&#225;axo'ob ocsaj &#243;olnajo'ob, le ca tu yu'ubajo'ob ba'ax cu ya'alic Jes&#250;s. 42Ca tu ya'alajo'ob t&#250;un ti' le co'olelo': Beoraa' c ocsaj &#243;oltic, ma' ch&#233;en tu yo'olal ba'ax ta wa'alaj to'oni', ba'ale' tumen to'one' t xiquinil dzo'oc u'uyic ba'ax cu ya'alic leti', y&#233;etel c ojel jach tu jaajil leti' le Cristoo', u aj tocsaj y&#243;okolcaab.</div><div class="s1">Jes&#250;s cu dz&#225;ic u toj &#243;olal u paal jun t&#250;ul jalach w&#237;inic</div><div class="p"> 43Cu dzo'ocol u m&#225;an ca'a p'&#233;el kiine', j&#243;ok Jes&#250;s Samariaie u ti'al u binbal tac tu lu'umil Galilea. 44Tumen je'el bix tu ya'alaj Jesuse' jun t&#250;ul aj b&#243;obate' ma' tu yaabilta'al tu caajal. 45Le ca j kuch te'elo' ka'am ma'alob tumen u cajn&#225;alilo'ob Galilea, tumen j bino'ob xan ti' u kiinbesajil le Pascua tac Jerusaleno', te'elo' tu yilajo'ob tul&#225;acal ba'ax tu beetaj Jes&#250;s tu kiinilo'ob le kiinbesajo'.</div><div class="p"> 46J suunaj Jes&#250;s Can&#225; tu lu'umil Galilea, tu'ux tu sutaj vinoil le ja'o'. Jun t&#250;ul u jalachil le ajawo', yaan jun t&#250;ul u paal koja'an Capernaum. 47Le jalacho' le ca tu yoj&#233;eltaj dzo'oc u kuchul Jes&#250;s Galilea lukic Judeae', j bin u yila'e', ca tu k&#225;at &#243;oltaj ti' ca xi'ic tac tu yotoch ca u dz&#225;a u toj &#243;olal u paal, tumen ta'aytac u qu&#237;imil. 48Jesuse' tu ya'alaj t&#250;un ti': Te'exe' ma' ta wocsaj &#243;olale'ex wa ma' ta wilique'ex ch&#237;iculalo'ob y&#233;etel jakbe'en meyajo'ob.</div><div class="p"> 49Ba'ale' le jalacho' tu ya'alaj ti': Yuumtzil co'oten tu s&#233;eblaquil, ma'ili' qu&#237;imic in paale'.</div><div class="p"> 50Jesuse' tu ya'alaj t&#250;un ti': Suunen ta wotoch. A paale' cuxa'an. Le m&#225;aco' tu yocsaj &#243;oltaj ba'ax tu ya'alaj Jesuse' ca j bini. 51Ta'aytac u kuchul tu yotoche', ca j&#243;ok u palitzilo'ob nupt&#225;antique', ca tu ya'alajo'ob ti': Cuxa'an a paal.</div><div class="p"> 52Tu k&#225;ataj t&#250;un ti'ob u yorail ca'aj jo'op' u yutztal u paal, ca j a'ala'ab ti': Jo'oljeac, m&#237;in launa kiin ca j s&#237;ischaj u chocwil.</div><div class="p"> 53Le taatatzilo' tu yilaj t&#250;une' lela' u yorail iquil a'ala'abic ti' tumen Jes&#250;s: A paale' cuxa'an. Leti' y&#233;etel tul&#225;acal u yotoche' tu yocsaj &#243;oltajo'ob t&#250;un Jes&#250;s.</div><div class="p"> 54Lela' u ca'a p'&#233;el ch&#237;iculal tu beetaj Jes&#250;s le ca j suunaj Galilea l&#237;ikic Judeae'.</div>
 </div>
 </div>
</div>

Texto Maya © Sociedades Bíblicas Unidas, 1992

Le fariseobo' kuch u yojéelto'ob mas ya'ab u aj tzaypacho'ob Jesús cu dza'abal ocja' ti'obe' que u aj tzaypacho'ob Juan. Quex tu jaajile' Jesuse' ma' tu dzáic ocja', chéen u aj canbalo'ob. Le ca tu yojéeltaj Jesús lela', jóok Judeae' u ti'al u binbal Galilea.
U ti'al u binbale' yanchaj u máan tu lu'umil Samaria. J kuch túun ti' jun p'éel u caajil Samaria u kaaba'e' Sicar, naadz ti' le lu'um tu dzaj Jacob ti' José u paal. Ti' yaan le ch'e'en cu ya'ala'al u ch'e'en Jacob. Jesuse' j culaj tu chi' le ch'e'eno' tumen ca'ana'an ti' u xíimbal míin chúumuc kiin. J kuch túun ti' le ch'e'eno' jun túul co'olel u ti'al u jóoksic ja'. Jesuse' tu ya'alaj: Síiten ja' in wukej. Le aj canbalo'obo' j bino'ob te j caajo' u ti'al u mano'ob janal.
