If you have would like a copy of this version please contact info@davaraudiobibles.org

Text: Lolo New Testament, © 2016, New Tribes Mission
Audio: Lolo Audio New Testament ℗ 2018, Davar Partners International

Lolo New Testament

<div class="version vid3096 iso6393llb" data-vid="3096" data-iso6393="llb">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Yesu ohomulaleya muhiyana mmohi nkuda Samariya</div><div class="p"> 1-2AFarizewu kohovwa ira: &lt;&lt;Atu oindjiva anamuhara Yesu eto liye unoabatiza atu adjindji mukwaranya Juwawu&gt;&gt;, agali aabatiza atwale ali anamamuharaye, hiya Yesu. Mwa enne Nabwiya agaiziwile ira aFarizewu kohovwa ira liye oabatiza atu adjindji, 3ohovenya na anamamuharaye porovinsiya ya Judeya, aliwa dowaga porovinsiya ya Galileya. 4Muwari mwa ulrendo wewa, Yesu ohofuna ira avire muwari mwa porovinsiya ya Samariya.</div><div class="p"> 5Mwa enne kadowaga, kohofiyaga unde wa sidadi ya Sikari, muwari mwa porovinsiya ya Samariya, wandamelana munda wenno Jako anvahile liye mwanaye Joze. 6Vevale vohokalaga isime yatimbile Jako wanle. Kagafiyile evale, nzuwa nagali vari na vari, Yesu ohogarati wandamana vaisimeni vale mwasiwa owaheyaga na mwasa wa ulrendo wannaga atu. 7-8Anamamuharaye kohovolowaga sidadi ira kagule jodja. Yesu agahanle evale, ohozaga muhiyana mmohi eni muSamariya ira arunge mahindje vaisimeni vale. Agafiyile evale Yesu ohonvepaga ira: &lt;&lt;Nnavepa udivahe mahindje ira ding'we.&gt;&gt; 9Muhiyanole ohomuwakulaga ira: &lt;&lt;Jinawandeya avi nyo mwagali muJudewu divepa miyo mahindje dagali muSamariya?&gt;&gt; (Muhiyanole aza awongaga eno tchoira aJudewu kinavahana na aSamariya, nne vang'ono.)</div><div class="p"> 10Mwa enne Yesu ohomuwakulaga muhiyanole ira: &lt;&lt;Wahaiziwilege yovaha inavaha Mulugu eto wahamuiziwilege wenno unauvepa mahindje, na wenne wogonvepa eto liye ogouvaha mahindje a ingumi.&gt;&gt; 11Muhiyanole agavwile mazu anne, ohowakula ira: &lt;&lt;Andimuwa, mahindje a ingumi munawonga nyo ayo, munakumana waani? Tchoira isimela ihidiha eto nne nyo kamunna yorungana mahindje. 12Isimela atimbile ali mbwiyihu Jako, liye ng'wagavo na abalaye vamohi na jifuwo jaye. Na vanove hiyo nnang'wetcha veva. Kodi nyo mwawongaga eno, muli mundimuwa mukwaranya Jako?&gt;&gt;</div><div class="p"> 13Yesu ohomuwakula eraga: &lt;&lt;Atene ong'wa mahindje anna anowelela kana ntona akoka. 14Mbwenye mutu ang'wa mahindje nnanvaha miyo, kanawelela kana ntona akoka. Mahindje nnanvaha miyo anomukalela nnga isime yokana mahindje owenda, ananvaha ingumi yohomala.&gt;&gt; 15Evale muhiyanole ohowakulaga eraga: &lt;&lt;Andimuwa, divaheni mahindje anno ira dahakayena ntona akoka ira dahawelele runga mahindje vaisimeni va.