Աստվածաշնչի հայտնի հատվածներ SNS 9-ից

Կիսվել

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa. Ǹ nə n taasɛ ǹ nə́ wusoo ǹ gɛ̀-dɛn kio, dabara sii zɛnaa nɛ, naarɛbaa nɛ, ka wurumu baa-n wa.

Bisinin nə́ soo tɛmaa lɛ nɛ, ǹ nə́ n nyɔmaa tán la. Ǹ sɔn-dɔ lɛ n we ka ton wɔ bɛ́ lɔn. Ǹ nə́ pɛ ǹ nɛ, mà ǹ nyan toa ǹ basaã kɔ buu kɔ́n nɛ wa, ǹ nyan toa ǹ basaã kɔ da laanka màn zumii kɔ́n nɛ wa. Sɛnɛ, minin mɛnɛn bɛ́ Lawa a nyaǹ ná a kiɛ̃ nɛ ǹ nyanlɛ-a wa, mà ǹ basaã kɔ bɛn nɛ.

Lon a dia dí-a wole soorobaa ǹ wɔ tɔ́n a bɛn pɛ. Má yɛ leere goon bɔ lon á mɛ tán. Ǹ nə́ nɔmaa ǹ nyankɔrɔ zuzulu kɛ a goo nɛ kɔ la.

Ǹ lɛ kɔ bisinin lɛn la mà ǹ minbuiinin dɛ ǹ gã wa, sɛnɛ, mà ǹ bɔ ǹ yii ni yǎa mui sooro. Ǹ bɛ́ boe ǹ yii-n ka yɔrɔ mɛn nɛ, a lɛ n busi ka ton na á sɔn dɔ min ganaa.

Min mɛn bɛ́ nɔmaa ǹ nyankɔrɔ zuzulu lɛduĩ, bɛ nə ǹ kii lɛa, á ǹ nyɛɛnaan sa boe. Maǹ bíi "Minin-Ziziɛ̃li", *Ebrəə bɔlɔ nɛ, maǹ bíi "Abadɔn", Grɛki bɔlɔ nɛ, maǹ bíi "Apoliɔn".