Quechua, Huallaga - WBT Version (NT) Drama

<div class="version vid1088 iso6393qub" data-vid="1088" data-iso6393="qub">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s1">Jesusta c&#252;racuna tapushan</div><div class="r">(Mat. 21.23-27; Mar. 11.27-33)</div><div class="p"> 1Juc junaj Tayta Diospa alli willacuyninta Templucho Jes&#250;s yachayc&#228;chiptin chayaran mandaj c&#252;racuna, lay yachachejcuna y mayur runacunapis. 2Chayayc&#228;rir tapuran: &#171;&#191;Pitaj cachamusha-cashunqui chaycunata ruranayquip&#228;ga? &#191;Pipa munayninwantaj imacunatapis ruraycanqui?&#187; nir.</div><div class="p"> 3Chayno tapuptin Jesuspis niran: &#171;Gamcunatapis m&#228; tapushayqui. Tapush&#228;ta ichanga willamay: 4Juantaga bautisananpaj &#191;pitaj cachamuran: Tayta Dioschu u runallachu?&#187;</div><div class="p"> 5Chaura quiquin-pura ninacuran: &#171; &#8249;Diosmi cachamusha&#8250; nishaga &#8249;&#191;Imanirtaj payta mana riguirayquichu?&#8250; nim&#228;shunmi. 6&#8249;Runallami cachamusha&#8250; nishaga llapan runacunami sajmayc&#228;llar wa&#241;uchim&#228;shun. Llapanmi yarpan Juanga prof&#235;ta cashanta.&#187; 7Chaymi Jesusta niran: &#171;Manami musy&#228;cunachu p&#239; cachamushantapis&#187; nir.</div><div class="p"> 8Chaura Jesuspis niran: &#171;Nogapis manami willashayquichu p&#239; cachamashantapis&#187; nir.</div><div class="s1">Chacrayojman tincuchiypa willapashan</div><div class="r">(Mat. 21.33-46; Mar. 12.1-12)</div><div class="p"> 9Chayno nircur Jesusga tincuchiypa willapar llapan runacunata niran: &#171;Juc runashi chacranman &#252;basta lantachisha. Nircorga aroj runacunata arrindacuycurshi unaycama goyaj aywacusha juc-l&#228; marcaman.</div><div class="p"> 10&#171;&#220;bas cos&#235;cha chayamuptinna chacrapa duy&#241;onga uywayninta cachasha paypaj cajta raquip&#228;munanpaj. Chay uyway chayajtaga arrindaj runacuna fiyupa magarcurshi jinayllata gargurisha. 11Chaura chacrapa duy&#241;onga juc uywaynintanashi yapay cachasha. Chaytapis ashllir usharcur magarcurshi jinayllata gargurisha. 12Chaypita chacrapa duy&#241;onga yapay juc uywaynintana cachasha. Chaytapis yawar-yawar magarcurshi gargurisha.</div><div class="p"> 13&#171;Chaura &#252;bas chacrapa duy&#241;onga yarpachacurshi nisha: &#8249;&#191;Cananga imatataj rurashaj? Jucnaylla cuyay wamr&#228;tami cachashaj. Wamr&#228;taga rispitangachari&#8250; nir. 14Chacra arrindajcunaga chacrayojpa cuyay wamran aywaycajta ricarshi parlacusha: &#8249;Pap&#228;nin wa&#241;uptenga tagay wamranmi ima-aycanwanpis qu&#235;danga. Wa&#241;uyc&#228;rachishun chacranwan noganchi qu&#235;dacunanch&#239;paj&#8250; nir. 15Chayno nir chacrayojpa wamranta chariyc&#228;rir chacrapita juc-l&#228;man jorgurcurshi wa&#241;uyc&#228;rachisha.&#187;</div><div class="p">Willaparcur Jes&#250;s tapuran: &#171;Gamcuna yarpaptiqui &#191;imataraj ruranga chacrapa duy&#241;un? 16Quiquin aywarcurmi chay arrindaj fiyucunata wa&#241;uycachenga. Chacrantapis juctana arrindayconga&#187; nir.</div><div class="p">Chayno niptin runacunaga nisha: &#171;&#161;Chayno canantaga Tayta Dios ama camac&#228;chichunchu!