&gt;&gt;</div><div class="p"> 16Yesu ohomuwandelaga muhiyanole eraga: &lt;&lt;Kadowa wamuitane mamunawo, muze vamohi.&gt;&gt; 17Evale muhiyanole ohowakulaga ira: &lt;&lt;Miyo kadinna mamunaga.&gt;&gt; Evale Yesu ohomuwakula ira: &lt;&lt;Uhuwonga pama muwari mowakula ira kunna mamunawo. 18Tchoira wohoteliwa na alombwana atanu. Teto mulombwana unna we peno kahi mamunawo. Iwongile we tcha ibaribari.&gt;&gt;</div><div class="p"> 19Muhiyanole ohowonga ira: &lt;&lt;Andimuwa, miyo nnauonani ira muli namafiyiheda. 20Makolo ehu a wanle kamutamalela Mulugu vamwangoni va. Mbwenye nyo aJudewu muni: &lt;Nimburo nomutamalela Mulugu ku Jeruzalemu.&gt; Kodi nimburo na ibaribari nomutamalela tivi?&gt;&gt;</div><div class="p"> 21Yesu ohomuwakulaga ira: &lt;&lt;Muhiyana we, uroromele inafuna miyo uwandela. Vasogolro atu kinamutamalelege Baba vamwangoni va, nne Jeruzalemu. 22Tchoira nyo aSamariya, munamutamalela nyo, kamumuizi. Mbwenye hiyo unamutamalela hiyo, nihimuiziwa. Tchoira vulusiwa unazela mwa aJudewu.</div><div class="p"> 23&lt;&lt;Inoza ifiye tempu eto eni na ibaribari ihimala fiya ira aliba mutamalela Mulugu a ibaribari kamutamalelege mwa Munemba eto mwa ibaribari. Tchoira Baba unaavenda atu ira kamutamalelege na makalelo anno. 24Mulugu gu munemba. Nona ule unafuna mutamalela, amutamalele muwari mwa Munemba eto na makalelo a ibaribari.&gt;&gt;</div><div class="p"> 25Evale muhiyanole ohowongaga eraga: &lt;&lt;Miyo dihiiziwa ira ukala Namatikeliwa unafuna za, wenno unaromoliwa na nzina na Kiristu. Liye aza, unonionelrihedamo jatene jene.&gt;&gt; 26Yesu ohomuwakula ira: &lt;&lt;Kiristu awongiwa gu miyene unawonga na weyo peno.&gt;&gt;</div><div class="s1">Yesu ohalaleya aSamariya</div><div class="p"> 27Kawongaga enne, anamamuharaye kohofiyaga, kakumaga sidadi. Kagafiyile, kohotikiniheyaga, kaumbuwelaga ira: &lt;&lt;Yesu unavenda nni awongaga na muhiyanola?&gt;&gt; Mwa enne eto tchanfukile yengo ili yatene.</div><div class="p"> 28Noira enne, muhiyanole ohiyaga munwaye vaiko vale, liye dowa musidadi, roma awandelaga atu eraga: 29&lt;&lt;Ndoweni mwamuone mulombwana uli iko wu, wenno uwongile jatene jeretcha miyo malambo a mundulrimu. Kaya kaza akala Namatikeliwa wenno unadedihiwa?&gt;&gt; 30Kagavwile mazu anne, kohogundeyaga, aliwa dowaga wewule wafwanyeya Yesu.</div><div class="p"> 31Vevale anamamuharaye vahanle atu vaisimeni vale, kohonvaha Yesu jodja, aliwa ira: &lt;&lt;Namafundjiha, jodja iji mudje.&gt;&gt; 32Mbwenye liye ohowakulaga eraga: &lt;&lt;Miyo dihikana jodja jaga ira didje, jejo jahaiziwile nyo.&gt;&gt; 33Vevale anamamuharaye kohoroma fukanaga oka oka keraga: &lt;&lt;Kodi ukala uzile anvaha jodja?