Kutep - 1995 Edition (Drama NT)

<div class="version vid2071 iso6393kub" data-vid="2071" data-iso6393="kub">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Ira ti Sunn Risu Rukug Iwen</div><div class="p"> 1&#8220;Ame ku ri te ni kubenti, asiti unde a ku sha ti wu na sang rukug mbawen, awu a sang-wu ufu rukug mbawen be, u ru ka tso kiye iki, unde wune si unde ti riyib. 2Unde ti a ru tsa ufu rukug wu sang, awu ti si unde ti ku shi mbawen yi. 3Unde ti ku tsi kyi ufu kusog atang ku mbubta na wu ufu ko kiye titini. Mbawen yi ku fxen afxenjwin-wu. Awu ku kunn yi ti rinyi-yi u ku pu yi ruye ise. 4Kiye ti awu a pu yi ruye tag pu wu ise, awu ku ta uwe. Ayi ku putsa wu, ikyaen ti, ayi nung pu yi afxenjwin-wu. 5Ayi ku cwe-yi ti yi u putsa unde ti rikyen be. Ayi u ter wu ter ikyaen ti, ayi fxen ye-yi afxenjwin-wu be.&#8221; 6Yesu sunn na ba ira yine amaa aba nungye-ba imbyi yi be.</div><div class="s">Yesu Ukwe Asinn ti Shi</div><div class="p"> 7Ikyaen yine Yesu ri te ba baa, &#8220;Ame ku ri te ni kubenti, ame ti si ufu rukug mbawen ayi. 8Ande ti ru ba uwe-m meme-ba si ande ti riyib ama mbawen yi fxen-yi ira-ba be. 9Ame ti si ufu kusog. Unde titini ti a ru tsa uwog-m u sang uwae, awu u tu itinwangru. Awu u sang u ruye, ama u tu uwog ti irum shab pyipyipyab. 10Unde ti riyib ku ru ba ikyaen ti wu u yib iken. Awu ku wen unde. Awu ku ye iken ndembeb ndembeb ama. Ana-m ame ba ikyaen ti ande na tu unyang &#8211; unyang ti rimunn-yi.</div><div class="p"> 11&#8220;Ame ti si ukwe asinn ti ti shi. Unde ti ku nungkyi asinn nyinyang ku cwe ti wu na u cwu ikyaen iken ti shi-wu. 12Unde ti a yiyae ba, mbawen yi si-yi ana-wu be. Kiye ti awu a nung mbuku ru ku ba, awu u ter ru u ya iwen yi ta. Ama mbuku ba ku ye mbawen yi, ayi ama u ter yaen shag kyi fe kutur meme. 13Awu unde wu ku ter ru ikyaen ti, awu si unde ti a kunn wu kunn ru ba ku nde wande aser amam. Awu u sa uwae tsi-wu risu iwen yi be. 14Ame ti si ukwe asinn ti ti shi. Ame nung pu m mbawen-m ayi. Ayi ama nung pu yi ame. 15Pangma ti Itse-m nung me, ame ama nung Itse-m. Ame cwe ti m na u cwu ikyaen ti aba na nwangru. 16Mbawen-m iki ta atang ti ta-ba uwae kumbub wune be. Ame u ka pu yi ba kang. Ayi u fxen afxenjwin-m, ayi u ru ba te ayine u si kumbub kinjo, unde ti ku shi yi shi ama u si kinjo.</div><div class="p"> 17&#8220;Itse-m site ure te m ikyaen ti, ame cwe pu m ti m na u cwu. Ame cwe ikyaen ti m u tu kyi unyang-m cwucwo. 18Si-yi unde iki ti u sa ruye unyang-m be. Ame ti cwe u sa ruye wu ti kujwo-m. Ame site kuko ti m u sa ruye unyang wu, ame site kuko ti ame u sa wu kafe sang ti atang. Itse-m ti nda m kuko yine.&#8221;</div><div class="p"> 19Ira yi ti awu ri ne na itikanta sang ba kyi kutampwa na Mbayawuda cwucwo. 20Ariki yang-ba akwen uwae-ba ku ri ira risu Yesu baa, &#8220;Awu site rijwen titibi, risu-wu ka fife. Imi ti nde titawe ati ku fxen ira-wu?