&#187; nir.</div><div class="p"> 17Chayno niptin paycunata ricap&#228;rir Jes&#250;s niran: &#171;Chaura &#191;imap&#228;taj Tayta Diospa palabrancho cayno isquirbiraycan?</div><div class="q1">&#171;Wasipa simintunta pergajcuna &#8249;cay rumi manami allichu&#8250; nir jitarishanpis</div><div class="q1">chay rumiga puntu rumipaj isqu&#239;naman churashanami caycan.</div><div class="p"> 18&#171;Pipis chay rumi jananman tunej c&#228;ga ichic-ichicllami ruracanga. Chay rumi pipa jananmanpis chayarga &#241;uchu allpamann&#246;mi rurarenga.&#187;</div><div class="p"> 19Chayno niptinmi mandaj c&#252;racunawan lay yachachejcunaga tantiyacuran tincuchiypa Jes&#250;s willapar paycunata wiy&#228;chipaycashanta. Chaymi jinan &#246;ra pr&#235;su charichiyta munaran. Ichanga runacunata manchacushpanmi mana charichiranchu.</div><div class="s1">Impuestuta p&#228;gananpaj cashanta tapucushan</div><div class="r">(Mat. 22.15-22; Mar. 12.13-17)</div><div class="p"> 20Chaymi Jesusta autorid&#228;man pr&#235;su apachinan cashalla runacunata cacharan alli shimillanpa parlapar llutanta rimachinanpaj. 21Chay runacuna alli-tucullar Jesusta tapuran: &#171;Maestru, nogacuna musy&#228;mi yachachirpis rimarpis rasun cajllata niycashayquita. Gamga rasunpa yachachinqui Tayta Dios munashann&#246;llami. Manami runacuna gustashallantachu yachachinqui. 22&#191;Impuestuta p&#228;gashwanchu Roma nasyunpa mandajnin Cesarpaj u manachu?&#187;</div><div class="p"> 23Ichanga chay runacuna alli-tucullar ach&#228;quita ashipaycashanta musyar niran: 24&#171;M&#228;, rican&#228;paj guellayta apamuy. Cay guellaych&#246;ga &#191;p&#239; runapa letr&#228;tuntaj caycan? &#191;Pipa jutintaj isquirbiraycan?&#187; nir.</div><div class="p">Chaura chay runacuna niran: &#171;Mandaj Cesarpami&#187; nir.</div><div class="p"> 25Niptin Jes&#250;s niran: &#171;Cesarpa cajtaga Cesarta goycuy. Tayta Diospa cajtaga Diosta goycuy&#187; nir.</div><div class="p"> 26Iman&#246;pa llutanta rimachiyta munarpis manami rimachiranchu. Runapa &#241;aupancho pantachiyta manami cam&#228;pacuranchu. Tapushanta Jes&#250;s iman&#246;pis cutichishanpita fiyupa almirasha caycaran. Chaypitaga up&#228;llallana cacuran.</div><div class="s1">Wa&#241;ojcuna cawarimunanpaj cashanta tapucushan</div><div class="r">(Mat. 22.23-33; Mar. 12.18-27)</div><div class="p"> 27Chaypitaga saduceocuna Jes&#250;s cajman aywaran. Paycunaga manami riguejchu wa&#241;ojcuna cawarimunanta. Chaymi Jesusta tapuran cayno nir: 28&#171;Maestru, Mois&#233;s isquirbishanch&#246;ga niycan pipis wa&#241;uptin warmin wawaynajlla qu&#235;daptenga chay wauguillawan tiyananp&#228;mi; wamran yur&#235;ga wa&#241;oj wauguinpa wamranno cananp&#228;mi.#Deut. 25.5 29Cananga m&#228; tapucushayqui: Juc marcach&#246;shi casha ganchis waugui. Mayur cajshi majachacasha warmiwan. Nircurshi wa&#241;ucusha manar&#228;pis wamran captillan. 30Chaura biy&#252;dawanga shullcanna tiyasha. Paypis manaraj wamran captillanshi wa&#241;ucusha. 