လံာ်မးသဲ 11:28

Գիտե՞ս արդյոք, որ դու հատուկ ստեղծված ես Աստծո ներկայության մեջ ապրելու համար: Արարիչ Աստծո ներկայությունը մեր հոգու բնակավայրն է՝ քո սրտի խորանը: Նրա բարի ներկայությունը ամենահարմար վայրն է Նրա ձայնը լսելու, Նրա խոստումներն ընդունելու, Նրա մեջ հոգևորապես աճելու և որպես Քրիստոսի աշակերտ հասունանալու համար:

Մեզնից ոմանք կարծում են, թե իրենք բավարար չափով տաղանդավոր չեն, բավարար չափով նախաձեռնող չեն, բավարար չափով համբերատար չեն և այլն։ Գուցե դու տարիներ շարունակ հենց նմանատիպ խոսքեր ես քեզ ասում։ Սակայն Աստծո խոսքը քեզ համար այլ բան է ասում՝ Տիրոջ ողորմությունը չի դադարում, Նրա գթությունը վերջ չունի։ Նրանք ամեն առավոտ նոր են։ Առաջարկում եմ ընթերցել այս հրաշալի թեմայով ընթերցանության ծրագիրը և հայտնաբերել Աստծո ուրախությունը պարգևող ծրագիրը քո կյանքի համար։

Այսօրվանից սկսած առաջիկա յոթ օրերի ընթացքում մենք միասին կքննենք, թե ինչպես դիմակայել տարբեր ճնշումների։ Կյանքը կարելի է համեմատել մարաթոնյան մրցավազքի հետ, որի ընթացքում յուրաքանչյուր մարդուց պահանջվում է համբերություն և դիմացկունություն։ Մեր կամքին հակառակ, մենք կարող ենք ներքաշվել մյուսների հետ մրցակցության մրցավազքի մեջ և կարող ենք նաև կորցնել Աստծո տված խաղաղությունն ու ուրախությունը:

Մենք ապրում ենք մի աշխարհում, որտեղ շատ սրտեր են կոտրվում։ Աստված հենց այսպիսի մարդկանց է մոտենում և օգնության ձեռք մեկնում նրանց կոտրվածության մեջ, որ բուժի նրանց սրտի վերքերը։ Եթե այսօր քո սիրտը կոտրված է, վստահի՛ր Աստծուն։ Նա ո՛չ միայն կամրացնի քեզ և կնորոգի քո սրտի կոտրվածությունը, այլև այն կդարձնի ավելի գեղեցիկ ու թանկարժեք, քան նախկինում էր։ Աստված ուզում է վերականգնել քեզ՝ լինի դա քո կոտրված սիրտը, քո առողջությունը, քո կյանքի խաթարված հարաբերությունները, Նրա հանդեպ քո առաջին սիրո ջերմությունը: Սակայն Աստված երբե՛ք դա չի անի քո կամքին հակառակ։ Իսկ դու ուզո՞ւմ ես, որ Նա վերականգնի քեզ։