Աստվածաշնչի հայտնի հատվածներ Génesis 50-ից

Կիսվել

Miꞌin tsanꞌ mạꞌjeꞌ jiquej ac̣hiꞌtiĉaꞌ yụ miꞌin, Jenꞌ qui namꞌ yocve jiꞌbunac dyijyedyeꞌ miꞌin paj qui jämꞌ shupquiꞌ muntyidyes in, paj qui yụ tsạꞌchucsive muntyiꞌ in, yojdyemꞌ q̂uinꞌ cavitiĉaꞌ u miꞌin.

Vorjeyacsi José: —Jam raꞌ noiꞌyi miꞌin, jam nash raꞌ yụ vaꞌtacdyeꞌ soꞌmeyac, jam nash yụ Jenꞌ buꞌyi.

Mọꞌdyes jam raꞌ noiꞌyi miꞌin, yụ raꞌ räj ĉọjcayac ạvaꞌtumdye miꞌin, soꞌmeyac raꞌ säcsedyedyes miꞌin —jéyacsi José vojity muꞌ. Meꞌdye muꞌ José jämꞌyedyeꞌtum p̂eyeyacsi paj qui jam quijñebajte in.

paj qui tsun soꞌmeyac ọij p̂eyacdyeꞌ muꞌ, yi muꞌ: Yụ cọdyeye paj qui jam dyijtucsebim vojitysiꞌ juchaj muꞌin, muꞌin anic där jịꞌñibeꞌcan jiquej in, yi muꞌ. Mọꞌdyes tsun q̂uinꞌ cọdyeyac mi paj qui jam dyijtubutiĉaꞌ juchaj tsunsiꞌ miꞌin ĉaĉaij na tsun úñi Jenꞌdyes tsun Ayoꞌtyiꞌ jenꞌ tsun", yiꞌ p̂eyacdyeꞌ muꞌin. José seꞌvacsebi p̂eyacdyeꞌ muꞌin chat qui muꞌ tári.

Yirisĉan mạyedyeꞌ muꞌ José jéyacsi vojity muꞌ: —Atyuꞌ yụs qui c̣hẹiꞌyaꞌ tyitiꞌ sänꞌdyeꞌ yụ, Jenꞌ raꞌ penꞌdyetunac, muꞌ raꞌ jiꞌshupquinac úĉantyiꞌ miꞌin judyeyaꞌ raꞌ cabunac yocsiꞌĉan jac, yojdyesdyemꞌ p̂eyes Jenꞌ jiquej u, jajiti muꞌ Abraham judyeyaꞌ muꞌ Isaac judyeyaꞌ jenꞌvun tsun muꞌ Jacob. Jéyacsi jiquej: "Yụ raꞌ soꞌmeyac ọij jac miꞌindyes", jéyacsi Jenꞌ jiquej —yi jéyacsi José.

Chat qui José cọdacsi Israeltyiꞌ vóshiꞌ muꞌ paj qui yụꞌtyeyete tsäquiꞌyis p̂eyacdyeꞌ in. Jéyacsi: —A raꞌ Jenꞌ jiꞌshupquinac jụijyaꞌ úĉan ferdyeꞌtum muꞌ judyeyaꞌ canac yocsiꞌĉan jac, yụ cọdyeyac paj qui yụ́smun jin cabutiĉaꞌ miꞌin muꞌĉan —jéyacsi.

Meꞌdye muꞌ José säñi Egiptoĉan aty yiriꞌ cien yiriꞌtac yómodyeꞌ tyiti muꞌ. Muꞌ qui yụꞌtyeyete pịñidyeꞌ in jam jiꞌfocoyacdyes aꞌdyes muꞌ, chat qui bijte in cajónĉan.