Աստվածաշնչի հայտնի հատվածներ Matius 23-ից

Կիսվել

Ia ke den kamu' madoang disanga to toditaratte', parallu la menjaji todisua-sua.

Ia to tompamajao kalena la dipamajiong, na ia to tompamajiong kalena la dipamajao.”

Macilaka kamu' to guru agama sola to-Farisi, nasaba' tomajekkong kamu'! Ia to assele' tanananmi to tangkeangga'na susinna tulasi, bua adas na jintang, mipangben sangtawa sangpulona lako Puang Allataala. Apa ia to parenta kaminang parallu lan atoranna Nabi Musa te'da mipugaukki susinna: kamarurusan, mamase, nturu' pakkaeloran-Na Puang Allataala. Na iara joo to kaminang parallu la mipugauk, apa la mipugauk too to laenna.

Macilaka kamu' to guru agama sola to-Farisi, nasaba' tomajekkong kamu'! Ia ammibasei isotan ba'tu kandean, saleanna manda mibasei, apa lanna liu carepa unapa. Susimi joo, ia to ada' wa'ding nakita tau mituru' tongan, apa lan penawammi buda kamaullakan sola kamadoangan rrampa apanna tau.

Mangkadai Puang Isa nakua, “Ee, to-Yerusalem! Tombuno kamu' nabi! Mirura batui to tonasua Puang Allataala ratu lako kalemi, sanggenna mate. Ba'tu pempiranmo' madoang rrempun kamu', susi indo manuk rrempun anakkana jiong pani'na, apa te'da mimadoang!

Susi toda kamu'. Ia ke dikitai, melo sipa'mi lako padammi rupa tau, apa lan penawammi kagajatan manda ponno sola kamajekkongan.”