&#8221; 21Ama ariki ku ri baa, &#8220;Unde ti site rijwen titibi ku ri ira pangma ti unde wune ku ri ne njwaa? Kusung titibi u mbubta tu ayib ande ti mbumbub a.&#8221;</div><div class="s">Ande Ndufu Uten Shaen Ira Yesu Cwucwo</div><div class="p"> 22Ishaen upaen ba pu yi, ama Yesu kafe ba ti Urushelima ti wu na u nde ukwab na Mbayawuda ti a ku tangsom ti kiye ti a yerkob kusog Rimam. 23Usir iki awu ta kusog Rimam tiyang u ku kyang ikyin uwae ukag iki ti Ukwe Solomon mbye ren fa kusog Rimam. 24Ande ti Yawuda funn pakob wu u ku ri baa, &#8220;Afu nde rimang u ya ti ta uwae kufub? Asiti afu a si Unde wu ti Rimam Tsab Tsi, ri te ti ti paenine.&#8221;</div><div class="p"> 25Yesu ri te ba baa, &#8220;Ame ri te pu m ani ti kucang akwen, ama ani ru-ni uwae kinjo be. Wande ti ku fur ayib ti ame ku nde yi rinyi na Itse-m, ayi ti ku tatso ni itso unde ti ame si. 26Iken ti nde titawe ani ku ru-ni uwae kinjo uwog-m be si ikyaen ti, ani fa-ni uwae kumbub iwen-m be. 27Iwen-m ku fxen afxenjwin-m, ame ama nung pu m aba, aba ama ku putsa m. 28Ame ku nda ba unyang ti tsi kukunn, aba u cwu-ba cwu cwucwo be, ama unde iki ta-wu ti wu u rwae mbe ba ru uwog-m be ama. 29Itse-m, awu ti sa ba na m kujwo, awu skeb pu wu iken meme ti kuko. Ikyaen yine, unde iki ta-wu ti wu u jae mbe yi ru kujwo Itse-m be. 30Ame ti Itse-m si iken kinjo.&#8221;</div><div class="p"> 31Ti aba ande ndufu uten fxen ira yine, aba tob kyi atxom cwucwo ti a na u jwunn wu atang. 32Yesu ri te ba baa, &#8220;Itse-m nda m wande ti m na nde, ama ame nde pu m wande ti tinyang yang-yi akwen uwe-ni. Ititini uwae-yi ti ani ku sha ti ni u jwunn m atxom risu-yi?&#8221;</div><div class="p"> 33Aba ande ndufu ri te wu baa, &#8220;Ati ku jwunn-ti afu atxom ikyaen wande ti tinyang be, ati ku jwunn fu atxom yine ikyaen ti, afu ku rimbeb rinyi Rimam. Afu ti si unde, ama ku sha ti fu na u myae risu-fu ti Rimam!&#8221; 34Yesu ri te ba baa, &#8220;Uwae Kutsingken na Icwe-ni a bae atang baa, Rimam na ri te ande iki baa, &#8216;Ani si anyisu Rimam#10:34 Sae Akyang 82:6..&#8217; 35Ati nung pu ti baa, Ande ti awu ku kunn ba uwae Kutsingken-wu baa, anyisu Rimam, si ny&#225;ng ande amam. Fengo ta-yi ti Ira yine uwae Kutsingken Rimam u ka fife be. Ikyaen yine, asiti Rimam ri baa, aba ande ba ti paembe ira-wu na si anyisu Rimam, 36ame ama re? Awu Itse-m tsab ra m u tom m sang ba yi utense. Ani nde rimang titawe u ku ri-ni baa, ame na rimbeb rinyi Rimam kiye ti ame ri baa, ame na si Umbae Rimam? 37Asiti ame a ku nde-m wande Itse-m be, ni ru-ni uwae kinjo uwog-m be. 38Amaa asiti ame a ku nde wande Itse-m, ko ani a ru-ni uwae kinjo uwog-m be, ni ru uwae kinjo uwae wande ti ku tso kuko Rimam ti ame ku nde. Ani a nde ahan, ani u nungye baa, Itse-m na ta uwae-m, ame na ta uwae Itse-m ama.&#8221;</div><div class="p"> 39Kiye wune aba ku kwab ti a na u ye kyi wu cwucwo, ama awu shinwang ru kutampwa-ba.</div><div class="p"> 40Yesu nwunn ya uwog wune ta u yen uyinn ti Yordan u kafe ru ti yi uwog ti Yohana ku nde na ande batisma atang ti kucang u ru ka som atang. 41Ande yang akwen ru ba tu wu atang u ku ri baa, &#8220;Yohana nde-wu wande iki ti ku tso kuko na Rimam be, amaa meme ira ti awu ri risu unde wune si kubenti!&#8221; 42Ikyaen yine ande yang-ba ti ta atang ru uwae kinjo uwog-wu.</div>
