Uisneno In Kabin ma Prenat: Rais Manba'an Fe'u nok Reta' Ahun-hunut

<div class="version vid1320 iso6393aaz" data-vid="1320" data-iso6393="aaz">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s1">Usif Yesus nareko&#42892; aforot tuaf es</div><div class="p"> 1Rarit Nai&#42892; Yesus sin annaon nkonon. In nkius niit aforot es, re&#42892; nfoor nain na&#42892;ko oras nahoins ee. 2Rarit Nai&#42892; Yesus In atoup noin&#42892; ein nataan Ee mnak, &#8220;Aam Tungguru! Sekau es re&#42892; anmoe&#42892; sanat, tar antea atoni&#42892; ia nfoor on nai? Natuin in kuun aa oo, ai&#42892; natuin in ainaf-amaf?&#8221;</div><div class="p"> 3Nai&#42892; Yesus nataah am nak, &#8220;Atoin aforot ia, ka nsaan fa. Ma in ainaf-amaf ka nmo&#42892;en fa sanat amsa&#42892; tar antea in nfoor. Nahoins ee te on re&#42892; naan, he mansian ii bisa nkius ma nahiin nak Uisneno In nareok&#42892; ee. 4Uisneno es re&#42892; anhaefan Kau. Onaim hit ro tmeup ma&#42892;tani&#42892; he tanaob In mepu oras me&#42892;u fe&#42892;. Fin oras meis&#42892;ookn ii neem, atoni&#42892; ka bisa nmeup fa goen. 5Oras Au &#42892;bi pah-pinan ia fe&#42892;, Au on re&#42892; me&#42892;u re&#42892; &#42892;tana&#42892; mansian ii ok-oke&#42892;.&#8221;#Nai&#42892; Mateos 5:14, Nai&#42892; Yohanis 8:12</div><div class="p"> 6Nai&#42892; Yesus na&#42892;uab anrair on naan ate, In naroon anbi afu. Rarit In ntook ma na&#42892;ruri&#42892;, he nsero&#42892; hape ma afu njari krofo&#42892;. Rarit In nhose&#42892; krofo&#42892; naan anbi atoin aforot naan in matan. 7Onaim In nrenu mnak, &#8220;Amnao meu nifu Siloam, he mumeu ho humam ambi naan.&#8221; (Anbi uab Ibrani, Siloam naan in oten nak, &#8216;soun ee neem&#8217;.) Rarit atoin aforot naan annao neu bare naan, ma in nameu in human. Oras in anfain neem, in bisa nkius niit een!#Reta&#42892; Ahun-hunut 49:10, 2 Uisf ein sin Reta&#42892; 20:20, Nai&#42892; Yesaya 8:6</div><div class="p"> 8Rarit atoni&#42892; naan in aok-bian sin re&#42892; sin uimn ein anmatai-&#42892;turun re&#42892; nkius niit ee, in biasa ntoit saa&#42892;-saa&#42892;, nmurai nmaktaan ein am nak, &#8220;Hoe! Tuaf re&#42892; ia, atoin aforot re&#42892; fe&#42892; ia te, ntook ma antot-toit saa&#42892;-saa&#42892; ii, ai&#42892;?&#8221;</div><div class="p"> 9Tuaf bian nak, &#8220;Batuur, in es re&#42892; ia!&#8221;</div><div class="p">Bian nak, &#8220;Kahaf! In re&#42892; naan, suma humaf mese&#42892; on re&#42892; atoni&#42892; naan!&#8221;</div><div class="p">Mes atoni&#42892; naan in neikn on es natonan sin im nak, &#8220;Kahaf! Au re&#42892; ia, es re&#42892; unu&#42892; te aforot naan!&#8221;</div><div class="p"> 10Rarit sin nataan ee mnak, &#8220;On mee m&#42892;es ho bisa mkius?&#8221;</div><div class="p"> 11Onaim in nataah am nak, &#8220;On nai! Atoni&#42892; re&#42892; kaan ee, Nai&#42892; Yesus naan, ansero&#42892; hape ma afu njari krofo&#42892;, rarit In nhose&#42892; nbi au maatk ein. Rarit In nreun kau mnak, &#8216;Amnao meu nifu Siloam, he mumeu ho humam ambi naan.