Berom 2009 NBTT (NT) NonDrama

Berom 2009 NBTT (NT) Drama

<div class="version vid1591 iso6393bom" data-vid="1591" data-iso6393="bom">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Y&#603;su tanga begwa m&#603;</div><div class="p"> 1E&#160;bam&#226; py&#603;&#769; yemo, Y&#603;su a ky&#283; ky&#232; e&#160;sevw&#234;l Galili. A simo na a w&#596;&#769; e&#160;sevw&#234;l Yudiya&#160;w&#603;t, yaga bem&#226;t nuy&#234;l BeYuda e&#160;hwomo ba j&#257;ma na be m&#596;r&#596; h&#603;. 2E&#160;jeng&#160;o, nzem BeYuda de be t&#226;ng n&#603;, &#224; Nzem Buk n&#225; kana vey bagat. 3Yaga ano, begwa Y&#603;su ba yang &#603;, &#8220;Sogo yi e&#160;ngamo, na hwo ky&#232; v&#596;k e&#160;Yudiya, yaga na bem&#226;t raa m&#333; e&#160;hwomo be bin di py&#603;&#770; bes de hw&#243; ra. 4Vit a mwat de e&#160;ra py&#603;&#769; e&#160;l&#603;r&#603;, ka sede e&#160;simo bemat be t&#596;k &#603;. Sede remo de hw&#224; s&#233; ra py&#603;&#769; yemo, ko r&#225; y&#603;&#772; w&#603;sh&#603;r&#603;k, yaga na j&#234;y mwa ye t&#596;k py&#603;&#769;&#160;mo e&#160;ra hwo!&#8221; 5Ko begwa m&#603; ba ka t&#603;&#768; gap m&#603;n e&#160;ra y&#603;&#160;w&#603;t.</div><div class="p"> 6Y&#603;su a yang &#603;n, &#8220;Jeng de ma r&#596;da ky&#232; ya r&#596;ng&#596;l e&#160;ngyen; ko yin &#224; &#8212; kay&#603; jeng ya s&#233; a yin ryat. 7Bem&#226;t jey b&#234; t&#596;k s&#603;&#768; py&#603;&#160;w&#603;t de y&#234; t&#603;&#768; be ky&#603;&#769; &#603;n hin; ko me &#224; &#8212; ba ky&#603;&#769; &#603;n me, yaga me dopse ha a y&#603;n, tomong m&#603;n ba s&#233; ves. 8Ky&#232; in &#224; yin v&#596;k e&#160;dem nzem&#160;o. M&#234; w&#596;&#770; nzem&#160;o&#160;w&#603;t, yaga jeng hom ya r&#596;ng&#596;l e&#160;ngyen.&#8221; 9A ha ano, ko a n&#224;ra e&#160;Galili.</div><div class="s">Y&#603;su a w&#596;&#770; Nzem Buk</div><div class="p"> 10E&#160;bama de begwa m&#603; ba ga ky&#232; w&#596;&#770; nzem&#160;o, Y&#603;su a ky&#232; w&#596; e&#160;hwomo ar&#596;ng. A ky&#232; gbey-gbey&#160;w&#603;t, ko a ky&#283; l&#603;s&#603; h&#603;, yaga na bemat be bin t&#596;k &#603;&#160;w&#603;t. 11Bem&#226;t nuy&#234;l BeYuda b&#225; s&#232; j&#257;ma h&#603; e&#160;dem nzem&#160;o, ko b&#225; s&#232; ky&#283; rangs&#226;l bemat, &#8220;A w&#603;&#780;&#160;ar&#603;t?&#8221;</div><div class="p"> 12E&#160;ji regy&#603;ng bemat&#160;o, bemat behak pyak b&#225; s&#232; ha show-show e&#160;ra y&#603;; behak ba t&#275;, &#8220;A s&#233; mwat rwat&#8221;, ko behak ba t&#275;, &#8220;Wey, a s&#233; t&#603;&#768;s&#603; bemat e&#160;gwong vwes.