Աստվածաշնչի հայտնի հատվածներ Mezali 10-ից

Baraka za Yawe ndizo zinazoleta utajiri. Juhudi za mutu haziongezi kitu.

Kwenye kuwa maneno mengi hakukosekani makosa, lakini aneyezuia ulimi wake ana akili.

Chuki inaleta ugomvi, lakini upendo unafunika makosa yote.

Uvivu unasababisha umasikini, lakini mukono wa mutu wa bidii unajitajirisha.

Anayekubali kufundishwa anaelekea kwenye uzima, lakini anayekataa kuonywa amepotoka.

Anayeishi kwa ukamilifu anaishi salama, lakini anayepotosha maisha yake atagunduliwa.

Kumwogopa Yawe kunarefusha maisha, lakini miaka ya waovu itakuwa mifupi.

Yawe hawaachi wenye haki wapate njaa, lakini anapinga tamaa za waovu.

Upepo mukali unapopita na mwovu anatoweka, lakini mwenye haki anaimarishwa milele.