Աստվածաշնչի հայտնի հատվածներ Matius 10-ից

Կիսվել

Nakuan pole' omi Puang Isa to anak gurun-Na, “Pesa'dingngii! Kusua kamu' male susi bembala' mentama tangnga serigala. Iamo joo la macca kamu' mbawa kalemi, mimaruruh.

Ia to tonturu' bang pakkaeloran penawanna, te'da nalannampa' katuoan melo te'da cappa'na. Apa ia to tonturu' tarruhna' moi la dibuno, iamo la nnampa' katuoan melo te'da cappa'na.”

Danggi' mimalaja' lako tolino to batang kale manda nakulle nabuno, apa te'da nakullei mbuno penawammi. Puang Allataalara to sipato' mikalaja', nasaba' ianna mangka mbuno kamu', makuasapa Ia mpatamai naraka to batang kalemi sola penawammi.

Na ia to tocia' mpassan kaju sitambenna na nturu'na', tangsipato' menjaji taung-Ku'.

Mpatarruhpa kadan-Na Puang Isa nakua, “Ia to tonnakuina' jio olona tobuda kumua tomenturu'i lako kale-Ku', la kuakui todai jio olo-Na Ambe'-Ku' jao suruga. Apa ia to tompessakkannina' jio olona tobuda kumua, te'da namenturu' lako kale-Ku', la kupessakkanni todai jio olo-Na Ambe'-Ku' jao suruga.”

Pamalagahhi to tomasaki sola tomasolak, patuoi to tomate, ula'ii to setang. Ia tee diben bangra kamu', iamo joo la mipangben bang todari.

Iamo joo danggi' mimalaja', nasaba' la'bih keangga' kamu' na ia to denah!”

Nakuapa Puang Isa, “Danggi' misangai kumua ratuna' mbawa kasikalinoan tama lino. Tangngia kasikalinoan to kubawa, apa kasiewalianra.