&#8221; 13Ko vit a mwat de a simo na a ha py&#603; cak w&#603;sh&#603;r&#603;k e&#160;ra y&#603;, yaga ba wok bengyip bem&#226;t nuyel m&#603;n.</div><div class="p"> 14Jeng de ba ga gas nzem&#160;o e&#160;t&#275;, Y&#603;su a yel e&#160;lal&#226; Gb&#596;ng Duk Re Fongol, a hwo basa a bemat. 15Bem&#226;t nuy&#234;l BeYuda ba langat h&#603;n b&#225;sa m&#603;, ba t&#275;, &#8220;Mwat womo &#225; kana s&#232; e&#160;n&#603;&#770;n mw&#226;t basa hwak&#160;w&#603;t! Yi e&#160;r&#603;&#780; de a v&#596;k t&#596;&#769;k ano&#160;ar&#603;t?&#8221;</div><div class="p"> 16Y&#603;su a yang &#603;n, &#8220;Py&#603;&#769; de me basa ya yi e&#160;bare hom&#160;w&#603;t, ko ya yi na Dagwi de a tomo me. 17Kaw&#603; mwat de e&#160;simo a ra py&#603; de Dagwi e&#160;simo &#234; t&#596;k k&#603; py&#603; de me basa ya yi na Dagwi, k&#603; ma s&#233; ha h&#225; de ha yi na reto hom z&#596;ng. 18Mwat de e&#160;ha h&#225; de ha yi na reto m&#603; e&#160;dura, e&#160;simo nerey yaga t&#243; m&#603; z&#596;ng. Ko mwat de e&#160;simo na be n&#596;&#770;ng mwat de a tomo h&#603; nerey y&#603; a s&#233; ha tsak&#160;o, a s&#233; kw&#603;l&#603;ng bemat ko ty&#596;ng&#160;w&#603;t. 19A s&#233; e&#160;Mose de &#224; kana n&#596;ng in Badu&#160;w&#603;t&#160;ar&#603;t? Ko vit a hwak e&#160;ji min de e&#160;gyeng Badu&#160;mo. Yaga s&#603;&#769; de yin a s&#233; simo na yin a m&#596;r&#596; me&#160;ar&#603;t?&#8221;</div><div class="p"> 20Regy&#603;ng bemat&#160;o ba yang &#603;, &#8220;Hw&#243; lolong! E&#160;w&#224; de e&#160;simo a m&#596;r&#596; hwo&#160;ar&#603;t?&#8221;</div><div class="p"> 21Y&#603;su a yang &#603;n, &#8220;Ma kana ra py&#603; bes jining e&#160;Tuk Sh&#225;bat, ko mwa hin yin a langat hin. 22Mose &#224; kana ha a yin na yin a w&#596;&#769; a hwey e&#160;cw&#603;l tuk h&#234; rwit. Yaga ano, yin e&#160;t&#596;k w&#596;&#769; a hwey&#160;o e&#160;cw&#603;l e&#160;Tuk Sh&#225;bat mwa ar&#596;ng. (Mwin, &#224; kana s&#232; e&#160;Mose de &#224; t&#257;nga n&#596;ng in redu w&#596;&#769; e&#160;cw&#603;l&#160;w&#603;t, ko &#224; s&#232; bedabeda min de b&#224; hwo ra ano e&#160;susu&#160;mo.) 23Sede remo de be t&#596;k w&#596;&#769; a hwey e&#160;cw&#603;l e&#160;Tuk Sh&#225;bat, yaga na be kwon gyili Badu Mose&#160;w&#603;t, yaga s&#603;&#769; de yin a wok shom na me, yaga ma t&#603;&#768; mwa reb&#234;k mwat tyang e&#160;Tuk Sh&#225;bat&#160;ar&#603;t? 24Tik in n&#224; ra a bemat sh&#596;t ty&#603;ng na py&#603;&#769; de yin e&#160;b&#603;r&#603;ng na bayis z&#596;ng, ko r&#225; in y&#603;&#772; e&#160;gwong de gwa s&#233; cik.&#8221;</div><div class="s">Bemat be ra badu k&#603; Y&#603;su a s&#233; Mwat de Dagwi a kasa&#160;ar&#603;t?