&#8217; Au &#42892;moe&#42892; utuin. Es naan ate, oras ia au bisa &#42892;kius &#42892;iit een!&#8221;</div><div class="p"> 12Rarit sin nataan ee mnak, &#8220;Atoni&#42892; naan et mee?&#8221;</div><div class="p">In nataah am nak, &#8220;Muhiin!&#8221;</div><div class="s1">Atoin Farisis sin naprikas atoni&#42892; re&#42892; anfoor niit aan</div><div class="p"> 13-14Neno naan, oras Nai&#42892; Yesus ansero&#42892; hape nok afu njari krofo&#42892;, ma nareko&#42892; aforot naan bisa nkius niit, oras naan nateef nok atoin Yahudis sin neno snasat. Onaim sin nnao naat atoni&#42892; re&#42892; nfoor niit aan, he nnao n&#42892;ain neu partei pirsait Farisis sin. 15Rarit atoin Farisis sin nataan ee mnak, &#8220;Ho mutoon miit! Nansaa&#42892; am es oras ia ho bisa mkius?&#8221;</div><div class="p">In nataah am nak, &#8220;On nai. Atoni&#42892; naan antao krofo&#42892; nbi au maatk ein. Rarit au &#42892;nao umeu au humak. Onaim oras ia, au bisa &#42892;kius &#42892;iit.&#8221;</div><div class="p"> 16Anmui&#42892; atoin Farisis bian nak, &#8220;Atoni&#42892; re&#42892; nareko&#42892; ko naan, ka na&#42892;ko fa Uisneno. Hai mihiin, natuin In ntanhai atoran anmatoom nok neno snasat.&#8221;</div><div class="p">Anmui&#42892; tuaf bian antein nak, &#8220;On mee m&#42892;es atoin asanat bisa nmoe&#42892; rais sanmakat on re&#42892; naan?&#8221; Rarit sin anmatoen nmafaink ein tar anbo&#42892;-baits ok.</div><div class="p"> 17Rarit sin nataan nafani&#42892; atoni&#42892; re&#42892; unu&#42892; te nfoor naan am nak, &#8220;Natuin ho, Tuaf re&#42892; nfei naan ho maatm ein naan, atoni&#42892; human on mee?&#8221;</div><div class="p">In nataah am nak, &#8220;Natuin au te, In re&#42892; naan Uisneno In mafefa kniun es, tua.&#8221;</div><div class="p"> 18Mes atoin Yahudis sin a&#42892;naet ma kaes kou&#42892;n ein ka npirsain fa nak, atoni&#42892; naan, anfoor niit, rarit oras ia bisa nkius. Onaim sin nreun he nnao npeo&#42892; in ainaf-amaf he neman n&#42892;ain sin. 19Oras sin neem anrarin, a&#42892;naet ein nataan sin im nak, &#8220;In re&#42892; ia, hi aanh, aa oo? Batuur, ai&#42892; kahaf, in nfoor nain na&#42892;ko oras hi mihoins ee? Rarit on mee m&#42892;es oras ia in bisa nkius.&#8221;</div><div class="p"> 20Atoni&#42892; naan in ainaf-amaf natahan am nak, &#8220;In re&#42892; ia, batuur hai anah. Ma in nfoor nain na&#42892;ko oras hai mihoins ee. 21Mes hai ka mihiin fa, in npaek saa&#42892;, es oras ia in bisa nkius. Sekau es anfei in matan, hai msa&#42892; ka mihiin fa, tua. In na&#42892;nae nrair. Mitaan kiim ee, tua, fin in bisa ntoin ma nataah kuun, tua!&#8221; 22Sin na&#42892;uab ein on re&#42892; naan, natuin sin namtausan atoin Yahudis sin a&#42892;naet ein. Natuin sin nahinin nak, a&#42892;naet ein naan anma&#42892;akoran am nak, &#8220;Karu nmui&#42892; tuaf anmanaku&#42892; mnak, Nai&#42892; Yesus naan, es re&#42892; Kristus, hai ro he mriu&#42892; mipoitan tuaf naan na&#42892;ko hit atoin Yahudis hit uim onen.