Le co'olel samariailo' tu ya'alaj túun ti' Jesús: ¿Bix anil teech judíoeche' ca káatic ja' ti' teen samariailen? (Tumen le judíobo' ma'atech u biscuba'ob yéetel le samariailo'obo') Jesuse' tu núucaj túun ti': Wa ca wojéelt ba'ax cu dzáic Kue', yéetel máax le cu káatic teech ja'e', jach tu jaajile' je'el a káatic ja' ti' tene', teen túune' je'el in dzáic teech cuxa'an ja'e'.
Le co'olelo' tu ya'alaj ti': Yuumtzil taam le ch'e'ena' mina'an teech ba'ax yéetel a jóoksic le ja'a'. ¿Tu'ux can a jóokes le cuxa'an ja' u ti'al a dzáic teno'? C úuchben láak Jocobe' tu p'ataj to'on le ch'e'ena', tu'ux tu yukaj ja' leti', u paalal yéetel u yalak ba'alche'ob. ¿mas nojochech wa ti' leti'?
Jesuse' tu núucaj ti': Tuláacal le máaxo'ob cu yukico'ob le ja'a', yaan u ca'a ukajchajlo'ob. Ba'ale' le máax cu yukic le ja' quin dzáic ti'o', yaan u tuul bey jun p'éel sayab ichil leti'e', u ti'al u dzáic cuxtal mina'an u xuul ti'.
Le co'olelo' tu ya'alaj túun ti': Yuumtzil, dzáa teen le ja'o', u ti'al ma' in ca'a ukajchajal, mix u yantal in suut way ti' le ch'e'ena' u ti'al in jóoksic ja'.
Jesuse' tu ya'alaj ti': Xeen a t'aan a wíichame', cu dzo'ocole' ca taaquech waye'.
Le co'olelo' tu núucaj ti': Mina'an in wíicham. Jesuse' tu ya'alaj túun ti': Jaj a t'aan. Mina'an a wíicham, tumen cinco a wíichamo'ob dzo'oc u yantal, ba'ale' le máax yéetel yanech bejela'e' ma' a wíichami'. Jaaj ba'ax ta wa'alaj.
Le co'olelo' le ca tu yu'ubaj lela', tu ya'alaj ti': Yuumtzil táan in wilique' teche' aj bóobatech. C úuchben láako'obe' tu kultajo'ob Ku way yóokol le pu'uca', ba'ale' te'exe' ca wa'alique'exe' Jerusalén u cúuchil tu'ux unaj u kulta'al.
Jesuse' tu núucaj ti': Co'olel ocsaj óolteni', táan u taal u kiinile' mix te pu'uca' mix Jerusalén can a kulte'ex le Taatao'. Te'ex samariaile'exe' ma' a wojele'ex ba'ax ca kultique'exi', ba'ale' to'one' c ojel ba'ax c kultic, tumen le tocsajilo' ti' le judíob u taalo'. Ba'ale' táan u taal u kiinil, lela' dzo'oc xan u kuchul, le quéen kulta'ac le Taatao' ti' Pixan yéetel ti' jaaj, tumen le máaxo'ob jach tu jaajil yóolo'ob cu kultico'obo'. Le Taata xano' bey u káat ca u beet le máaxo'ob kultico. Kue' Pixan, le máaxo'ob kultic túuno' unaj u kultico'ob ti' pixan yéetel ti' jaaj.
Le co'olelo' tu ya'alaj ti': Tene' in wojel yaan u taal le Mesíaso', u káat ya'ale' le Cristoo'. Le quéen taalaque' yaan u ca'ansic to'on tuláacal ba'al. Jesuse' tu ya'alaj ti': Teen, lelo' máax táan in t'aan ta wéetel.
Ti' le súutuca' j kucho'ob u aj canbalo'ob, ca ja'ak u yóolo'ob tumen táan u t'aan yéetel jun túul co'olel. Ba'ale' mix jun túul tu yóoltaj u ya'al ti' le co'olelo': ¿Ba'ax a káati'? wa ti' Jesús: ¿Ba'ax ca tzicbaltic tu yéetel? Le co'olel túuno' tu p'ataj u p'uule' ca j bin ti' le caajo', ca tu ya'alaj ti' le máaco'obo': Co'otene'ex a wile'ex jun túul máac dzo'oc u ya'alic teen tuláacal ba'ax in beetmaj. ¿Ma' leti' wa le Cristoo'?
Jóoko'ob túun ti' le caajo' ca j bino'ob tac tu'ux yaan Jesús. Ca'aliquile' le aj canbalo'obo' tu káat óoltajo'ob ti' Jesús, táan u ya'alico'ob: Aj ca'anbesaj, jaant wa ba'ax.
