Աստվածաշնչի հայտնի հատվածներ ROMANOS 8-ից

Կիսվել

Esejaya ebanei ojjaña cua ese queabihui ba'epoquijjijo, cua ese queacamajanee pojjijo pea-ai Eyacuiñajjiya jamaya ameecani ese queaca'a ba'epoquijji. Jamaya ohuaya eseya ameecani ojjaña joya o queajea ajji poanicuana ma ohua babacacapoacuanaya ojayanei ejjashahuabaquijjijo.

Jamajjeya ecuea ebanei chama'neinei pea o ese queajeanee eapajeamee'yojji epojji. Ese mano'yajo, eseya eshetii nequi pea-ai Eyacuiñajjiya eseya queajeanee acapoquianitii. Angelcuanaja, eshahuacuanaja pea-ai Quito eseya queajea eapajeamee'yojji pojjeama. Cua eseya acani cuaa jjeya, ma quijje acaje pea-ai eseya queajea eapajeamee'yojji pojjeamatii poaje. Ojjaña Eyajo queaca'a nequicacuana, jiquio meshijo anicacuana pea-ai chama'neinei epana o ese queajea eapajeamee'yojji epojji. Esejaya Emeshimesenei Jesosa Quitojo eseya queajeanee acapoquianitii Eyacuiñajjiya.

Eseyanei se ca ca'a-ama poani, jamajjeya Edojjoshahuapameya eseya asahuacapoquianitii. Esejaya bajjimanei ajeo Eyacuiñajjinijje emimijji. Edojjoshahuapame ca queaja'a mimipoquianitii onijje esejo. Eyacuiñajjija ejjashahuabaquijjijo oya mimipoquianitii onijje esejo. Jamatii esejaya queaja'a eshajja-ajjajji pojjeama poaje oya pea esohuijo onijje mimianijojoya.

Eyacuiñajjiya eseya queapameneetii acapoquiani jjashahuabaquimajje, ¿ajeo queayenotii pocajji? ¿A'a dejjacuaa eseya ojaya epeejji popajeameecaje'yo? ¡Chojja de! Eyacuiñajji esenijje nequianitii, jamajjeya chama'nei pea ese oja epeejji popajeamee'yojji epojji.

Jamajjeya jjeya ojjaña joya Jesosa Quitoja po'yanicuana Cuaqui-aiyasijje epoqui'yojji pojjeamatii poaje.

Jamajjeya ojjaña joya ojayanei ejjashahuabaquijjijo queamimishitii posapojjicuana ejjasejjaqui'yotii nequije'yo Eyacuiñajjijo emano'yo jayojja. Ojjaña joya Edojjoshahuapameja ejjashahuabaquijji ajji poanicuana caca oe queaquijijjijajinee ba'epoquije. Eyacuiñajjiya oya ba'etiitiimeecaje'yo onijje.

Jamaya eseya ba'epoquijetii queacamajanee jamatii chama'nei pea ese oja epeejji epopajeamee'yojji epojji. Jiquio ese queajeaneetii apoquiajji poaniya eseya queaca'a ba'emeesahuacapoquianitii.

Eseya jjeya jiquio meshijo ba'e queacamajanee poani so'o. Jamatii eseya queayenotii pojjeama ba'epoquiani esejaya ebajojoya ma quijje epojja oe-ejjenei apoa poajo Eyacuiñajjiya eseya queapamenee ba'etiitiimeecapoquije'yo jiquio ecua se jjeya ba'e jama pojjeama.

Jamajjeya, ¿ache dejjaa shai Quitohua eseya queajea apajeameecaje'yo? ¿Ache dejjaa shai eseya quea-ohueshanee nequimeecaje'yo? Acheyapishana. ¿A'a eseya queaneenee poajo queajea apajeacaje'yo? ¿A'a se queacamajanee poajo, a'a queashoenee poajo, a'a se aema' daquima'nei poajo, a'a se quea-ajjajja poajo, a'a ese mano'yajo Quitohua eseya queajea apajeacaje'yo? Chojja, chama'neinei pea o ese queajea ameepajea'yojji epojji.

Eyacuiñajjiya bacanitii achajja jjashahuabaquime eseya poani eseja esapadojjojo. Ojaya eba pea-ai yajja mimime poaje Edojjoshahuapame esejo. Cua Eyacuiñajjiya ese ameesa-acanijo jamaya Edojjoshahuapame mimipoquiani onijje ese ojaya'yo poanicuanajo.

Jamajjeya ojjaña joya Edojjoshahuapameja ejjashahuabaquijji ajji poanicuana Eyacuiñajjija bacua e'ejojonei poani.

Ojjaña joya ojayanei ejjashahuabaquijjijo ba'epoquisatiipoanicuana queamimishitii ba'epoquije. Mahuisojotiiya queamimishi epojji ba'epoquije. Ojjaña joya Edojjoshahuapameja ejjashahuabaquijji ajji poanicuana caca ojaya ejjashahuabaquijji jayojja ba'epoquije'yo queaja'a.

Eyacuiñajjiya oja Bacuaejja oenei nahuejjima acapoa. Oya manomeeca'yapoa eseja mimishijo. Jamajjeya oja Bacuaejja jama ameeca'yapoa esejo jjabaquimajje, esejaya queaja'a bacajji Eyacuiñajjiya ojjaña ese queapame ba'epoquijji quiacapoquije pea-ai ojayanei ejjashahuabaquijjijo. Nahuejjimanei se quiame acaje.

Eyacuiñajjija Edojjoshahuapame esejayanei edojjoshahuanijje mimiani ojee oya esohuiya eseya Eyacuiñajjija bacua e'ejojonei poanijojoya. Jjeya eseya Eyacuiñajjija bacuacuana poani. Jamajjeya ma ohua queapamenee apoa acapoa Quito quiajji, eseya pea-ai jama quiame apea-aicaje quijje ese queabihui ba'epoqui'yojji Eyajo. Eseya ca jjeya queaneenee acaje cuaa jiquio meshijo ba'e oja esohuijo ma ecua Quito queaneenee acapoa cuaa jama pea-aiya. Majoya jama pomajje eseya queabihuinee ba'etiitiipoquije'yo onijje Eyajo quijje ojjañajaajjicuaa oya bihuiacajo.

Jamajjeya ojjaña joya ojayanei ejjashahuabaquijjijo queamimishi ba'epoquianicuana Eyacuiñajji sapo-ajjanei poani, Eyacuiñajjija esohui Moisesja tehuecuana basapo-ajja pea-ai poani. Oja esohui etehuejo oyatii jjashajja-ajjameequiajja oya queamimishica'a poanijjejojoya.

Ojjaña Eyacuiñajjija panacuana pea-ai jjaishoaquipoquianitii acheshono shai Eyacuiñajjiya bameecaje ache e'ejojonei oja bacuacuana poani ojjañaja queaja'a ebajji.

Esejaya eba yahuajonei, jjeyanei cuanaya ojjaña Eyacuiñajjija panacuana queaneetii poequi, manopoqui'yanitii. Jiquio ecua epona bacuaneemajje queaneenee poani jama pea-aiya oja panacuana popoquianitii.