&#8221; 23Es naan ate, atoni&#42892; naan in ainaf-amaf nataah am nak, &#8220;In na&#42892;nae nrair. Mitaan kiim ee, tua.&#8221;</div><div class="p"> 24Rarit sin nhaman atoni&#42892; re&#42892; unu&#42892; te nfoor naan. Onaim sin nak, &#8220;On nai. Ho ro he mu&#42892;uab namneo goah ambi Uisneno In human, he mpanat In kaan foo menin. Fin hai mihiin batuur, Nai&#42892; Yesus naan, atoin maufinu.&#8221;</div><div class="p"> 25Atoni&#42892; re&#42892; nfoor niit naan nataah am nak, &#8220;Au &#42892;baiseun ki, ama&#42892; sin. Reko te kais mitoo&#42892;, tua! Fin au ka uhiin fa karu In re&#42892; naan, atoin maufinu, ai&#42892; kaah. Re&#42892; au uhiin je batuur-batuur ii, es re&#42892; unu&#42892; te au &#42892;foor; mes oras ia au bisa &#42892;kius kuuk een.&#8221;</div><div class="p"> 26Sin nataan ee mnak, &#8220;Te In nmoe&#42892; saa&#42892; neu ko? In anfei ho maatm ein on mee?&#8221;</div><div class="p"> 27Onaim In nataah am nak, &#8220;Fe&#42892;e na au utoon a&#42892;rair, mes hi ka mroim fa he mneen. Nansaa&#42892; am es hi mroim he au utoon a&#42892;tein? Oni&#42892; ama&#42892; ki arki msa&#42892; mroim he mjair in atoup noin&#42892; ein, ai&#42892;?&#8221;</div><div class="p"> 28Rarit sin naseuk ee, onaim sin nak, &#8220;Maut he ho es re&#42892; mjair In atoup noni&#42892;! Fin hai re&#42892; ia, ka&#42892;o Musa in atoup noin&#42892; ein. 29Hai mihiin Uisneno na&#42892;uab nok ka&#42892;o Musa. Mes hai ka mihiin fa Atoni&#42892; naan, In amneemn ii na&#42892;ko &#42892;nu&#42892;uf mee.&#8221;</div><div class="p"> 30Atoni&#42892; re&#42892; unu&#42892; te nfoor naan nataah am nak, &#8220;Au &#42892;sanmaak kuuk, tua! Hi ka mihiin fa In amneemn ii na&#42892;ko mee. Te kaah, In es re&#42892; nfei au maatk ein, es naan ate, oras ia au bisa &#42892;kius. 31Hit tahiin ok-oke&#42892; tak, Uisneno ka nneen ma natniin fa atoin maufinu, ai&#42892;? Mes Uisneno nneen ma natniin atoin neek amneot re&#42892; nmoin natuin In romin.#Siit Pures-Bo&#42892;is sin 66:18,19 32Anmurai na&#42892;ko Uisneno nmoe&#42892; pah-pinan ma neon goe tunan tar antea oras ia, ka nmui&#42892; fa reta&#42892; es amsa&#42892;, re&#42892; anmatoom nok tuaf re&#42892; nareko&#42892; atoni&#42892; re&#42892; nfoor na&#42892;ko oras nahoins ee, he in bisa nkius. 33Onaim karu Nai&#42892; Yesus ka na&#42892;ko fa Uisneno, In ka bisa nmoe&#42892; fa saa&#42892;-saa&#42892;, ai&#42892;?&#8221;</div><div class="p"> 34Onaim sin natahan am nak, &#8220;Hoe! Ho re&#42892; ia, atoin maufinu na&#42892;ko oras ho aina&#42892; nahonis naan ko! On mee m&#42892;es ho bisa mutenab mak, ho bisa munoni&#42892; mufani&#42892; kai?&#8221; Rarit sin nriu&#42892; napoitan atoni&#42892; naan na&#42892;ko sin uim onen.</div><div class="s1">Atoni&#42892; re&#42892; neekn ee nfoor</div><div class="p"> 35Oras Nai&#42892; Yesus anneen nak sin nri&#42892;u nrair atoni&#42892; re&#42892; nfoor niit aan na&#42892;ko uim onen, In nnao naim atoni&#42892; naan, tar napein je. Rarit In nak, &#8220;On mee! Ho mpirsai Mansian Batuur-Batuur, aa oo?