Աստվածաշնչի հայտնի հատվածներ Mateos 24-ից

Կիսվել

Dadamꞌ raꞌ mujuꞌchaꞌ ac̣hiꞌyi muntyiꞌ in, araj raꞌ räj muntyiꞌ in aty raꞌ jam mạꞌjitidyestum bäꞌyi in. Tyi chuc jam peñity in junꞌ quiꞌ chuc jadyic tupudyeꞌ, muꞌin raꞌ c̣hoñi in.

Paiꞌ bäꞌyity jacchety muntyiꞌ in, räj raꞌ muꞌin seꞌveꞌ in mọꞌ p̂eyacdyeꞌ Jenꞌsiꞌ muꞌ, mọꞌ p̂eyeꞌ aty raꞌ ayoꞌbuꞌyi Jenꞌ, chat aty raꞌ meꞌsiꞌ q̂uinꞌdyemꞌ raꞌ ayij jadyiquis tupudyeꞌ.

Chimeꞌdye daiꞌ raꞌ seꞌvetiñeꞌ chutidyeꞌ in, c̣hẹiꞌyaꞌ bäꞌyity in judyeyaꞌ mochtyiꞌ in. Meꞌ raꞌ tsanꞌ seꞌvetiñeꞌ jam qui na ramꞌ cajotyiti miꞌin, meꞌ raꞌ tsanꞌ meꞌ cạ̈tsiꞌ, jambiꞌ qui na ramꞌ ayij jadyiquis tupudyeꞌ.

Yiris raꞌ jac yocsiꞌtum chutidyeij in, judyeyaꞌ yirity jacchety ayoꞌ jutaqui raꞌ väc̣häꞌtyity muꞌ, chuti raꞌ yoctyiꞌtum in. Junꞌsiꞌ raꞌ ĉụiꞌ mọꞌyaꞌ dáquedyeꞌ chimeꞌ, judyeyaꞌ raꞌ chimeꞌ paiꞌ mọꞌyaꞌ jiꞌcaviti bubacdyeꞌ. Meꞌ raꞌ tiyacchutiꞌ ñịbedyes muntyidyes in.

Mạyedyeꞌches jedyeꞌ in judyeyaꞌ ọij jac mọtsiꞌ raꞌ in, yụ́siꞌ qui namꞌ p̂eyacdyeꞌ jam junꞌ mọtsiꞌ, mọꞌ ramꞌ cạ̈tsiꞌ.

Daiꞌ raꞌ muntyiꞌ jiꞌcaviti in, yụ́siꞌ raꞌ tịj jiꞌjäcbun yụ in, yi raꞌ in: "Yụ nash Jiꞌc̣honacsity Muntyiꞌ", judyeyaꞌ qui raꞌ daiꞌ anicjeyacsebi väñädyeꞌ muꞌin.

Chat qui raꞌ meꞌsiꞌ jiꞌmeꞌtyinac ayoꞌyaꞌ in, muꞌin qui raꞌ jịꞌñibeꞌcanac in, judyeyaꞌ raꞌ ijanac in. Räj jacchety muntyiꞌ in fáquinac raꞌ in yụ́dyes. Anic raꞌ daiꞌ farajjin yụ in, aty jam raꞌ cäc̣häꞌchubun yụ in, pạrej raꞌ fạ́cacsi yoctyiꞌ in jiꞌmeꞌtacsi raꞌ in ayoꞌyaꞌ. Chat qui raꞌ daiꞌ muꞌyaꞌ vaꞌve jịꞌchiyacsity in, jeñej buꞌyi raꞌ jasoꞌmitity p̂eyacdyeꞌ Jenꞌ in, meꞌ buꞌyi raꞌ in, meꞌdyes qui daiꞌ muntyiꞌ in anicjeyacsebiban raꞌ in cäjsis p̂eyacdyeꞌ muꞌin.

Jesús vorjeyacsi: —Areꞌĉa miꞌin jam raꞌ seꞌvacsebi miꞌin väñädyeꞌ muntyis muꞌin.

Meꞌdye raꞌ miꞌin chimeꞌ, jemoñeꞌ räjĉan ĉujcati miꞌin bisdyiĉaꞌ yụ miꞌin Anictyity Muntyiꞌ yụ, jam raꞌ chị́vaꞌjoij miꞌin, junꞌsiꞌ raꞌ ĉụiꞌ mọmoꞌ atsijban yụ mijam dyijtucdyeꞌĉan.

Mọꞌdyes ĉujcati raꞌ miꞌin, ĉaĉaij na jam chäyitiĉaꞌ miꞌin, ĉụiꞌdye raꞌ atsijban yụ Ayoꞌ miꞌin.

Mijam tyi chịj junꞌsiꞌ chuc raꞌ ayij jadyiquis tupudyeꞌ, mijam hora chị́yac. Mijam anjer mạyedyeꞌchety chịj in, mijam yụ Jenꞌtyiꞌ Ạvaꞌ yụ, meꞌdye Jenꞌ mọmoꞌ yirity chịj.

ĉaĉaij na atsij raꞌ pạrej muntyiꞌ väñäijtyiꞌ in, jeñej buꞌyi raꞌ Jiꞌc̣honacsity Muntyiꞌ yuꞌti in, judyeyaꞌ jeñej buꞌyi raꞌ jasoꞌmitity p̂eyacdyeꞌ Jenꞌ in, meꞌ buꞌyi raꞌ yuꞌti in. Därsiꞌ raꞌ ferdyeꞌ jịꞌcaveyacsi muntyiꞌ in paj qui muntyiꞌ in anicjeyacsebive väñädyeꞌ muꞌin. Chimeꞌ muꞌinmun raꞌ fer väñätucsi in Jenꞌtyiꞌ tsimꞌtactyiꞌ muꞌ paj qui muꞌinmun anicjeyacsi in chimeꞌ, meꞌ tupuj jụijyaꞌ in.

Aty raꞌ atsijbanyaꞌ yụ Anictyity Muntyiꞌ yụ, mijam raꞌ chị́vaꞌjoij muntyiꞌ in, yojdyemꞌ tomity muntyiꞌ jiquej u in Noétum jiquej in. Jambiꞌ ayij bänedyeꞌ jiquej, yejĉoij mọmoꞌ ĉụiꞌ bäꞌyi muntyiꞌ in, säcsi mọmoꞌ in, judyeyaꞌ vämi in, ĉụiꞌdye chaꞌsheꞌ in mọꞌ mạyedyeꞌ aty sitiyaꞌ covambaĉan muꞌ Noé. Muꞌin jam chị́vaꞌjoij in, ĉụiꞌdye vatyquej shupquetiꞌ ojñiꞌ jiꞌp̂utacsi räj muntyiꞌ in. Meꞌdye raꞌ muꞌin chimeꞌ muntyiꞌ in atsijbanyaꞌ yụ Anictyity Muntyiꞌ yụ, jam raꞌ chị́vaꞌjoij in.