&gt;&gt; 34Yesu ohowakulaga ira: &lt;&lt;Udja waga unawonga miyo ku irana jofuna ja wenno udirumile, vamohi no mariha mabasa udirumile liye.&gt;&gt;</div><div class="p"> 35Yesu ohowongagave eraga: &lt;&lt;Nyo muni: &lt;Vihala medi minnayi ira tempu yohanda ifiye.&gt; Miyo mbwenye nnauwandelani ira muvenyihe meswinyu, muing'ane minda. Jodja jilimo jihimala umma, tempuwa yohanda ihimala fiya.#4:35 Yesu awongaga ira: muing'ane minda. Jodja jilimo jihimala umma, awonga zela atu kaza vali liye. Ali ira atwale kalaleyiwe ira kavulusiwe, kaheliwe muUmweneni mwa Mulugu nnga jodja jinaheleliwa vatatani. 36Anamalaba anahanda anotambilra zela mabasiwa analaba atu. Eto ale anahandiwa anokana ingumi yohomala. Jejo jinalaba ira aliba zala na aliba handa, atene kaziveliwe vamohi. 37Eji jili nnga imariya ya ibaribari inawongiwetcha ira: &lt;Mutu mmohi unozala. Eto unahanda gu mutu mmohiwene.&gt; 38Miyo durumileni ira muhande jodja jejo jahazanle nyo. Afwinyu balabile, nyo eto munahanda mwemo mulabile atu.&gt;&gt;#4:38 Afwinyu balabile, nyo eto munahanda mwemo mulabile atu. Tapulela nnga Yesu na mwana muhiyanole na anamamuhara Yesu. Ora yenno kohokalawo atu pwi kakuma sidadi yenne ira kavwe mazu na mwasa wa jowonga ja muhiyanole. Ku wonga maliba lima ali mwana muhiyanole. Mbwenye afuna alaleya atu anne ali anamamuhara Yesu. Evale akuda Samariya kamuroromela Yesu, afuna ziveliwa ba atene.</div><div class="p"> 39Mwa enne aSamariya oindjiva a sidadi yenne kohomuroromela Yesu na mwasa wa jowonga ja muhiyanole, agaawandenle ira: &lt;&lt;Uhudiwandela jatene jeretcha miyo malambo a mundulrimu.&gt;&gt; 40Evale aSamariya ale kagadowile nfwanya Yesu, kohonvepaga mwa ntindi ira: &lt;&lt;Hiyo nnafuna mukale na hiyo wewuno.&gt;&gt; Evale Yesu ohokalaga wewule malambo menli. 41Mwa enne atu adjindji amohiwa kagavwile jowonga jaye, kohomuroromela. 42Mwa enne kohowongaga na muhiyanole ira: &lt;&lt;Na hiyene peno nnomuroromela. Mbwenye kannamuroromela na mwasa oira nihivwa jowonga jawo bahi, nari. Tchoira hiyo annya nagavwile jowonga jaye, nihikana ibaribari ira gu Nvulusi wa atu a ilambo ya vati.&gt;&gt;</div><div class="s1">Yesu ohomuvulumutcha mwana wa mundimuwa mmohi</div><div class="p"> 43Vagavirile malambo menli, Yesu ohovenyihana, liye dowa Galileya. 44Tchoira Yesu mwinnya ohowonga ira: &lt;&lt;Namafiyiheda kanarihediwa ilambo ya waniwa.&gt;&gt; 45Mwa enne agafiyile Galileya, akuda Galileya kohomuwatchela pama mwasiwa aliwa kohoona matikiniho aira liye tempu yali liye vapwandoni Jeruzalemu. Tchoira na aliwene kohodowaga pwandoni ule.