&#8221;</div><div class="p"> 36In nataan am nak, &#8220;Te In re&#42892; naan, sekau, tua? Mutoon kau fe&#42892;, maut he au bisa &#42892;pirsai Je, tua.&#8221;</div><div class="p"> 37Nai&#42892; Yesus natoon ee mnak, &#8220;Ho muteef amrair Je. In re&#42892; naan, es re&#42892; Au, re&#42892; oras ia na&#42892;uab nok ko.&#8221;</div><div class="p"> 38Rarit atoni&#42892; naan nak, &#8220;Usi&#42892;, au &#42892;pirsai, tua!&#8221; Onaim In nri&#42892;tuu he na&#42892;besan neu Nai&#42892; Yesus.</div><div class="p"> 39Rarit Nai&#42892; Yesus natoon ee mnak, &#8220;Au &#42892;uum a&#42892;bi pah-pinan ia he ururu&#42892; ma ukrira&#42892; mansian ii sin sanat ma penu sin, maut he aforot bisa nkius, ma maat meu&#42892; gui bisa nfoor.&#8221;</div><div class="p"> 40Anbi bare naan, anmui&#42892; atoin Farisis tuaf fauk re&#42892; nneen In uab naan. Onaim sin natanan am nak, &#8220;On mee es re&#42892; ia? Hai maatm ein mera&#42892;-mera&#42892;. Hai ka mfoor fa, tua!&#8221;</div><div class="p"> 41Nai&#42892; Yesus nataah am nak, &#8220;On nai. Karu batuur hi mfoor, es ka nasaan ki fa. Mes hi mak, hi re&#42892; naan, atoin maat a&#42892;mera&#42892;. Es naan ate, hi misaah ma mroi hi sanat fe&#42892;.&#8221;</div>
 </div>
 </div>
</div>

Rarit Naiꞌ Yesus sin annaon nkonon. In nkius niit aforot es, reꞌ nfoor nain naꞌko oras nahoins ee. Rarit Naiꞌ Yesus In atoup noinꞌ ein nataan Ee mnak, “Aam Tungguru! Sekau es reꞌ anmoeꞌ sanat, tar antea atoniꞌ ia nfoor on nai? Natuin in kuun aa oo, aiꞌ natuin in ainaf-amaf?”
Naiꞌ Yesus nataah am nak, “Atoin aforot ia, ka nsaan fa. Ma in ainaf-amaf ka nmoꞌen fa sanat amsaꞌ tar antea in nfoor. Nahoins ee te on reꞌ naan, he mansian ii bisa nkius ma nahiin nak Uisneno In nareokꞌ ee. Uisneno es reꞌ anhaefan Kau. Onaim hit ro tmeup maꞌtaniꞌ he tanaob In mepu oras meꞌu feꞌ. Fin oras meisꞌookn ii neem, atoniꞌ ka bisa nmeup fa goen. Oras Au ꞌbi pah-pinan ia feꞌ, Au on reꞌ meꞌu reꞌ ꞌtanaꞌ mansian ii ok-okeꞌ.”
Naiꞌ Yesus naꞌuab anrair on naan ate, In naroon anbi afu. Rarit In ntook ma naꞌruriꞌ, he nseroꞌ hape ma afu njari krofoꞌ. Rarit In nhoseꞌ krofoꞌ naan anbi atoin aforot naan in matan. Onaim In nrenu mnak, “Amnao meu nifu Siloam, he mumeu ho humam ambi naan.” (Anbi uab Ibrani, Siloam naan in oten nak, ‘soun ee neem’.) Rarit atoin aforot naan annao neu bare naan, ma in nameu in human. Oras in anfain neem, in bisa nkius niit een!
Rarit atoniꞌ naan in aok-bian sin reꞌ sin uimn ein anmatai-ꞌturun reꞌ nkius niit ee, in biasa ntoit saaꞌ-saaꞌ, nmurai nmaktaan ein am nak, “Hoe! Tuaf reꞌ ia, atoin aforot reꞌ feꞌ ia te, ntook ma antot-toit saaꞌ-saaꞌ ii, aiꞌ?”
Tuaf bian nak, “Batuur, in es reꞌ ia!”
Bian nak, “Kahaf! In reꞌ naan, suma humaf meseꞌ on reꞌ atoniꞌ naan!”
Mes atoniꞌ naan in neikn on es natonan sin im nak, “Kahaf! Au reꞌ ia, es reꞌ unuꞌ te aforot naan!”
Rarit sin nataan ee mnak, “On mee mꞌes ho bisa mkius?”