</div><div class="p"> 25Bem&#226;t Y&#603;rusal&#603;m behak ba ye, &#8220;A s&#233; e&#160;mwat a womo de ba s&#233; j&#257;ma na be m&#596;r&#596; h&#603;&#160;w&#603;t&#160;ar&#603;t? 26Ko di in, a s&#233; ha w&#603;sh&#603;r&#603;k, ko vit a mwat de a wunta nu na a yang &#603; py&#603; cak. Gyeng r&#596;&#780; ba ga t&#596;k, y&#603; a s&#233; Mwat de Dagwi a kasa na a sey bemat. 27Ko wot a t&#596;k, jeng de Mwat de Dagwi a kasa &#234; vey, vit a mwat de &#234; t&#596;k kw&#596;n de a yi &#603;&#768;. Ko mwat womo &#224;, wot a t&#596;k kw&#596;n de a yi &#603;&#768;.&#8221;</div><div class="p"> 28Jeng de Y&#603;su a s&#233; basa a bemat e&#160;lal&#226; Gb&#596;ng Duk Re Fongol, a gb&#596;, a ye, &#8220;Yin a s&#233; t&#275;, yin a t&#596;k me, ko yin a to t&#596;k kw&#596;n de ma yi &#603;&#768;. Ko ma vey na reto hom py&#603; hom&#160;w&#603;t. Y&#603; de a tomo me &#8212; be t&#243; yey na y&#603; ko ty&#596;ng&#160;w&#603;t. Yin a t&#596;k &#603;&#160;w&#603;t, 29ko me ma t&#596;k &#603;, yaga ma vey yi na y&#603;, a to s&#233; e&#160;y&#603; de a tomo me.&#8221;</div><div class="p"> 30Yaga ano, ba hwo j&#257;ma begwong na be vo &#603;. Ko vit a mwat de a ra &#603;, yaga jeng m&#603; ya r&#596;ng&#596;l e&#160;ngyen. 31Pyak e&#160;ji regy&#603;ng bemat&#160;o ba hwo t&#603;&#768; gap m&#603;n e&#160;ra y&#603;, ba ye, &#8220;Jeng de Mwat de Dagwi a kasa na a sey bemat &#234; vey, &#234; ra py&#603;&#770; bes de ya dal y&#234; mwat womo&#160;ar&#603;t?&#8221;</div><div class="s">Bem&#226;t nuy&#234;l BeYuda ba tomo be vo Y&#603;su</div><div class="p"> 32BeFarisi ba wok py&#603;&#769; de regy&#603;ng bemat ba ha show-show e&#160;ra Y&#603;su. Yaga ano, ba wuna bato m&#603;n na begb&#596;ng bepiris, ko ba tomo bem&#226;t gyeng Gb&#596;ng Duk Re Fongol na be w&#596;&#768; vo &#603;. 33Y&#603;su a ye, &#8220;Ma r&#596;ng&#596;l ty&#596;ng na yin e&#160;ngyen, s&#603;&#780; jeng ya vey na me ky&#232; v&#596;k na womo de a tomo me. 34Yin &#234; j&#257;ma me, ko yin &#234; s&#603;&#768; me&#160;w&#603;t; yaga yin &#234; t&#596;k w&#596;&#768; wul kw&#596;n de m&#234; s&#232; &#603;&#768;&#160;w&#603;t.&#8221;</div><div class="p"> 35Bem&#226;t nuy&#234;l BeYuda&#160;mo ba hwo y&#226;ng bem&#603;n, &#8220;Mwat womo a s&#233; ky&#232; v&#596;k e&#160;gwa de a ye, wot &#234; s&#603;&#768; &#603;&#160;w&#603;t&#160;ar&#603;t? A s&#233; ky&#232; w&#596; na bemat mot de ba shara h&#603;n e&#160;sevw&#234;l BeGirik, na a to basa a BeGirik&#160;o&#160;ar&#603;t? 36E&#160;h&#603;&#780; h&#225; a hane de a ha w&#596;g&#596;, wot &#234; j&#257;ma h&#603;, ko wot &#234; s&#603;&#768; &#603;&#160;w&#603;t, ko wot &#234; t&#596;k wul kw&#596;n de &#234; s&#232; &#603;&#768;&#160;w&#603;t&#160;ar&#603;t?