Աստվածաշնչի հայտնի հատվածներ Kada Bulawan 12-ից

Կիսվել

Ia to malaja' jolo mpamoro' sumanga', apa ia to kada mepamasumanga' mepamasannang.

Ia to tomasannang dipangngajahhi, ngkamali' kapaissenan, apa gaja bango' to tocia' dipakainga'.

Ia to tosamangkadanna bang mepa'dikan penawa, butung pa'dang mepakojong, apa ia to kada tomacca, butung pejampi mepamondo.

Gaja bango' to tossanga kalena tongan, apa ia to tomacca ntarima melo pangpakainga'.

Gaja bango' to tomadoi' bang mapa'dik penawa, apa melo akkalanna to tosabbara' ke nacapa'i tau.

Ia to baine macca nnurusu' repokkona, nataratte' tau to muanena, apa ia to baine mpakasiri' muanena, butung saki mpamarapoh bukunna muanena.

Nakaba'ci PUANG Allataala to tomajekkong, apa Nakabudai to totatta' mangkada tongan.

Ia to tomakassing, mpatuju melo soba'na, apa ia to togaja', mpasala lalan kalena.

Ia to kada katonganan messun jio timu tatta' diingaran, apa ia to kada tangtongan cingga'tu'ra natangdiingaran.