31Yapay jucaj shullcanpis chayn&#246;llashi biy&#252;dawan majachacasha. Y chay warmiwan tiyayc&#228;llar ganchis waugui wa&#241;usha. Mayganpapis manashi wamran cashachu. 32Llapan wa&#241;ushanpa guepantaga warmipis wa&#241;usha. 33Canan m&#228; willamay. Wa&#241;ushanpita cawarimuptenga &#191;mayganparaj warmin canga ganchis wauguiwan tiyasha caycaptenga?&#187; nir.</div><div class="p"> 34Chaura Jes&#250;s niran: &#171;Cay pachallach&#246;mi warmi ollgupis majachacan. 35Tayta Diosninchi acrashan runacuna cawarimur sy&#235;luch&#246;ga manami majachacanganachu. 36Chaych&#246;ga cangapaj anjilcunano mana wa&#241;ojnami. Cawarimusha carmi Tayta Diospa wamrancunana canga. 37Wa&#241;ojcuna cawaycashantaga Moisespis musyachimaranch&#239;mi. Paymi isquirbiran shiracho nina rataycashanpita Tayta Dios cayno nimushanta: &#8249;Nogaga unay awiluyqui Abraham, Isaac, Jacob rispitaycashan Diosmi cayc&#228;&#8250; nir. 38Diosga manami wa&#241;ojcunapa Diosninchu. Payga cawaycajcunapa Diosninmi. Payp&#228;ga llapanpis cawaycanmi.&#187;</div><div class="p"> 39Chayno niptin lay yachachejcuna waquenga niran: &#171;Maestru, allitami nishcanqui&#187; nir.</div><div class="p"> 40Chaypitaga manami pipis tapuyta alm&#239;tirannachu.</div><div class="s1">Ima famillyapita Cristo yurishanpis</div><div class="r">(Mat. 22.41-46; Mar. 12.35-37)</div><div class="p"> 41Chaypita Jes&#250;s tapuran: &#171;&#191;Imanirtaj yarpan &#8249;Tayta Dios cachamushan Cristoga Davidpita mirar aywajpitami&#8250; nir? 42Quiquin Davidpis isquirbishan Salmos librucho niran:</div><div class="q1">&#171;Tayta Diosmi mandamajn&#235;ta niran: &#8249;Cay der&#235;chu caj l&#228;d&#246;man jamacuy</div><div class="q1"> 43llapan contrayquicunata munayniquiman churamun&#228;cama&#8250; nir.#Sal. 110.1</div><div class="p"> 44&#171;Chayno niycaptenga &#191;iman&#246;pataj Cristoga Davidn&#246;lla ray canman quiquin Davidpis &#8249;mandamajn&#235;&#8250; niycaptenga?&#187;</div><div class="s1">Lay yachachejcunano mana cananpaj nishan</div><div class="r">(Mar. 12.38-40)</div><div class="p"> 45Llapan runacuna wiyarcaycaptinmi Jesusga dis&#239;puluncunata niran: 46&#171;Cuyd&#228; lay yachachejcunano rurar. Paycunaga Tayta Dios munashanno goyaycashanta runacuna yarp&#228;nallanp&#228;mi purin chaqui puntanyaj sot&#228;nan jatisha. Yachachicoj cashanpita l&#228;sacunacho y c&#228;llicunach&#246;pis alabasha cayllatami munan. Sinagogacunach&#246;pis &#241;aupa-puntaman jamacuyllatami munan. Micuyta garananpaj pushashanch&#246;pis mas allinnin caj bancumanmi jamayta munan. 47Paycunaga biy&#252;dacunapa wasinpita ima cajllantapis ushapan. Nircorga rurashancunata pampachananpaj Tayta Diosta may &#246;ra ma&#241;acoj-tucun. Chayno rurashanpitami fiyupa castigasha canga.&#187;</div>
 </div>
 </div>
</div>

Juc junaj Tayta Diospa alli willacuyninta Templucho Jesús yachaycächiptin chayaran mandaj cüracuna, lay yachachejcuna y mayur runacunapis. Chayaycärir tapuran: «¿Pitaj cachamusha-cashunqui chaycunata ruranayquipäga? ¿Pipa munayninwantaj imacunatapis ruraycanqui?» nir.