&#8221;</div><div class="s">Nshi de ne n&#596;ng&#596;&#770;s bemat neken</div><div class="p"> 37E&#160;t&#251;k tal&#226; nzem&#160;o de ha dal mwa na nerey, Y&#603;su a sogo, ko a gb&#596;, a ye, &#8220;Kaw&#603; mwat de e&#160;wok y&#234;y hw&#596;sh&#596;, tik na a vey na me na a s&#596;. 38Sede remo de b&#224; j&#603;k e&#160;Bwok-basa Dagwi w&#596;g&#596;, &#8216;L&#232;l nshi de ne n&#596;ng&#596;s neken na r&#596;da nunus yi e&#160;y&#234;y kaw&#603; mwat de a t&#603;&#768; gap m&#603; e&#160;ra me!&#8217; &#8221; 39Y&#603;su a ha h&#225; hemo e&#160;ra Gabik Dagwi de mwa vemo de ba t&#603;&#768; gap m&#603;n e&#160;ra y&#603; ba r&#596;da s&#603;&#768;. E&#160;jeng&#160;o, Dagwi a r&#596;ng&#596;l n&#224; n&#596;ng Gabik&#160;o, yaga ba r&#596;ng&#596;l na n&#596;&#770;ng Y&#603;su gb&#596;ng nerey m&#603; na Dagwi e&#160;ngyen.</div><div class="s">Bemat ba gas &#603;n yaga Y&#603;su</div><div class="p"> 40Jeng de ba wok h&#225; hemo, behak e&#160;ji regy&#603;ng bemat ba ye, &#8220;Mwin, mwat womo a s&#233; zarap Dagwi de wot a s&#233; gyeng &#603;!&#8221;</div><div class="p"> 41Bemat behak ba ye, &#8220;Y&#603; a s&#233; Mwat de Dagwi a kasa na a sey bemat!&#8221;</div><div class="p">Ko behak ba ye, &#8220;Mwat de Dagwi a kasa a r&#596;da yi e&#160;Galili&#160;w&#603;t! 42B&#224; j&#603;k e&#160;Bwok-basa Dagwi w&#596;g&#596;, Mwat de Dagwi a kasa na a sey bemat a r&#596;da vey yi e&#160;yer&#234; Gb&#596;ng Gw&#596;&#768;m Davit yi e&#160;Bet-L&#603;h&#603;m, kerepomo de Davit &#224; kana s&#232; &#603;&#768;.&#8221; 43Yaga ano, bemat ba gas &#603;n yaga Y&#603;su. 44Behak e&#160;ji m&#603;n ba simo be vo &#603;, ko vit a mwat de a ra &#603;.</div><div class="s">Bem&#226;t nuy&#234;l BeYuda ba ky&#603;&#769; &#603;n n&#224; t&#603;&#768; gap m&#603;n e&#160;ra Y&#603;su</div><div class="p"> 45Bem&#226;t gyeng Gb&#596;ng Duk Re Fongol ba to &#603;n v&#596;k na begb&#596;ng bepiris tanga BeFarisi. Y&#603;n a yang &#603;n, &#8220;Yaga s&#603;&#769; de yin a vey na y&#603;&#160;w&#603;t&#160;ar&#603;t?&#8221;</div><div class="p"> 46Bem&#226;t gyeng&#160;o ba yang &#603;n, &#8220;Vit a mwat de a sang ha h&#225; na reto sede mwat womo!&#8221;</div><div class="p"> 47BeFarisi&#160;mo ba yang &#603;n, &#8220;H&#224;a! Yin ar&#596;ng, a ga kw&#603;l&#603;ng hin&#160;ar&#603;t? 48Mwat hwak a s&#603;&#769; e&#160;ji bemakuk k&#603; e&#160;ji mot BeFarisi de a ga t&#603;&#768; gap m&#603; e&#160;ra y&#603;&#160;ar&#603;t? 49A s&#233; e&#160;regy&#603;ng bemat z&#596;ng de be ra ano, vemo de ba t&#596;k Badu Mose&#160;w&#603;t; Dagwi a r&#596;da wey na y&#603;n!