Աստվածաշնչի հայտնի հատվածներ ROMANOS 2-ից

Կիսվել

E'e, ecuea epeejji miyaya peacuanaja mimishi huohuiañajo a'a Eyacuiñajjija miquea mimishi epajeacaje'yo poso ajji. A'a Eyacuiñajjiya miya queaneenee pomeecuaji'yojjima eacaje'yo poso jjabaquijji. Mi o jayojja pea-ai poanijojoya queaneenee pomeepea-aicaje'yo. Bacue, Eyacuiñajjiya miya queaneenee pomeecuaji'yojjima acani mique mimishijo. Jamajjeya ohuaya miya queapameneetii acapoquiani jjabaquimajje queaquehua jjashahuabaquiani ojo. Ojaya miya queaneenee epomee'yojji pojjeama poso jjabaquiani miquea mimishijo. ¿A'a miquea bajjima Eyacuiñajjiya miya queaneenee pomeecuaji'yojjima acani? Bajjima pojja'a. Jamajjeya majoya ohuaya miya ishoacapoquiani pea jjashahuabaquime epo'yojji miquea mimishijo.

Ecuea epeejjicuana miquianaya judiocuana, judío pojjeamacuana pea-ai jjashahuabaquiani pojja'a peacuanaja mimishi ehuohuijjijo. Jama quiana poani ba'a: “Eyacuiñajjiya oya queanee capomeecahua oja mimishijo.” Ojo jama pomajje miquianaya queaneenee pea-aiya poaje queamimishi pea-ai poanijjejojoya. Eyacuiñajjiya miquianaya queamimishi pea-ai poani bacaje jiquio ecua onaaya acani jama pea-aiya miquiaaya añajojoya.

Eyacuiñajjiya ojjaña meshijo ba'ecacuana oya jayojja pea-ai bacani. Jamajjeya ojjaña joya oma' jayojja poanajeja mimishicuana ohuaya huohuicaje'yo, che oema'ja Eyacuiñajjija huohui'yojjima eajji pojjeama.

Bacue, Eyacuiñajjiya bacani cuana oja mimishima'yo pojjeama joya oja esohui Moisesja tehuecuana shajja-ajjajji epojo pojjeama. Joya ojjañatii oja esohui Moisesja tehuecuana jayojja ba'etiipoquijji poanicuana caca oe ohuaya oya bacame queapame mimishima'neitii.

Eyacuiñajjiya quiacaje cua ojjañacuaa eshe ba'yahua acapoquinaje sosejje jiquio meshijo ba'yahua.

Peacuana caca jama jjashahuabaquime pea-ai po'yoajjanei. Ojayanei ejjashahuabaquijjitii acapoquiani. Eyacuiñajjija esohui e'ejojonei cajaa acani cuaa queamimishitii eba'epoquijji. Jamajjeya ojjaña joya jama queamimishitii ba'epoquianicuana Eyacuiñajjiya queaneeneetii pomeecaje'yo quijje queaqueneneeya.

Jamatiiya caca oe miya queamimishica'anee poani pea jjashahuabaquime po'yoajja Eyacuiñajjijo. Jamajjeya miquea mimishi queahuisonee popoquiani aquiana eiyachicha queahuiso jama. Majoya ojjaña meshijo ba'eca dejjamimishicuana eponacuana queaneenee pomee'yojji epojja poeajo, miya queaneenee poaje'yotii miquea mimishicuana queahuisonee popoquinajejojoya. Ma pojjajotiiya Eyacuiñajjiya queaqueneneeya ojjaña joya oma' jayojja ba'epoquinajeja mimishicuana e'ejojonei huohuicaje'yo o queaneeneetii ponequi'yojji.