1
လံာ်မးသဲ 10:16
Sgaw Karen Common Bible
KSWC
ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.
2
လံာ်မးသဲ 10:39
ပှၤလၢအဂုာ်ကျဲးစၢးဟံးဃာ်အသးသမူန့ၣ်, အသးသမူကလီၤမၢ်န့ၢ် အီၤလီၤ. ဘၣ်ဆၣ်ဒီးပှၤတဂၤလၢ်လၢ်လၢအဒုးလီၤမၢ်ကွံာ်အသးသမူလၢယဃိန့ၣ်, ကထံၣ်န့ၢ်တၢ်မူနီၢ်နီၢ်လီၤ.
3
လံာ်မးသဲ 10:28
တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.
4
လံာ်မးသဲ 10:38
ဒီးပှၤလၢအတယိးအထူၣ်စုညါဒီးပိာ်ယခံဘၣ်န့ၣ်, တကြၢးဘၣ်ဒီးယၤဘၣ်.
5
လံာ်မးသဲ 10:32-33
ပှၤတဂၤဂၤမ့ၢ်အၢၣ်လီၤလၢပှၤကညီအမဲာ်ညါလၢအဘၣ်ဃးဒီးယၤန့ၣ်, ယကအၢၣ်လီၤစ့ၢ်ကီးအီၤလၢယပၢ်အိၣ်လၢမူခိၣ်အမဲာ်ညါလီၤ. ဘၣ်ဆၣ်ပှၤတဂၤလၢ်လၢ်လၢအသမၢယၤလၢပှၤကညီအမဲာ်ညါန့ၣ်, ယကသမၢစ့ၢ်ကီးအီၤလၢယပၢ်အိၣ်လၢမူခိၣ်အမဲာ်ညါလီၤ.
6
လံာ်မးသဲ 10:8
မၤဘျါပှၤဆူးပှၤဆါ, မၤမူထီၣ်က့ၤပှၤသံ, မၤကဆှီထီၣ်က့ၤပှၤလိၤတဂ့ၤတဖၣ်, ဒီးဟီထီၣ်ကွံာ်တၢ်နါတဖၣ်န့ၣ်တက့ၢ်. သုဒိးန့ၢ်ကလီလံတၢ်လံ, ဟ့ၣ်ကလီတၢ်သုဝဲတက့ၢ်.
7
လံာ်မးသဲ 10:31
လၢတၢ်န့ၣ်အဃိပျံၤတၢ်တဂ့ၤ. နလုၢ်နပှ့ၤဒိၣ်န့ၢ်အါန့ၢ်ထိၣ်ဖှံးဖိအါဘ့ၣ်တက့ၢ်လီၤ.
8
လံာ်မးသဲ 10:34
တဘၣ်ဆိကမိၣ်လၢယဟဲစိာ်တၢ်ဃူတၢ်ဖိးဆူဟီၣ်ခိၣ်ချၢ တဂ့ၤ. ယတဟဲစိာ်တၢ်ဃူတၢ်ဖိးဘၣ်. မ့ၢ်ယဟဲစိာ်ယဲနးတဘ့ၣ်လီၤ.