&#8221;</div><div class="p"> 50Gwining e&#160;ji BeFarisi&#160;mo, y&#603; &#224; Nikodemus de &#225; kana w&#596;&#769; na Y&#603;su nabwalak a yang &#603;n, 51&#8220;E&#160;r&#224; Badu mot, wot &#234; t&#596;k gang mwat na sh&#596;t sana wok h&#225; m&#603;&#160;w&#603;t, yaga na wot a t&#596;k py&#603; de a ra e&#160;ngyen.&#8221;</div><div class="p"> 52Ba yang &#603;, &#8220;Hw&#224; s&#233; mw&#226;t Galili ar&#596;ng&#160;a? B&#224;sa Bwok-basa Dagwi, ko hw&#244; di, vit a zarap Dagwi hwak de e&#160;ky&#232; vey yi e&#160;Galili.&#8221;</div><div class="m">[Bebok-basa beroso behak ba v&#596;k nelang&#160;o ne 7:53 &#8212; 8:11&#160;w&#603;t.]</div><div class="p"> 53E&#160;bama&#160;mo, kaw&#603; mwat a ky&#232; v&#596;k e&#160;l&#596; m&#603;,</div>
 </div>
 </div>
</div>

© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board New Testament originally published by © 1984 International Bible Society and Nigeria Bible Translation Trust

E bamâ pyɛ́ yemo, Yɛsu a kyě kyè e sevwêl Galili. A simo na a wɔ́ e sevwêl Yudiya wɛt, yaga bemât nuyêl BeYuda e hwomo ba jāma na be mɔrɔ hɛ. E jeng o, nzem BeYuda de be tâng nɛ, à Nzem Buk ná kana vey bagat. Yaga ano, begwa Yɛsu ba yang ɛ, “Sogo yi e ngamo, na hwo kyè vɔk e Yudiya, yaga na bemât raa mō e hwomo be bin di pyɛ̂ bes de hwó ra. Vit a mwat de e ra pyɛ́ e lɛrɛ, ka sede e simo bemat be tɔk ɛ. Sede remo de hwà sé ra pyɛ́ yemo, ko rá yɛ̄ wɛshɛrɛk, yaga na jêy mwa ye tɔk pyɛ́ mo e ra hwo!” Ko begwa mɛ ba ka tɛ̀ gap mɛn e ra yɛ wɛt.
Yɛsu a yang ɛn, “Jeng de ma rɔda kyè ya rɔngɔl e ngyen; ko yin à — kayɛ jeng ya sé a yin ryat. Bemât jey bê tɔk sɛ̀ pyɛ wɛt de yê tɛ̀ be kyɛ́ ɛn hin; ko me à — ba kyɛ́ ɛn me, yaga me dopse ha a yɛn, tomong mɛn ba sé ves. Kyè in à yin vɔk e dem nzem o. Mê wɔ̂ nzem o wɛt, yaga jeng hom ya rɔngɔl e ngyen.” A ha ano, ko a nàra e Galili.

E bama de begwa mɛ ba ga kyè wɔ̂ nzem o, Yɛsu a kyè wɔ e hwomo arɔng. A kyè gbey-gbey wɛt, ko a kyě lɛsɛ hɛ, yaga na bemat be bin tɔk ɛ wɛt. Bemât nuyêl BeYuda bá sè jāma hɛ e dem nzem o, ko bá sè kyě rangsâl bemat, “A wɛ̌ arɛt?”
E ji regyɛng bemat o, bemat behak pyak bá sè ha show-show e ra yɛ; behak ba tē, “A sé mwat rwat”, ko behak ba tē, “Wey, a sé tɛ̀sɛ bemat e gwong vwes.” Ko vit a mwat de a simo na a ha pyɛ cak wɛshɛrɛk e ra yɛ, yaga ba wok bengyip bemât nuyel mɛn.
Jeng de ba ga gas nzem o e tē, Yɛsu a yel e lalâ Gbɔng Duk Re Fongol, a hwo basa a bemat. Bemât nuyêl BeYuda ba langat hɛn bása mɛ, ba tē, “Mwat womo á kana sè e nɛ̂n mwât basa hwak wɛt! Yi e rɛ̌ de a vɔk tɔ́k ano arɛt?”