 </div>
 </div>
</div>

“Ame ku ri te ni kubenti, asiti unde a ku sha ti wu na sang rukug mbawen, awu a sang-wu ufu rukug mbawen be, u ru ka tso kiye iki, unde wune si unde ti riyib. Unde ti a ru tsa ufu rukug wu sang, awu ti si unde ti ku shi mbawen yi. Unde ti ku tsi kyi ufu kusog atang ku mbubta na wu ufu ko kiye titini. Mbawen yi ku fxen afxenjwin-wu. Awu ku kunn yi ti rinyi-yi u ku pu yi ruye ise. Kiye ti awu a pu yi ruye tag pu wu ise, awu ku ta uwe. Ayi ku putsa wu, ikyaen ti, ayi nung pu yi afxenjwin-wu. Ayi ku cwe-yi ti yi u putsa unde ti rikyen be. Ayi u ter wu ter ikyaen ti, ayi fxen ye-yi afxenjwin-wu be.” Yesu sunn na ba ira yine amaa aba nungye-ba imbyi yi be.

Ikyaen yine Yesu ri te ba baa, “Ame ku ri te ni kubenti, ame ti si ufu rukug mbawen ayi. Ande ti ru ba uwe-m meme-ba si ande ti riyib ama mbawen yi fxen-yi ira-ba be. Ame ti si ufu kusog. Unde titini ti a ru tsa uwog-m u sang uwae, awu u tu itinwangru. Awu u sang u ruye, ama u tu uwog ti irum shab pyipyipyab. Unde ti riyib ku ru ba ikyaen ti wu u yib iken. Awu ku wen unde. Awu ku ye iken ndembeb ndembeb ama. Ana-m ame ba ikyaen ti ande na tu unyang – unyang ti rimunn-yi.
“Ame ti si ukwe asinn ti ti shi. Unde ti ku nungkyi asinn nyinyang ku cwe ti wu na u cwu ikyaen iken ti shi-wu. Unde ti a yiyae ba, mbawen yi si-yi ana-wu be. Kiye ti awu a nung mbuku ru ku ba, awu u ter ru u ya iwen yi ta. Ama mbuku ba ku ye mbawen yi, ayi ama u ter yaen shag kyi fe kutur meme. Awu unde wu ku ter ru ikyaen ti, awu si unde ti a kunn wu kunn ru ba ku nde wande aser amam. Awu u sa uwae tsi-wu risu iwen yi be. Ame ti si ukwe asinn ti ti shi. Ame nung pu m mbawen-m ayi. Ayi ama nung pu yi ame. Pangma ti Itse-m nung me, ame ama nung Itse-m. Ame cwe ti m na u cwu ikyaen ti aba na nwangru. Mbawen-m iki ta atang ti ta-ba uwae kumbub wune be. Ame u ka pu yi ba kang. Ayi u fxen afxenjwin-m, ayi u ru ba te ayine u si kumbub kinjo, unde ti ku shi yi shi ama u si kinjo.
“Itse-m site ure te m ikyaen ti, ame cwe pu m ti m na u cwu. Ame cwe ikyaen ti m u tu kyi unyang-m cwucwo. Si-yi unde iki ti u sa ruye unyang-m be. Ame ti cwe u sa ruye wu ti kujwo-m. Ame site kuko ti m u sa ruye unyang wu, ame site kuko ti ame u sa wu kafe sang ti atang. Itse-m ti nda m kuko yine.”
Ira yi ti awu ri ne na itikanta sang ba kyi kutampwa na Mbayawuda cwucwo. Ariki yang-ba akwen uwae-ba ku ri ira risu Yesu baa, “Awu site rijwen titibi, risu-wu ka fife. Imi ti nde titawe ati ku fxen ira-wu?” Ama ariki ku ri baa, “Unde ti site rijwen titibi ku ri ira pangma ti unde wune ku ri ne njwaa? Kusung titibi u mbubta tu ayib ande ti mbumbub a.”