Onaim in nataah am nak, “On nai! Atoniꞌ reꞌ kaan ee, Naiꞌ Yesus naan, anseroꞌ hape ma afu njari krofoꞌ, rarit In nhoseꞌ nbi au maatk ein. Rarit In nreun kau mnak, ‘Amnao meu nifu Siloam, he mumeu ho humam ambi naan.’ Au ꞌmoeꞌ utuin. Es naan ate, oras ia au bisa ꞌkius ꞌiit een!”
Rarit sin nataan ee mnak, “Atoniꞌ naan et mee?”
In nataah am nak, “Muhiin!”

Neno naan, oras Naiꞌ Yesus anseroꞌ hape nok afu njari krofoꞌ, ma narekoꞌ aforot naan bisa nkius niit, oras naan nateef nok atoin Yahudis sin neno snasat. Onaim sin nnao naat atoniꞌ reꞌ nfoor niit aan, he nnao nꞌain neu partei pirsait Farisis sin. Rarit atoin Farisis sin nataan ee mnak, “Ho mutoon miit! Nansaaꞌ am es oras ia ho bisa mkius?”
In nataah am nak, “On nai. Atoniꞌ naan antao krofoꞌ nbi au maatk ein. Rarit au ꞌnao umeu au humak. Onaim oras ia, au bisa ꞌkius ꞌiit.”
Anmuiꞌ atoin Farisis bian nak, “Atoniꞌ reꞌ narekoꞌ ko naan, ka naꞌko fa Uisneno. Hai mihiin, natuin In ntanhai atoran anmatoom nok neno snasat.”
Anmuiꞌ tuaf bian antein nak, “On mee mꞌes atoin asanat bisa nmoeꞌ rais sanmakat on reꞌ naan?” Rarit sin anmatoen nmafaink ein tar anboꞌ-baits ok.
Rarit sin nataan nafaniꞌ atoniꞌ reꞌ unuꞌ te nfoor naan am nak, “Natuin ho, Tuaf reꞌ nfei naan ho maatm ein naan, atoniꞌ human on mee?”
In nataah am nak, “Natuin au te, In reꞌ naan Uisneno In mafefa kniun es, tua.”
Mes atoin Yahudis sin aꞌnaet ma kaes kouꞌn ein ka npirsain fa nak, atoniꞌ naan, anfoor niit, rarit oras ia bisa nkius. Onaim sin nreun he nnao npeoꞌ in ainaf-amaf he neman nꞌain sin. Oras sin neem anrarin, aꞌnaet ein nataan sin im nak, “In reꞌ ia, hi aanh, aa oo? Batuur, aiꞌ kahaf, in nfoor nain naꞌko oras hi mihoins ee? Rarit on mee mꞌes oras ia in bisa nkius.”
Atoniꞌ naan in ainaf-amaf natahan am nak, “In reꞌ ia, batuur hai anah. Ma in nfoor nain naꞌko oras hai mihoins ee. Mes hai ka mihiin fa, in npaek saaꞌ, es oras ia in bisa nkius. Sekau es anfei in matan, hai msaꞌ ka mihiin fa, tua. In naꞌnae nrair. Mitaan kiim ee, tua, fin in bisa ntoin ma nataah kuun, tua!” Sin naꞌuab ein on reꞌ naan, natuin sin namtausan atoin Yahudis sin aꞌnaet ein. Natuin sin nahinin nak, aꞌnaet ein naan anmaꞌakoran am nak, “Karu nmuiꞌ tuaf anmanakuꞌ mnak, Naiꞌ Yesus naan, es reꞌ Kristus, hai ro he mriuꞌ mipoitan tuaf naan naꞌko hit atoin Yahudis hit uim onen.” Es naan ate, atoniꞌ naan in ainaf-amaf nataah am nak, “In naꞌnae nrair. Mitaan kiim ee, tua.”
Rarit sin nhaman atoniꞌ reꞌ unuꞌ te nfoor naan. Onaim sin nak, “On nai. Ho ro he muꞌuab namneo goah ambi Uisneno In human, he mpanat In kaan foo menin. Fin hai mihiin batuur, Naiꞌ Yesus naan, atoin maufinu.”