Chayno tapuptin Jesuspis niran: «Gamcunatapis mä tapushayqui. Tapushäta ichanga willamay: Juantaga bautisananpaj ¿pitaj cachamuran: Tayta Dioschu u runallachu?»
Chaura quiquin-pura ninacuran: « ‹Diosmi cachamusha› nishaga ‹¿Imanirtaj payta mana riguirayquichu?› nimäshunmi. ‹Runallami cachamusha› nishaga llapan runacunami sajmaycällar wañuchimäshun. Llapanmi yarpan Juanga profëta cashanta.» Chaymi Jesusta niran: «Manami musyäcunachu pï cachamushantapis» nir.
Chaura Jesuspis niran: «Nogapis manami willashayquichu pï cachamashantapis» nir.


Chayno nircur Jesusga tincuchiypa willapar llapan runacunata niran: «Juc runashi chacranman übasta lantachisha. Nircorga aroj runacunata arrindacuycurshi unaycama goyaj aywacusha juc-lä marcaman.
«Übas cosëcha chayamuptinna chacrapa duyñonga uywayninta cachasha paypaj cajta raquipämunanpaj. Chay uyway chayajtaga arrindaj runacuna fiyupa magarcurshi jinayllata gargurisha. Chaura chacrapa duyñonga juc uywaynintanashi yapay cachasha. Chaytapis ashllir usharcur magarcurshi jinayllata gargurisha. Chaypita chacrapa duyñonga yapay juc uywaynintana cachasha. Chaytapis yawar-yawar magarcurshi gargurisha.
«Chaura übas chacrapa duyñonga yarpachacurshi nisha: ‹¿Cananga imatataj rurashaj? Jucnaylla cuyay wamrätami cachashaj. Wamrätaga rispitangachari› nir. Chacra arrindajcunaga chacrayojpa cuyay wamran aywaycajta ricarshi parlacusha: ‹Papänin wañuptenga tagay wamranmi ima-aycanwanpis quëdanga. Wañuycärachishun chacranwan noganchi quëdacunanchïpaj› nir. Chayno nir chacrayojpa wamranta chariycärir chacrapita juc-läman jorgurcurshi wañuycärachisha.»
Willaparcur Jesús tapuran: «Gamcuna yarpaptiqui ¿imataraj ruranga chacrapa duyñun? Quiquin aywarcurmi chay arrindaj fiyucunata wañuycachenga. Chacrantapis juctana arrindayconga» nir.
Chayno niptin runacunaga nisha: «¡Chayno canantaga Tayta Dios ama camacächichunchu!» nir.
Chayno niptin paycunata ricapärir Jesús niran: «Chaura ¿imapätaj Tayta Diospa palabrancho cayno isquirbiraycan?
«Wasipa simintunta pergajcuna ‹cay rumi manami allichu› nir jitarishanpis
chay rumiga puntu rumipaj isquïnaman churashanami caycan.
«Pipis chay rumi jananman tunej cäga ichic-ichicllami ruracanga. Chay rumi pipa jananmanpis chayarga ñuchu allpamannömi rurarenga.»
Chayno niptinmi mandaj cüracunawan lay yachachejcunaga tantiyacuran tincuchiypa Jesús willapar paycunata wiyächipaycashanta. Chaymi jinan öra prësu charichiyta munaran. Ichanga runacunata manchacushpanmi mana charichiranchu.


Chaymi Jesusta autoridäman prësu apachinan cashalla runacunata cacharan alli shimillanpa parlapar llutanta rimachinanpaj. Chay runacuna alli-tucullar Jesusta tapuran: «Maestru, nogacuna musyämi yachachirpis rimarpis rasun cajllata niycashayquita. Gamga rasunpa yachachinqui Tayta Dios munashannöllami. Manami runacuna gustashallantachu yachachinqui. ¿Impuestuta pägashwanchu Roma nasyunpa mandajnin Cesarpaj u manachu?»