Ishaen upaen ba pu yi, ama Yesu kafe ba ti Urushelima ti wu na u nde ukwab na Mbayawuda ti a ku tangsom ti kiye ti a yerkob kusog Rimam. Usir iki awu ta kusog Rimam tiyang u ku kyang ikyin uwae ukag iki ti Ukwe Solomon mbye ren fa kusog Rimam. Ande ti Yawuda funn pakob wu u ku ri baa, “Afu nde rimang u ya ti ta uwae kufub? Asiti afu a si Unde wu ti Rimam Tsab Tsi, ri te ti ti paenine.”
Yesu ri te ba baa, “Ame ri te pu m ani ti kucang akwen, ama ani ru-ni uwae kinjo be. Wande ti ku fur ayib ti ame ku nde yi rinyi na Itse-m, ayi ti ku tatso ni itso unde ti ame si. Iken ti nde titawe ani ku ru-ni uwae kinjo uwog-m be si ikyaen ti, ani fa-ni uwae kumbub iwen-m be. Iwen-m ku fxen afxenjwin-m, ame ama nung pu m aba, aba ama ku putsa m. Ame ku nda ba unyang ti tsi kukunn, aba u cwu-ba cwu cwucwo be, ama unde iki ta-wu ti wu u rwae mbe ba ru uwog-m be ama. Itse-m, awu ti sa ba na m kujwo, awu skeb pu wu iken meme ti kuko. Ikyaen yine, unde iki ta-wu ti wu u jae mbe yi ru kujwo Itse-m be. Ame ti Itse-m si iken kinjo.”
Ti aba ande ndufu uten fxen ira yine, aba tob kyi atxom cwucwo ti a na u jwunn wu atang. Yesu ri te ba baa, “Itse-m nda m wande ti m na nde, ama ame nde pu m wande ti tinyang yang-yi akwen uwe-ni. Ititini uwae-yi ti ani ku sha ti ni u jwunn m atxom risu-yi?”
Aba ande ndufu ri te wu baa, “Ati ku jwunn-ti afu atxom ikyaen wande ti tinyang be, ati ku jwunn fu atxom yine ikyaen ti, afu ku rimbeb rinyi Rimam. Afu ti si unde, ama ku sha ti fu na u myae risu-fu ti Rimam!” Yesu ri te ba baa, “Uwae Kutsingken na Icwe-ni a bae atang baa, Rimam na ri te ande iki baa, ‘Ani si anyisu Rimam.’ Ati nung pu ti baa, Ande ti awu ku kunn ba uwae Kutsingken-wu baa, anyisu Rimam, si nyáng ande amam. Fengo ta-yi ti Ira yine uwae Kutsingken Rimam u ka fife be. Ikyaen yine, asiti Rimam ri baa, aba ande ba ti paembe ira-wu na si anyisu Rimam, ame ama re? Awu Itse-m tsab ra m u tom m sang ba yi utense. Ani nde rimang titawe u ku ri-ni baa, ame na rimbeb rinyi Rimam kiye ti ame ri baa, ame na si Umbae Rimam? Asiti ame a ku nde-m wande Itse-m be, ni ru-ni uwae kinjo uwog-m be. Amaa asiti ame a ku nde wande Itse-m, ko ani a ru-ni uwae kinjo uwog-m be, ni ru uwae kinjo uwae wande ti ku tso kuko Rimam ti ame ku nde. Ani a nde ahan, ani u nungye baa, Itse-m na ta uwae-m, ame na ta uwae Itse-m ama.”
Kiye wune aba ku kwab ti a na u ye kyi wu cwucwo, ama awu shinwang ru kutampwa-ba.
Yesu nwunn ya uwog wune ta u yen uyinn ti Yordan u kafe ru ti yi uwog ti Yohana ku nde na ande batisma atang ti kucang u ru ka som atang. Ande yang akwen ru ba tu wu atang u ku ri baa, “Yohana nde-wu wande iki ti ku tso kuko na Rimam be, amaa meme ira ti awu ri risu unde wune si kubenti!” Ikyaen yine ande yang-ba ti ta atang ru uwae kinjo uwog-wu.

Dengarkan Yohana 10