ROMANOS 8:18

Մենք այսօր ուղերձների շարք ենք սկսում, որը վերաբերում է Տեր Հիսուս Քրիստոսի հրաշափառ հարությանը և դրան նախորդող շաբաթվա իրադարձություններին։ Հույս ունեմ, որ միասին այս շաբաթվա ընթացքում բազմաթիվ օրհնություններ ու դասեր ենք ընդունելու Տիրոջից և իրար քաջալերելու ենք Նրա Խոսքի ճշմարտություններով։

Տեր Աստծու լույսը Նրա ճշմարտությունն է: Աստված, Իր Միածին Որդուն ուղարկեց աշխարհ, որպեսզի մարդիկ չմնան խավարի մեջ, այլ լուսավորվեն աստվածային ճշմարտությամբ։ Ընդունի՛ր Աստծու Լույսն ու Ճշմարտությունը և կապրես իրական ազատության մեջ։ Տիրոջ ներկայության մեջ ուրախություն ու ցնծություն կա։ Տերը Իր ներկայության մեջ ապրող մարդկանցից ակնկալում է զոհաբեր սիրտ ու զոհաբեր գործեր։ Աստծուն ուղղված մեր երգերը մեր գոհության ու երախտագիտության դրսևորման կերպերից մեկն են։ Երգով մենք արտահայտում ենք մեր ցնծությունը, քանի որ ընդունել ենք Տեր Աստծու փրկությունը։ Երգը Աստծուն ուղղված մեր պաշտամունքի կարևորագույն բաղադրիչներից մեկն է։