</div><div class="p"> 46Noira eno, Yesu ohodowa akoka tatamo ya Kana, porovinsiya ya Galileya wewo wasandutchile liye mahindje kakala vinyu. Wewule wohokala mundimuwa mmohi amulaba mwene. Ndimuwole ohokana mwanaye wa mwanapongwe afwanyeya agali murenda sidadi ya Kafaranamu. 47Mwa enne ndimuwole agavwile ira: &lt;&lt;Yesu ukumile Judeya, uhufiya muGalileya muno&gt;&gt;, ohodowaga nfwanya, liye nvepa ira: &lt;&lt;Mwanaga unafwanyeya agali murenda, uhanle vang'ono ira akwe. Nnauvepani ira mudowe mwanvulumutche.&gt;&gt; 48Evale Yesu ohomuwakula, liye ira: &lt;&lt;Nyo ira mudiroromele munafuna muone jionihedo jinera miyo. Mbwenye mwahaone, kamunadiroromela.&gt;&gt; 49Vevale mundimuwole ohonvepagave eraga: &lt;&lt;Mbwiyeni, baranyani ndoweni vande mwanaga ahanakwe.&gt;&gt; 50Evale Yesu ohomuweliheda mazu, liye ira: &lt;&lt;Kadowaga. Mwanawo uhumala vulumuwa eni.&gt;&gt; Mundimuwole ohororomela mazu Yesu awongile liye. Liye venyihana, dowaga.</div><div class="p"> 51Mobaranya liye adowaga, ohagumanagana anamalabaye kamuharelaga. Evale kohomuwandela atu kwi: &lt;&lt;Mwaninyu uvulumuwa.&gt;&gt; 52Evale babaye ule ohafuka ira: &lt;&lt;Uvulumuwile ora nni?&gt;&gt; Aliwa kohowakulaga keraga: &lt;&lt;Febiri imanle nzilo pandi ya 13 ora.&gt;&gt; 53Evale mundimuwole ohoroma umbuwela ira: &lt;&lt;Na ibaribari mwanaga uvulumuwile nzilo ora imohive yawonga Yesu ira: &lt;Mwanawo uhumala vulumuwa eni.&gt; &gt;&gt; Mwa enne liye na atu a vande vaye kohoroma muroromela Yesu. 54Ila yali ionihedo yanembinli yasakanyile Yesu agakumile Judeya awelelaga Kana muwari mwa Galileya.</div>
 </div>
 </div>
</div>

AFarizewu kohovwa ira: <<Atu oindjiva anamuhara Yesu eto liye unoabatiza atu adjindji mukwaranya Juwawu>>, agali aabatiza atwale ali anamamuharaye, hiya Yesu. Mwa enne Nabwiya agaiziwile ira aFarizewu kohovwa ira liye oabatiza atu adjindji, ohovenya na anamamuharaye porovinsiya ya Judeya, aliwa dowaga porovinsiya ya Galileya. Muwari mwa ulrendo wewa, Yesu ohofuna ira avire muwari mwa porovinsiya ya Samariya.
Mwa enne kadowaga, kohofiyaga unde wa sidadi ya Sikari, muwari mwa porovinsiya ya Samariya, wandamelana munda wenno Jako anvahile liye mwanaye Joze. Vevale vohokalaga isime yatimbile Jako wanle. Kagafiyile evale, nzuwa nagali vari na vari, Yesu ohogarati wandamana vaisimeni vale mwasiwa owaheyaga na mwasa wa ulrendo wannaga atu. Anamamuharaye kohovolowaga sidadi ira kagule jodja. Yesu agahanle evale, ohozaga muhiyana mmohi eni muSamariya ira arunge mahindje vaisimeni vale. Agafiyile evale Yesu ohonvepaga ira: <<Nnavepa udivahe mahindje ira ding'we.>> Muhiyanole ohomuwakulaga ira: <<Jinawandeya avi nyo mwagali muJudewu divepa miyo mahindje dagali muSamariya?>> (Muhiyanole aza awongaga eno tchoira aJudewu kinavahana na aSamariya, nne vang'ono.)
