Խաղաղություն

Սովորենք Դանիելից և նրա ընկերներից հավատարիմ և հնազանդ լինել Աստծուն:
ՍովորենքԴանիելից  և իր ընկերներից սրբության, երկյուղածության, խոնարհության կյանքով ապրելու ամուր համոզմունք ունենալը և, անկախ Աստծուն հնազանդվելու վտանգներից, այս աշխարհի փոխզիջումներով մեր անձերը չպղծելու որոշման մեջ հաստատակամ լինելը: 
Դանիելի  մեջ գերազանց հոգի կար, և դա Տեր Աստծու պարգևն էր Իր սրբությունը սիրող և Իր կամքի հնազանդությանը փափագող Աստծու մարդուն։ 
Աստված փնտրում է ուղիղ սրտով սկզբունքային մարդկանց, որոնց կկարողանա վստահել Իր կողմից տրված կարևորագույն առաքելությունները։

Դասեր Դանիելի մարգարեության գրքից

 Մենք՝ հայերս, բազմաթիվ ասացվածքներ ունենք, որոնք վերցված են Աստվածաշնչից՝ աստվածային ճշմարտության և գերբնական իմաստության միակ ճշմարիտ Աղբյուրից։ 
Ուղերձների այս շարքի նպատակը՝ դրանք Աստվածաշնչի լույսի ներքո ներկայացնելն է,
 որն Աստված է փոխանցում Իր զավակներին Իր Սուրբ Խոսքի մեջ։



«Ասացվածքներ, որոնք վերցված են Աստվածաշնչից»

Եթե այսօր դու անցնում ես դժվարություններով ու բախվել ես անհուսության անանցանելի թվացող պատնեշին, կորցրել ես ներսիդ խաղաղությունն ու ուրախությունը,  ապա կա՛ բարի լուր քեզ համար: Անհուսությունը հիվանդության պես է, սակայն Տիրոջը հուսացողները Նրա վերքերով կարող են նաև այդ հիվանդությունից բժշկվել։ 
Աստված փնտրում է սրտով փշրված մարդկանց, որպեսզի նրանց ամրացնի ու վերականգնի։ Նա Իր զարմանահրաշ շնորհն է պատրաստել՝ որպես պարգև յուրաքանչյուր մարդու համար, որ Նրա օգնության կարիքն ունի իր կյանքում։  Նրա շնորհի պարգևն ընդունելու համար մենք պետք է մեր հավատքի ձեռքերը պարզենք Նրա ուղղությամբ։

Քո անհուսության բժշկությունը

Հավատացյալ լինելը թանկ արժեք է։ Այսօր շատերն են իրենց հավատացյալ կոչում։ Հավատացյալի կյանքի փոփոխությունը պետք է լինի հստակ և տեսանելի իր շրջապատի մարդկանց համար։ Առանց Տեր Աստծու օգնության ո՛չ մի մարդ չի կարող ապրել այն կյանքը, որն Աստված ակնկալում է: Աստված Իր Խոսքին հավատացող զավակների համար օգնություն է պատրաստել, որպեսզի  կարողանան ապրել այն կյանքը, որն Ինքն է ակնկալում նրանցից։
Աստված առատորեն հասանելի է դարձրել Իր շնորհը այն մարդկանց, որոնք ձգտում են իրենց կյանքից հեռացնել մեղքը:

Հավատացյալի գաղտնի օգնությունը


Վերջին օրերի փոթորիկների ու խառնաշփոթի մեջ Աստված Իր հավատարիմ զավակներին Իր խաղաղության մեջ է պահելու։ 
 Նա խոստացել Իր բոլոր հավատարիմ աշակերտներին և պատվիրել է այդ խաղաղությունը բաժնեկցել մյուս մարդկանց հետ։
 Դու երբե՛ք չես կարող խաղաղության մեջ ապրել, եթե չսովորես հաղթել հավատքի պատերազմում։ Աստված ամեն բան հոգացել է, որպեսզի դու լինես հաղթող։ Տերը քեզ հետ է։ Տիրոջ Հոգին է քո մեջ բնակվում։ եթե գործես Տեր Աստծու պարգևած զորությամբ ու Նրա շնորհած իմաստությամբ կկարողանաս հաղթել:



Դու նրանց հույսն ես․․․

Աստված լսում է Իր Խոսքը հարգող և Իր կամքը կատարելու փափագ ունեցող մարդկանց աղոթքներն ու աղաչանքները, հատուկ պաշտպանությամբ պաշտպանում է նրանց և ուժ տալիս ու լցնում Իր զորությամբ: 
Ապրի՛ր այս կյանքը Տեր Աստծու կամքը ճանաչելու և Նրա կամքին հնազանդվելու փափագով։ Աստված փափագում է օգնել Իր բոլոր նվիրյալ զավակներին, որ սպասում են Նրա ողորմությանը։ 
Մենք երբե՛ք չպետք է մոռանանք Տիրոջ արած բարիքները, եթե անգամ մեր հերթական աղաչանքը մեր դժվարությունը դեռ չի վերածել հզոր մի վկայության։

Իմաստություն և դասեր Սաղմոս 28.6-9 հատվածից

Աստծու զավակ լինելը քեզ լցնում է վստահությամբ և պարուրում անսասան ապահովության զգացումով։  
Եթե քո ամբողջ սրտով նվիրվես Տեր Հիսուսի պատվիրաններով ապրելու օրհնյալ ու քաղցր ընթացքին, ապա Աստվածաշնչում եղած հարյուրավոր խոստումները քոնը կդառնան:
Մարդը խաղաղություն է գտնում, երբ հավատում է Աստծու բարության և ամենակարողության մասին Տեր Հիսուսի փոխանցած ճշմարտություններին և որոշում է կայացնում ապրելու Բարձրյալ Աստծու հովանու ու պաշտպանության ներքո՝ Նրա կամքին հավատարիմ կյանքով։
Այս կյանքի մեծագույն ազատությունը ներված լինելու զգացողությունն է, որը Աստծու Խոսքին հավատացողների համար է։

Հավատացյալ լինելու օրհնությունները

Արդարությունը բխում է ճշմարտությունից։ Լինել արդար նշանակում է մտքով, խոսքով և գործերով համահունչ լինել այն ամենի հետ, ինչն ուղիղ է և ճշմարիտ։ 
Աստված արդար է։ Նա արդարությամբ է խրատում ու ուղղորդում, հանդիմանում ու քաջալերում, անգամ` պատժում ու պարգևատրում։
Այս անարդար աշխարհում միայն Տեր Աստծու արդարությունն է, որ Նրան հավատացողներին ապահովություն և հույս է փոխանցում։

Աստծու արդարությունը մեր ապահովությունն է

Աստվածաշունչը սովորեցնում է, որ մարդն ունի հոգի, շունչ և մարմին: Հոգին կապ ունի հոգևոր աշխարհի հետ և իր ընկալման հնարավորություններով կարող է իմանալ ու զգալ, հասկանալ ու ընկալել բաներ, որոնք անհասանելի են մեր շնչին և, առավել ևս, մեր մարմնի զգայարաններին։ 
Մարմինը և հոգին իրար հակառակ են։ Մարմնավոր մարդը կործանվելու է, իսկ հոգևորը փրկվելու է։
Հոգին փափագում է Աստծու խաղաղությանը։
Աստծու խաղաղությունը գալիս է Նրա կամքին հնազանդության պարագայում:

