Աստվածաշնչի հայտնի հատվածներ ROMANOS 4-ից

Կիսվել

Jamatii Abraham Eyacuiñajjija esohui o bacuajji epojjijo jjashahuabapajeaqui'yojjimatii nequiapoa. Eyacuiñajjija esohui ojaya eajeyojji pojjeamajo Abraham jjashahuabaquijjima poa. Abraham ca queaca'a nequipoquiapoa Eyacuiñajjijo. Eyacuiñajji pea-ai ohuaya bihuiatiicapoquiapoa. Jamajjeya ohuaya oja esohui shahuabacapoquiapoatii Eyacuiñajjiya queaca'aneetii poaniya oya e'ejojonei ebacua quiacaje. Oja esohuijo ma ohua huohuicapoajoya Abraham jjashahuabatiiquipoquiapoa.

Eyacuiñajjija esohui yahuajonei etehue jaa jama poani ba'a: “Eyaya miya queahuisojaajjicuanaja chii epojji pomeeje” jama tehuemeya acapoa ojo. Jiquio Eyacuiñajjijoya Abraham jjashahuabaqui'yapoa. Jiquio esohuiya ohuaya ajeyoca'yapoa. Oya Eyacuiñajjiyatiiya emano'yo jaacuana shequimeecaje'yo, cua oja panajjima poacuana ohuaya panacapoquiani oja esohuijotii.

Eyacuiñajjiya Jesosa huoojeacapoa emano'yojji eseja mimishicuanajo. Majoya Eyacuiñajjiya oya shequimeeca'yapoa Eyacuiñajjija ese mimishima'yo ebajji ojo.

Eyacuiñajjiya Abraham huohuicapoa quea-osecuahuisonee o pojjijo. Abraham edejjatiinojinoji bacuama'tii nequi jjashahuabapajeaqui'yojjimatii nequipoquiapoa Eyacuiñajjija esohuijo jamatii queacamajanee. Ma o ohua huohuicapoa esohuijotiiya oya queabihui jjaishoaquipoquiapoa. Queajaajjihuisocuanaja echiimese epojji Eyacuiñajjiya oya pomeecapoa.

Eyacuiñajjiya Abraham oja esohui ma quijje ohua o quiacajejo huohuicoocapoa oya e'ejojonei jjashahuabaqui'yapoajojoya. Jamajjeya Eyacuiñajjiya queapamenee apea-aicaje'yo ojjaña oja osecuacuana o jayojja pea-ai e'ejojonei jjashahuabaqui'yanijojoya. Moisesja tehuecuana bajji poaninei oopana pojjeama Eyacuiñajjiya queapamenee acaje'yo. Eyacuiñajjiya ojjaña joya oja esohuijo jjashahuabaqui'yani huisotiicuana queapame apea-aicaje'yo. Jamajjeya Abraham queahuisoneecuanaja echiimese jayojja poani joya Eyacuiñajjija esohuijo jjashahuabaqui'yanicuanaja.

Jama huohuime acapoa Davidya yahuajonei ba'a: “Ojjaña joya Eyacuiñajjiya oja mimishi cuijeaca'yani jjabaquijjicuana queabihuinee poani. Oja mimishicuana Eyacuiñajjiya shahuabapajeaca'yonaje. Queabihuinee poani cuana ojjaña joya oja mimishicuana queahuisonee poanaje Eyacuiñajjiya chama'yo bacajo.”

Eyacuiñajjija esohui oyatiiya poani jama ba'a: “Abraham jjashahuabaqui'yapoa Eyacuiñajjija esohuijo. Jamajojoya aje Eyacuiñajjiya oya bacapoa oja mimishima'yo.”