Mwa enne Yesu ohomuwakulaga muhiyanole ira: <<Wahaiziwilege yovaha inavaha Mulugu eto wahamuiziwilege wenno unauvepa mahindje, na wenne wogonvepa eto liye ogouvaha mahindje a ingumi.>> Muhiyanole agavwile mazu anne, ohowakula ira: <<Andimuwa, mahindje a ingumi munawonga nyo ayo, munakumana waani? Tchoira isimela ihidiha eto nne nyo kamunna yorungana mahindje. Isimela atimbile ali mbwiyihu Jako, liye ng'wagavo na abalaye vamohi na jifuwo jaye. Na vanove hiyo nnang'wetcha veva. Kodi nyo mwawongaga eno, muli mundimuwa mukwaranya Jako?>>
Yesu ohomuwakula eraga: <<Atene ong'wa mahindje anna anowelela kana ntona akoka. Mbwenye mutu ang'wa mahindje nnanvaha miyo, kanawelela kana ntona akoka. Mahindje nnanvaha miyo anomukalela nnga isime yokana mahindje owenda, ananvaha ingumi yohomala.>> Evale muhiyanole ohowakulaga eraga: <<Andimuwa, divaheni mahindje anno ira dahakayena ntona akoka ira dahawelele runga mahindje vaisimeni va.>>
Yesu ohomuwandelaga muhiyanole eraga: <<Kadowa wamuitane mamunawo, muze vamohi.>> Evale muhiyanole ohowakulaga ira: <<Miyo kadinna mamunaga.>> Evale Yesu ohomuwakula ira: <<Uhuwonga pama muwari mowakula ira kunna mamunawo. Tchoira wohoteliwa na alombwana atanu. Teto mulombwana unna we peno kahi mamunawo. Iwongile we tcha ibaribari.>>
Muhiyanole ohowonga ira: <<Andimuwa, miyo nnauonani ira muli namafiyiheda. Makolo ehu a wanle kamutamalela Mulugu vamwangoni va. Mbwenye nyo aJudewu muni: <Nimburo nomutamalela Mulugu ku Jeruzalemu.> Kodi nimburo na ibaribari nomutamalela tivi?>>
Yesu ohomuwakulaga ira: <<Muhiyana we, uroromele inafuna miyo uwandela. Vasogolro atu kinamutamalelege Baba vamwangoni va, nne Jeruzalemu. Tchoira nyo aSamariya, munamutamalela nyo, kamumuizi. Mbwenye hiyo unamutamalela hiyo, nihimuiziwa. Tchoira vulusiwa unazela mwa aJudewu.
<<Inoza ifiye tempu eto eni na ibaribari ihimala fiya ira aliba mutamalela Mulugu a ibaribari kamutamalelege mwa Munemba eto mwa ibaribari. Tchoira Baba unaavenda atu ira kamutamalelege na makalelo anno. Mulugu gu munemba. Nona ule unafuna mutamalela, amutamalele muwari mwa Munemba eto na makalelo a ibaribari.>>
Evale muhiyanole ohowongaga eraga: <<Miyo dihiiziwa ira ukala Namatikeliwa unafuna za, wenno unaromoliwa na nzina na Kiristu. Liye aza, unonionelrihedamo jatene jene.>> Yesu ohomuwakula ira: <<Kiristu awongiwa gu miyene unawonga na weyo peno.>>

Kawongaga enne, anamamuharaye kohofiyaga, kakumaga sidadi. Kagafiyile, kohotikiniheyaga, kaumbuwelaga ira: <<Yesu unavenda nni awongaga na muhiyanola?>> Mwa enne eto tchanfukile yengo ili yatene.
Noira enne, muhiyanole ohiyaga munwaye vaiko vale, liye dowa musidadi, roma awandelaga atu eraga: <<Ndoweni mwamuone mulombwana uli iko wu, wenno uwongile jatene jeretcha miyo malambo a mundulrimu. Kaya kaza akala Namatikeliwa wenno unadedihiwa?>> Kagavwile mazu anne, kohogundeyaga, aliwa dowaga wewule wafwanyeya Yesu.
