Աստվածաշնչի հայտնի հատվածներ Mateos 26-ից

Կիսվել

Dyij buꞌjamꞌ miꞌin, cọdaĉamꞌ Jenꞌcheꞌ paj qui jam jịꞌĉojtac miꞌin juchadyeꞌyaꞌ. Meꞌ tsanꞌ dyijyedyeꞌĉan mạꞌjetiñeꞌ cäc̣häꞌchutinte Jenꞌ miꞌin, aꞌsiꞌ qui namꞌ miꞌin itŝiꞌ ferdyeꞌ mọꞌ.

Jéyacsi chibintyity in: —Anic tyumꞌyi ĉojtyiꞌ yụ, jeñej raꞌ säñi ĉúti yụ. Úyaꞌ chum tacyaꞌ miꞌin, dyij buꞌjamꞌ yụ́tum.

Jesús dadamꞌ mujuꞌveyaꞌ jịjcaij, dyụtsyi muꞌve täjjequeꞌ jac jáfiyaꞌ muꞌ. Cọdyetyete Jenꞌ muꞌ, jéte: —Yụ́tyiꞌ Jenꞌ, tupuj jụijyaꞌ mi, jiꞌc̣hontiꞌ paj qui jam därsiꞌ ñịbedyes jịꞌĉojtyeꞌ yụ, jam qui na ramꞌ yojdyemꞌ mạꞌjeꞌ uij, meꞌ raꞌ yuꞌtim mis dyijyedyeꞌ.

Ọij nash jeñej buꞌyiꞌ ĉụiꞌsiꞌ chäsh yụ, mọꞌ chäsh yụ ferdyeꞌ jasoꞌmitiꞌ p̂eyacdyeꞌ Jenꞌsiꞌ muꞌ, muntyidyes yụꞌtac mọꞌ p̂eyacdyeꞌ. Chäshi raꞌ yụ daiꞌdyes muntyiꞌ in vayacdyes juchaj muntyis in.

Tacaꞌ säcsevaꞌjoij in, muꞌ Jesús tapjete muꞌ pan, yoshoropaij jéte Jenꞌ, chat qui q̂uemiꞌvete, soꞌmaqui jịꞌchiyactyiꞌ muꞌ, jéyacsi: —Miyaꞌĉa uts, jebemac ĉaĉaij na uts nash jeñej buꞌyi ĉụiꞌsiꞌ aꞌ yụ.

Tyéquis qui tapjeꞌ yoshoropaij jéte Jenꞌ, soꞌmaqui jịꞌchiyactyiꞌ muꞌ, jéyacsi: —Räjenꞌdye raꞌ miꞌin tyétiñeꞌ.

Aty meꞌsiꞌ cọdyetyete Jenꞌ muꞌ, quivij chimuꞌve, yóĉandyemꞌ farajjeyacsetaqui jiquej u muꞌin chibintyity jịꞌchiyactyiꞌ umꞌ, dạcacseshan ĉọshvaꞌjoij in. Jesús jajiti Pedro: —¿Mijam buty yiris hora dyij buꞌyi yụ́tum miꞌin?

Yụ jéyac, aty raꞌ jam quivij tyeij yụ ovas fiꞌ mọꞌ, mụiꞌsis qui raꞌ tyeij yụ yiriꞌyaꞌ miꞌintum penꞌdyetuyacyaꞌ atsvun ayoꞌbuꞌyedyeꞌĉan Jenꞌsiꞌ yụ.

Aty seꞌvepteyaꞌ p̂onꞌdyeꞌ, chat qui muꞌ Pedro q̂uinꞌdyemꞌ dyijtubibajte Jesússiꞌ p̂eyacdyeꞌ muꞌ, yi jiquej jajiti: "Jambiꞌdyemꞌ raꞌ p̂oñi ojtereꞌ, chibin quiꞌdye raꞌ ticamitim." Chat qui muꞌ Pedro shuban där tári muꞌ.

Sacyejamꞌ, cabuꞌtyum miꞌin. Atyuꞌ meij jijtuij jiꞌmincantyiꞌ yụ.

Jesús jajiti: —C̣havjeyaĉada coc̣hino mi, tyi chuc chucsity coc̣hinoyaꞌ, mọꞌyaꞌdye raꞌ ijac in.