Yɛsu a yang ɛn, “Pyɛ́ de me basa ya yi e bare hom wɛt, ko ya yi na Dagwi de a tomo me. Kawɛ mwat de e simo a ra pyɛ de Dagwi e simo ê tɔk kɛ pyɛ de me basa ya yi na Dagwi, kɛ ma sé ha há de ha yi na reto hom zɔng. Mwat de e ha há de ha yi na reto mɛ e dura, e simo nerey yaga tó mɛ zɔng. Ko mwat de e simo na be nɔ̂ng mwat de a tomo hɛ nerey yɛ a sé ha tsak o, a sé kwɛlɛng bemat ko tyɔng wɛt. A sé e Mose de à kana nɔng in Badu wɛt arɛt? Ko vit a hwak e ji min de e gyeng Badu mo. Yaga sɛ́ de yin a sé simo na yin a mɔrɔ me arɛt?”
Regyɛng bemat o ba yang ɛ, “Hwó lolong! E wà de e simo a mɔrɔ hwo arɛt?”
Yɛsu a yang ɛn, “Ma kana ra pyɛ bes jining e Tuk Shábat, ko mwa hin yin a langat hin. Mose à kana ha a yin na yin a wɔ́ a hwey e cwɛl tuk hê rwit. Yaga ano, yin e tɔk wɔ́ a hwey o e cwɛl e Tuk Shábat mwa arɔng. (Mwin, à kana sè e Mose de à tānga nɔng in redu wɔ́ e cwɛl wɛt, ko à sè bedabeda min de bà hwo ra ano e susu mo.) Sede remo de be tɔk wɔ́ a hwey e cwɛl e Tuk Shábat, yaga na be kwon gyili Badu Mose wɛt, yaga sɛ́ de yin a wok shom na me, yaga ma tɛ̀ mwa rebêk mwat tyang e Tuk Shábat arɛt? Tik in nà ra a bemat shɔt tyɛng na pyɛ́ de yin e bɛrɛng na bayis zɔng, ko rá in yɛ̄ e gwong de gwa sé cik.”

Bemât Yɛrusalɛm behak ba ye, “A sé e mwat a womo de ba sé jāma na be mɔrɔ hɛ wɛt arɛt? Ko di in, a sé ha wɛshɛrɛk, ko vit a mwat de a wunta nu na a yang ɛ pyɛ cak. Gyeng rɔ̌ ba ga tɔk, yɛ a sé Mwat de Dagwi a kasa na a sey bemat. Ko wot a tɔk, jeng de Mwat de Dagwi a kasa ê vey, vit a mwat de ê tɔk kwɔn de a yi ɛ̀. Ko mwat womo à, wot a tɔk kwɔn de a yi ɛ̀.”
Jeng de Yɛsu a sé basa a bemat e lalâ Gbɔng Duk Re Fongol, a gbɔ, a ye, “Yin a sé tē, yin a tɔk me, ko yin a to tɔk kwɔn de ma yi ɛ̀. Ko ma vey na reto hom pyɛ hom wɛt. Yɛ de a tomo me — be tó yey na yɛ ko tyɔng wɛt. Yin a tɔk ɛ wɛt, ko me ma tɔk ɛ, yaga ma vey yi na yɛ, a to sé e yɛ de a tomo me.”
Yaga ano, ba hwo jāma begwong na be vo ɛ. Ko vit a mwat de a ra ɛ, yaga jeng mɛ ya rɔngɔl e ngyen. Pyak e ji regyɛng bemat o ba hwo tɛ̀ gap mɛn e ra yɛ, ba ye, “Jeng de Mwat de Dagwi a kasa na a sey bemat ê vey, ê ra pyɛ̂ bes de ya dal yê mwat womo arɛt?”

BeFarisi ba wok pyɛ́ de regyɛng bemat ba ha show-show e ra Yɛsu. Yaga ano, ba wuna bato mɛn na begbɔng bepiris, ko ba tomo bemât gyeng Gbɔng Duk Re Fongol na be wɔ̀ vo ɛ. Yɛsu a ye, “Ma rɔngɔl tyɔng na yin e ngyen, sɛ̌ jeng ya vey na me kyè vɔk na womo de a tomo me. Yin ê jāma me, ko yin ê sɛ̀ me wɛt; yaga yin ê tɔk wɔ̀ wul kwɔn de mê sè ɛ̀ wɛt.”