Ba'ale' leti'e' tu ya'alaj ti'ob: Tene' yaan ba'al in jaant ma' a wojele'exi'.
Le aj canbalo'obo' jo'op' u káaticuba'ob tu baatzilo'ob: ¿Dzo'oc ta t'aan u taasa'al ba'al u jaant tumen wa máax?
Ba'ale' Jesuse' tu ya'alaj ti'ob: In janale' in beetic u yóolal le máax túuxteno', yéetel in dzo'ocsic u meyaj. Te'exe' ca wa'alique'ex: Cu bineltic can p'éel winal u ti'al u yúuchul jooch; ba'ale' tene' quin wa'alic te'ex: Ile'ex, pacte'ex le pakalo'obo', tumen dzo'oc u kantalo'ob u ti'al jochbil. Le máax cu jocho' cu kamic u bo'ol, yéetel le ba'ax cu jochico' u ti'al cuxtal mina'an u xuul, u ti'al ca múuch' qui'imacchajac u yóolo'ob le máax cu pakalo' bey xan le máax cu joocho'. Tumen ba'al jaaj cu ya'alic le t'aana': yaanal máax cu pakal, yaanal máax cu jooch. Tene' dzo'oc in túuxtique'ex jooch tu'ux ma' pakalnaje'exi'; tumen yaanal le meyajnajo'obo', te'ex túune' táan a ch'a'ique'ex u yutzil u meyajo'ob.
Ya'ab ti' u cajnáalilo'ob le caaj yaan Samariao', tu yocsaj u yóolo'ob ti' Jesús, tu yo'olal le ba'ax a'ala'ab ti'ob tumen le co'olelo', le ca tu ya'alaj: Tu ya'alaj teen tuláacal ba'ax in beetmaj. Bey túuno', le ca j taal le samariailo'obo' tu káat óoltajo'ob ti' ca p'áatac tu yéetelo'ob, ca j p'áat Jesús ca'a p'éel kiin te'elo'. Ya'ab u láak máaxo'ob ocsaj óolnajo'ob, le ca tu yu'ubajo'ob ba'ax cu ya'alic Jesús. Ca tu ya'alajo'ob túun ti' le co'olelo': Beoraa' c ocsaj óoltic, ma' chéen tu yo'olal ba'ax ta wa'alaj to'oni', ba'ale' tumen to'one' t xiquinil dzo'oc u'uyic ba'ax cu ya'alic leti', yéetel c ojel jach tu jaajil leti' le Cristoo', u aj tocsaj yóokolcaab.

Cu dzo'ocol u máan ca'a p'éel kiine', jóok Jesús Samariaie u ti'al u binbal tac tu lu'umil Galilea. Tumen je'el bix tu ya'alaj Jesuse' jun túul aj bóobate' ma' tu yaabilta'al tu caajal. Le ca j kuch te'elo' ka'am ma'alob tumen u cajnáalilo'ob Galilea, tumen j bino'ob xan ti' u kiinbesajil le Pascua tac Jerusaleno', te'elo' tu yilajo'ob tuláacal ba'ax tu beetaj Jesús tu kiinilo'ob le kiinbesajo'.
J suunaj Jesús Caná tu lu'umil Galilea, tu'ux tu sutaj vinoil le ja'o'. Jun túul u jalachil le ajawo', yaan jun túul u paal koja'an Capernaum. Le jalacho' le ca tu yojéeltaj dzo'oc u kuchul Jesús Galilea lukic Judeae', j bin u yila'e', ca tu káat óoltaj ti' ca xi'ic tac tu yotoch ca u dzáa u toj óolal u paal, tumen ta'aytac u quíimil. Jesuse' tu ya'alaj túun ti': Te'exe' ma' ta wocsaj óolale'ex wa ma' ta wilique'ex chíiculalo'ob yéetel jakbe'en meyajo'ob.
Ba'ale' le jalacho' tu ya'alaj ti': Yuumtzil co'oten tu séeblaquil, ma'ili' quíimic in paale'.
Jesuse' tu ya'alaj túun ti': Suunen ta wotoch. A paale' cuxa'an. Le máaco' tu yocsaj óoltaj ba'ax tu ya'alaj Jesuse' ca j bini. Ta'aytac u kuchul tu yotoche', ca jóok u palitzilo'ob nuptáantique', ca tu ya'alajo'ob ti': Cuxa'an a paal.
Tu káataj túun ti'ob u yorail ca'aj jo'op' u yutztal u paal, ca j a'ala'ab ti': Jo'oljeac, míin launa kiin ca j síischaj u chocwil.
Le taatatzilo' tu yilaj túune' lela' u yorail iquil a'ala'abic ti' tumen Jesús: A paale' cuxa'an. Leti' yéetel tuláacal u yotoche' tu yocsaj óoltajo'ob túun Jesús.
Lela' u ca'a p'éel chíiculal tu beetaj Jesús le ca j suunaj Galilea líikic Judeae'.

Dengarkan San Juan 4