1 JUAN 5:14

Այսօրվանից սկսած առաջիկա յոթ օրերի ընթացքում մենք միասին կքննենք, թե ինչպես դիմակայել տարբեր ճնշումների։ Կյանքը կարելի է համեմատել մարաթոնյան մրցավազքի հետ, որի ընթացքում յուրաքանչյուր մարդուց պահանջվում է համբերություն և դիմացկունություն։ Մեր կամքին հակառակ, մենք կարող ենք ներքաշվել մյուսների հետ մրցակցության մրցավազքի մեջ և կարող ենք նաև կորցնել Աստծո տված խաղաղությունն ու ուրախությունը:

Տեր Հիսուսը մարդկության Փրկիչն է։ Նա վճարել է մեր մեղքերի գինը՝ Իր վրա վերցնելով մեր պատիժը։ Հավատալ Տեր Հիսուսի անվանը՝ նշանակում է հավատալ Նրա անվան իշխանությանը։ Երբ անկախ ամեն բանից՝ անկախ մեր հանդեպ մարդկանց վերաբերմունքի փոփոխությունից ու մեր անձի հանդեպ բարձրացող վտանգներից, մենք շարունակում ենք մեր խոսքով ու գործերով դավանել Տեր Հիսուսի անունը, դա մեր սիրո ապացույցն է Քրիստոսի անվան հանդեպ։ Իսկ դու հավատո՞ւմ ես, որ Տեր Հիսուսը փրկության միակ ճանապարհն է:

Արդյոք գիտե՞ս, թե որքա՜ն շատ է քեզ սիրում Աստված։ Ինչպիսի՞ դժվարությունների ես բախվել։ Հայացքդ Հիսուսից երբե՛ք չկտրես։ Աստված ուզում է փոխել իմ և քո մտածելակերպը։ Մեր կյանքի տարբեր իրավիճակների մեջ Նա մեզ սովորեցնում է վստահել Իրեն։ Տեր Հիսուսը իշխանություն ունի իմ և քո կյանքում իրականություն դարձնելու անհնարինը։ Նա ուզում է խաղաղություն բերել մեր կյանքի բոլոր փոթորիկների մեջ։ Աստված ուզում է, որ դու ապաշխարես և բացես քո կյանքի օրհնության ու հաջողության դռները։ Հնազանդվի՛ր Նրա կամքին և, Նրան ընդունելով քո կյանքի մեջ, կընդունես աշխարհում հնարավոր ամենամեծ խոստումը՝ հավիտենական կյանքի պարգևը։