Bemât nuyêl BeYuda mo ba hwo yâng bemɛn, “Mwat womo a sé kyè vɔk e gwa de a ye, wot ê sɛ̀ ɛ wɛt arɛt? A sé kyè wɔ na bemat mot de ba shara hɛn e sevwêl BeGirik, na a to basa a BeGirik o arɛt? E hɛ̌ há a hane de a ha wɔgɔ, wot ê jāma hɛ, ko wot ê sɛ̀ ɛ wɛt, ko wot ê tɔk wul kwɔn de ê sè ɛ̀ wɛt arɛt?”

E tûk talâ nzem o de ha dal mwa na nerey, Yɛsu a sogo, ko a gbɔ, a ye, “Kawɛ mwat de e wok yêy hwɔshɔ, tik na a vey na me na a sɔ. Sede remo de bà jɛk e Bwok-basa Dagwi wɔgɔ, ‘Lèl nshi de ne nɔngɔs neken na rɔda nunus yi e yêy kawɛ mwat de a tɛ̀ gap mɛ e ra me!’ ” Yɛsu a ha há hemo e ra Gabik Dagwi de mwa vemo de ba tɛ̀ gap mɛn e ra yɛ ba rɔda sɛ̀. E jeng o, Dagwi a rɔngɔl nà nɔng Gabik o, yaga ba rɔngɔl na nɔ̂ng Yɛsu gbɔng nerey mɛ na Dagwi e ngyen.

Jeng de ba wok há hemo, behak e ji regyɛng bemat ba ye, “Mwin, mwat womo a sé zarap Dagwi de wot a sé gyeng ɛ!”
Bemat behak ba ye, “Yɛ a sé Mwat de Dagwi a kasa na a sey bemat!”
Ko behak ba ye, “Mwat de Dagwi a kasa a rɔda yi e Galili wɛt! Bà jɛk e Bwok-basa Dagwi wɔgɔ, Mwat de Dagwi a kasa na a sey bemat a rɔda vey yi e yerê Gbɔng Gwɔ̀m Davit yi e Bet-Lɛhɛm, kerepomo de Davit à kana sè ɛ̀.” Yaga ano, bemat ba gas ɛn yaga Yɛsu. Behak e ji mɛn ba simo be vo ɛ, ko vit a mwat de a ra ɛ.

Bemât gyeng Gbɔng Duk Re Fongol ba to ɛn vɔk na begbɔng bepiris tanga BeFarisi. Yɛn a yang ɛn, “Yaga sɛ́ de yin a vey na yɛ wɛt arɛt?”
Bemât gyeng o ba yang ɛn, “Vit a mwat de a sang ha há na reto sede mwat womo!”
BeFarisi mo ba yang ɛn, “Hàa! Yin arɔng, a ga kwɛlɛng hin arɛt? Mwat hwak a sɛ́ e ji bemakuk kɛ e ji mot BeFarisi de a ga tɛ̀ gap mɛ e ra yɛ arɛt? A sé e regyɛng bemat zɔng de be ra ano, vemo de ba tɔk Badu Mose wɛt; Dagwi a rɔda wey na yɛn!”
Gwining e ji BeFarisi mo, yɛ à Nikodemus de á kana wɔ́ na Yɛsu nabwalak a yang ɛn, “E rà Badu mot, wot ê tɔk gang mwat na shɔt sana wok há mɛ wɛt, yaga na wot a tɔk pyɛ de a ra e ngyen.”
Ba yang ɛ, “Hwà sé mwât Galili arɔng a? Bàsa Bwok-basa Dagwi, ko hwô di, vit a zarap Dagwi hwak de e kyè vey yi e Galili.”
[Bebok-basa beroso behak ba vɔk nelang o ne 7:53 — 8:11 wɛt.]
E bama mo, kawɛ mwat a kyè vɔk e lɔ mɛ,

Dengarkan Yohana 7