Žalmy 119:105

Ցանկացած բան կառուցելիս ամենակարևոր քայլը ամուր հիմք ապահովելն է։ Եթե այս փուլը անտեսվում է կամ կատարվում է հապճեպ, ապա մեծ է հավանականությունը, որ կառույցը մի օր խարխլվելու է կամ չի դիմանալու արտաքին ավերիչ ազդեցություններին։ Նույնը ճշմարիտ է նաև քո կյանքի համար: Որպեսզի հարաբերությունների ո՛չ մի երկրաշարժ ի զորու չլինի խարխլելու քո կյանքը, այն պետք է կառուցված լինի ամուր հիմքի վրա։ Իսկ Աստվածաշունչը խոսում է մեզ այդ հիմքի մասին․․․

Ինչպես ֆիզիկական աշխարհում ամեն մարդ, ամեն ընտանիք ու ամեն ժողովուրդ իր յուրահատուկ հոտն ունի, այնպես էլ հոգևոր աշխարհում մարդիկ որոշակի հոտ ունեն։ Աստվածաշունչը սովորեցնում է իրական քրիստոնյաներից բխող անուշահոտության մասին։ Մարդու վրայից եկող հոգևոր հոտը ձևավորվում է նրա շփման միջավայրի, նրա ստացած հոգևոր սնունդի, նրա զոհաբեր սիրտ ունենալու և ճզմվելու արդյունքում: Խոստովանությամբ և ապաշխարությամբ հեռացրո՛ւ քո կյանքից բոլոր գարշահոտությունները։ Դարձի՛ր Քրիստոսի անուշ բույրը քո շրջապատի մարդկանց մեջ և վայելի՛ր Քրիստոսի աշակերտի կյանքով ապրելու պատիվն:

Առանց հավատքի չկա փրկություն։ Իսկ փրկարար հավատքը միայն և միմիայն կարող է հիմնված լինել Տիրոջ փոխանցած ուսուցումների վրա, որոնք մեզ հասանելի են դառնում հե՛նց Աստվածաշնչի շնորհիվ։ Աստվածաշունչը բացարձակ ճշմարտության միակ Աղբյուրն է: Եթե որևէ մեկը իրեն հավատացյալ է համարում, ապա պետք է փափագ ունենա նմանվելու Տեր Հիսուսին։ Աստվածաշնչին հավատացող մարդը թույլ է տալիս Աստծու Խոսքը փոխակերպի իր միտքն ու վարքագծը, արժեհամակարգը: Աստվածաշունչն ընդունող մարդը դառնում է Աստծուն հոգով և ճշմարտությամբ երկրպագող աշակերտ։ Եթե մենք մեր որոշումները կայացնենք Աստծու կամքին համապատասխան, ապա մեզ սպասում են Տիրոջ օրհնություններն ու պարգևները։

Օրհնյալ և առատ շահույթի ձեռքբերումը սկսում է ճիշտ ներդրումից։ Եթե դուք նորադարձ Քրիստոնյա եք, ապա ձեր հավատի հարցում ավելի մեծ ներդրում չեք կարող անել, քան Աստծո Խոսքով շարունակ լցվելը։ Սկսե՛ք այստեղից՝ օգնելու ձեզ արդյունավետորեն Կարդալ, Հասկանալ և Կիրառել այն ամեն օր։ Վերցված է Դէյվիդ Սվանդտի «Այս աշխարհից դուրս․ աճի և հաջողության ուղեցույց քրիստոնյայի համար» գրքից։