Atoniꞌ reꞌ nfoor niit naan nataah am nak, “Au ꞌbaiseun ki, amaꞌ sin. Reko te kais mitooꞌ, tua! Fin au ka uhiin fa karu In reꞌ naan, atoin maufinu, aiꞌ kaah. Reꞌ au uhiin je batuur-batuur ii, es reꞌ unuꞌ te au ꞌfoor; mes oras ia au bisa ꞌkius kuuk een.”
Sin nataan ee mnak, “Te In nmoeꞌ saaꞌ neu ko? In anfei ho maatm ein on mee?”
Onaim In nataah am nak, “Feꞌe na au utoon aꞌrair, mes hi ka mroim fa he mneen. Nansaaꞌ am es hi mroim he au utoon aꞌtein? Oniꞌ amaꞌ ki arki msaꞌ mroim he mjair in atoup noinꞌ ein, aiꞌ?”
Rarit sin naseuk ee, onaim sin nak, “Maut he ho es reꞌ mjair In atoup noniꞌ! Fin hai reꞌ ia, kaꞌo Musa in atoup noinꞌ ein. Hai mihiin Uisneno naꞌuab nok kaꞌo Musa. Mes hai ka mihiin fa Atoniꞌ naan, In amneemn ii naꞌko ꞌnuꞌuf mee.”
Atoniꞌ reꞌ unuꞌ te nfoor naan nataah am nak, “Au ꞌsanmaak kuuk, tua! Hi ka mihiin fa In amneemn ii naꞌko mee. Te kaah, In es reꞌ nfei au maatk ein, es naan ate, oras ia au bisa ꞌkius. Hit tahiin ok-okeꞌ tak, Uisneno ka nneen ma natniin fa atoin maufinu, aiꞌ? Mes Uisneno nneen ma natniin atoin neek amneot reꞌ nmoin natuin In romin. Anmurai naꞌko Uisneno nmoeꞌ pah-pinan ma neon goe tunan tar antea oras ia, ka nmuiꞌ fa retaꞌ es amsaꞌ, reꞌ anmatoom nok tuaf reꞌ narekoꞌ atoniꞌ reꞌ nfoor naꞌko oras nahoins ee, he in bisa nkius. Onaim karu Naiꞌ Yesus ka naꞌko fa Uisneno, In ka bisa nmoeꞌ fa saaꞌ-saaꞌ, aiꞌ?”
Onaim sin natahan am nak, “Hoe! Ho reꞌ ia, atoin maufinu naꞌko oras ho ainaꞌ nahonis naan ko! On mee mꞌes ho bisa mutenab mak, ho bisa munoniꞌ mufaniꞌ kai?” Rarit sin nriuꞌ napoitan atoniꞌ naan naꞌko sin uim onen.

Oras Naiꞌ Yesus anneen nak sin nriꞌu nrair atoniꞌ reꞌ nfoor niit aan naꞌko uim onen, In nnao naim atoniꞌ naan, tar napein je. Rarit In nak, “On mee! Ho mpirsai Mansian Batuur-Batuur, aa oo?”
In nataan am nak, “Te In reꞌ naan, sekau, tua? Mutoon kau feꞌ, maut he au bisa ꞌpirsai Je, tua.”
Naiꞌ Yesus natoon ee mnak, “Ho muteef amrair Je. In reꞌ naan, es reꞌ Au, reꞌ oras ia naꞌuab nok ko.”
Rarit atoniꞌ naan nak, “Usiꞌ, au ꞌpirsai, tua!” Onaim In nriꞌtuu he naꞌbesan neu Naiꞌ Yesus.
Rarit Naiꞌ Yesus natoon ee mnak, “Au ꞌuum aꞌbi pah-pinan ia he ururuꞌ ma ukriraꞌ mansian ii sin sanat ma penu sin, maut he aforot bisa nkius, ma maat meuꞌ gui bisa nfoor.”
Anbi bare naan, anmuiꞌ atoin Farisis tuaf fauk reꞌ nneen In uab naan. Onaim sin natanan am nak, “On mee es reꞌ ia? Hai maatm ein meraꞌ-meraꞌ. Hai ka mfoor fa, tua!”
Naiꞌ Yesus nataah am nak, “On nai. Karu batuur hi mfoor, es ka nasaan ki fa. Mes hi mak, hi reꞌ naan, atoin maat aꞌmeraꞌ. Es naan ate, hi misaah ma mroi hi sanat feꞌ.”

Dengarkan Naiꞌ Yohanis 9