Ichanga chay runacuna alli-tucullar achäquita ashipaycashanta musyar niran: «Mä, ricanäpaj guellayta apamuy. Cay guellaychöga ¿pï runapa leträtuntaj caycan? ¿Pipa jutintaj isquirbiraycan?» nir.
Chaura chay runacuna niran: «Mandaj Cesarpami» nir.
Niptin Jesús niran: «Cesarpa cajtaga Cesarta goycuy. Tayta Diospa cajtaga Diosta goycuy» nir.
Imanöpa llutanta rimachiyta munarpis manami rimachiranchu. Runapa ñaupancho pantachiyta manami camäpacuranchu. Tapushanta Jesús imanöpis cutichishanpita fiyupa almirasha caycaran. Chaypitaga upällallana cacuran.


Chaypitaga saduceocuna Jesús cajman aywaran. Paycunaga manami riguejchu wañojcuna cawarimunanta. Chaymi Jesusta tapuran cayno nir: «Maestru, Moisés isquirbishanchöga niycan pipis wañuptin warmin wawaynajlla quëdaptenga chay wauguillawan tiyananpämi; wamran yurëga wañoj wauguinpa wamranno cananpämi. Cananga mä tapucushayqui: Juc marcachöshi casha ganchis waugui. Mayur cajshi majachacasha warmiwan. Nircurshi wañucusha manaräpis wamran captillan. Chaura biyüdawanga shullcanna tiyasha. Paypis manaraj wamran captillanshi wañucusha. Yapay jucaj shullcanpis chaynöllashi biyüdawan majachacasha. Y chay warmiwan tiyaycällar ganchis waugui wañusha. Mayganpapis manashi wamran cashachu. Llapan wañushanpa guepantaga warmipis wañusha. Canan mä willamay. Wañushanpita cawarimuptenga ¿mayganparaj warmin canga ganchis wauguiwan tiyasha caycaptenga?» nir.
Chaura Jesús niran: «Cay pachallachömi warmi ollgupis majachacan. Tayta Diosninchi acrashan runacuna cawarimur syëluchöga manami majachacanganachu. Chaychöga cangapaj anjilcunano mana wañojnami. Cawarimusha carmi Tayta Diospa wamrancunana canga. Wañojcuna cawaycashantaga Moisespis musyachimaranchïmi. Paymi isquirbiran shiracho nina rataycashanpita Tayta Dios cayno nimushanta: ‹Nogaga unay awiluyqui Abraham, Isaac, Jacob rispitaycashan Diosmi caycä› nir. Diosga manami wañojcunapa Diosninchu. Payga cawaycajcunapa Diosninmi. Paypäga llapanpis cawaycanmi.»
Chayno niptin lay yachachejcuna waquenga niran: «Maestru, allitami nishcanqui» nir.
Chaypitaga manami pipis tapuyta almïtirannachu.


Chaypita Jesús tapuran: «¿Imanirtaj yarpan ‹Tayta Dios cachamushan Cristoga Davidpita mirar aywajpitami› nir? Quiquin Davidpis isquirbishan Salmos librucho niran:
«Tayta Diosmi mandamajnëta niran: ‹Cay derëchu caj lädöman jamacuy
llapan contrayquicunata munayniquiman churamunäcama› nir.
«Chayno niycaptenga ¿imanöpataj Cristoga Davidnölla ray canman quiquin Davidpis ‹mandamajnë› niycaptenga?»


Llapan runacuna wiyarcaycaptinmi Jesusga disïpuluncunata niran: «Cuydä lay yachachejcunano rurar. Paycunaga Tayta Dios munashanno goyaycashanta runacuna yarpänallanpämi purin chaqui puntanyaj sotänan jatisha. Yachachicoj cashanpita läsacunacho y cällicunachöpis alabasha cayllatami munan. Sinagogacunachöpis ñaupa-puntaman jamacuyllatami munan. Micuyta garananpaj pushashanchöpis mas allinnin caj bancumanmi jamayta munan. Paycunaga biyüdacunapa wasinpita ima cajllantapis ushapan. Nircorga rurashancunata pampachananpaj Tayta Diosta may öra mañacoj-tucun. Chayno rurashanpitami fiyupa castigasha canga.»

Dengarkan Lucas 20