Vevale anamamuharaye vahanle atu vaisimeni vale, kohonvaha Yesu jodja, aliwa ira: <<Namafundjiha, jodja iji mudje.>> Mbwenye liye ohowakulaga eraga: <<Miyo dihikana jodja jaga ira didje, jejo jahaiziwile nyo.>> Vevale anamamuharaye kohoroma fukanaga oka oka keraga: <<Kodi ukala uzile anvaha jodja?>> Yesu ohowakulaga ira: <<Udja waga unawonga miyo ku irana jofuna ja wenno udirumile, vamohi no mariha mabasa udirumile liye.>>
Yesu ohowongagave eraga: <<Nyo muni: <Vihala medi minnayi ira tempu yohanda ifiye.> Miyo mbwenye nnauwandelani ira muvenyihe meswinyu, muing'ane minda. Jodja jilimo jihimala umma, tempuwa yohanda ihimala fiya. Anamalaba anahanda anotambilra zela mabasiwa analaba atu. Eto ale anahandiwa anokana ingumi yohomala. Jejo jinalaba ira aliba zala na aliba handa, atene kaziveliwe vamohi. Eji jili nnga imariya ya ibaribari inawongiwetcha ira: <Mutu mmohi unozala. Eto unahanda gu mutu mmohiwene.> Miyo durumileni ira muhande jodja jejo jahazanle nyo. Afwinyu balabile, nyo eto munahanda mwemo mulabile atu.>>
Mwa enne aSamariya oindjiva a sidadi yenne kohomuroromela Yesu na mwasa wa jowonga ja muhiyanole, agaawandenle ira: <<Uhudiwandela jatene jeretcha miyo malambo a mundulrimu.>> Evale aSamariya ale kagadowile nfwanya Yesu, kohonvepaga mwa ntindi ira: <<Hiyo nnafuna mukale na hiyo wewuno.>> Evale Yesu ohokalaga wewule malambo menli. Mwa enne atu adjindji amohiwa kagavwile jowonga jaye, kohomuroromela. Mwa enne kohowongaga na muhiyanole ira: <<Na hiyene peno nnomuroromela. Mbwenye kannamuroromela na mwasa oira nihivwa jowonga jawo bahi, nari. Tchoira hiyo annya nagavwile jowonga jaye, nihikana ibaribari ira gu Nvulusi wa atu a ilambo ya vati.>>

Vagavirile malambo menli, Yesu ohovenyihana, liye dowa Galileya. Tchoira Yesu mwinnya ohowonga ira: <<Namafiyiheda kanarihediwa ilambo ya waniwa.>> Mwa enne agafiyile Galileya, akuda Galileya kohomuwatchela pama mwasiwa aliwa kohoona matikiniho aira liye tempu yali liye vapwandoni Jeruzalemu. Tchoira na aliwene kohodowaga pwandoni ule.
Noira eno, Yesu ohodowa akoka tatamo ya Kana, porovinsiya ya Galileya wewo wasandutchile liye mahindje kakala vinyu. Wewule wohokala mundimuwa mmohi amulaba mwene. Ndimuwole ohokana mwanaye wa mwanapongwe afwanyeya agali murenda sidadi ya Kafaranamu. Mwa enne ndimuwole agavwile ira: <<Yesu ukumile Judeya, uhufiya muGalileya muno>>, ohodowaga nfwanya, liye nvepa ira: <<Mwanaga unafwanyeya agali murenda, uhanle vang'ono ira akwe. Nnauvepani ira mudowe mwanvulumutche.>> Evale Yesu ohomuwakula, liye ira: <<Nyo ira mudiroromele munafuna muone jionihedo jinera miyo. Mbwenye mwahaone, kamunadiroromela.>> Vevale mundimuwole ohonvepagave eraga: <<Mbwiyeni, baranyani ndoweni vande mwanaga ahanakwe.>> Evale Yesu ohomuweliheda mazu, liye ira: <<Kadowaga. Mwanawo uhumala vulumuwa eni.>> Mundimuwole ohororomela mazu Yesu awongile liye. Liye venyihana, dowaga.
Mobaranya liye adowaga, ohagumanagana anamalabaye kamuharelaga. Evale kohomuwandela atu kwi: <<Mwaninyu uvulumuwa.>> Evale babaye ule ohafuka ira: <<Uvulumuwile ora nni?>> Aliwa kohowakulaga keraga: <<Febiri imanle nzilo pandi ya 13 ora.>> Evale mundimuwole ohoroma umbuwela ira: <<Na ibaribari mwanaga uvulumuwile nzilo ora imohive yawonga Yesu ira: <Mwanawo uhumala vulumuwa eni.> >> Mwa enne liye na atu a vande vaye kohoroma muroromela Yesu. Ila yali ionihedo yanembinli yasakanyile Yesu agakumile Judeya awelelaga Kana muwari mwa Galileya.

Dengarkan Juwawu 4