Աստվածաշնչի հայտնի հատվածներ Zaã1 2-ից

Կիսվել

Ka nyan kanaa laanka a gɔn màn kɔ́n narɛ wa. Bɛ̀ min mɛn tá kanaa narɛ, Díi Lawa narɛɛ ba ǹ dɛnaa gɔ́ɔ̃-n wa. A giala, màn mɛn tumaa bɛ́ kanaa wɔ lɛa, yii bɔ màn li ni, gɔ̀nɔn foo sii baraan manɛ, ka din koa kanaa siin la nɛ. Bɛn kɔ́n bie boe Díi Lawa li wa, sɛnɛ maǹ kanaa wɔn lɛa.

A da yaa, kanaa kɛ n kiɛ̃ ka a yii bɔ màn li kɛ nɛ. Sɛnɛ, bɛ̀ min mɛn tá Lawa foo sii zɛnɛɛ, bɛ n goɛ̃ yǎa duduu.

Min mɛn bɛ́ pii mà asɛ á kun ka Lawa nɛ, bɛ doamaa nɛ a Yezu gòɛ̃ saa.

Maa nɛnyaanan lɛn, man sɛ́wɔ kɛ diɛ ka la, máa ka baran sii baraa zɛnaa wa. Sɛnɛ, ta min mɛn na á sii baraa zɛnaa dinin, min mɛn bɛ́ boo diɛ wɔ a lɛa wɔ Di Lawa li, bɛ tan, Yezu *Krita pepere kɛ nɛ.

Bɛ̀ min mɛn pɛ, mà asɛ á doɛ̃, sɛnɛ a ná a ba a dí-pɛn lɛ sii wa, soɛ-bɔle n ka ǹ dɛnaa nɛ, sonbore ba a gɔ́ɔ̃-n wa.

Bɛ̀ wɔ á Lawa a dí-pɛn lɛ sii, wɔ ǹ doɛ̃ ka bɛ nɛ, wáa wɔ á Lawa doɛ̃.

Min mɛn bɛ́ pii, mà asɛ n wɔlɔ fúlu li, ǹ dɔɔ̃n tìĩ n tɔn boe-n a nyin ni, bɛ n tɔn wɔlɔ tì li.

Die n soɛ-bɔle lɛ lɛa kəni? Min mɛn bɛ́ pii, mà Yezu bie Minin Nyin-sili lɛa wa. Bɛa dɛnaa kɛ lɛ n Krita a zɔ́ɔ lɛ lɛa. A na á Díi Lawa laanka a Nɛgiĩ lɛ tii.

A giala, bɛ̀ min mɛn Nɛgiĩ tii, a na á Díi dɔ tii miɛ̃. Bɛ̀ min tá Nɛgiĩ lɛ doɛ̃, a n Díi dɔ doɛ̃ miɛ̃.